Tifozë të shumtë shqiptarë përkrahën Kombëtaren në ndeshjet e fazës së grupeve të Euro 2024 dhe sipas të dhënave të publikuara nga mediat ndërkombëtare janë ndër kryesorët në këtë turne.

Mbështetësit kuqezi janë renditur në vendin e katërt me 95 mijë spektatorë në 3 takimet e zhvilluara këtë muaj.

Rreth 48 mijë ndoqën ndeshjen me Italinë në Dortmund, 15 mijë atë me Kroacinë në Hamburg dhe 32 mijë ishin të pranishëm ndaj Spanjës në Dyseldorf.

Më mirë se shqiptarët janë Turqit me 130 mijë në total, gjermanët me 125 mijë dhe kroatët me 103 mijë.

Tifozët shqiptarë lënë pas skocezët, holandezët apo anglezët. Madje në fazën e grupeve sëbashku italianë dhe spanjollë nuk i kalojnë dot spektatorët kuqezi, pasi të dy grupet janë rreth 70 mijë.