“Një Shtetas që jetonte në Tiranë ndalohet sot në Qafën e Muzinës, pasi drejtonte mjetin në gjendje të dehur”

Shtetasi, identifikuar si A.R., banues në Tiranë, u kap në aksin rrugor Jorgucat – Qafa e Muzinës duke drejtuar makinën në gjendje të dehur.

Pasi iu bë testi i alkoolit, rezultoi se ky shtetas po ngiste makinën në gjendje të dehur. Policia e kaloi materialet në Prokurorinë e Gjirokastrës për veprime të mëtejshme.

POLICIA E SHTETIT 

Specialistët e Sektorit të Policisë Rrugore referuan materialet në Prokurori, ku nisi procedimi penal për shtetasin A. R., 68 vjeç, banues në Tiranë, pasi u kap në aksin rrugor “Jorgucat-Qafa e Muzinës”, duke drejtuar automjetin, në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Tirana ka zyrtarizuar largimin e trajnerit Vangjel Mile. Ashtu siç pritej, klubi bardheblu dhe tekniku i njohur kanë “shtrënguar duart” përfundimisht, me lajmin që tashmë është konfirmuar në kryeqytet.

Ky vendim vjen pasi skuadra në dy ndeshjet e para, grumbulloi vetëm një pikë.

“Klubi i Futbollit Tirana njofton se bashkëpunimi me trajnerin Vangjel Mile është ndërprerë në mënyrë konsensuale, pas një takimi me anëtarin e bordit drejtues, Grent Halili. Pas diskutimeve mes palëve, u arrit në përfundimin se kjo ishte zgjidhja më e mirë për arsye strategjike dhe në funksion të objektivave të klubit.

Tirana falenderon Vangjel Milen për kontributin dhe korrektësinë e treguar gjatë kësaj periudhe”,- shkruan klubi.

Shqipëria sapo ka përjetuar një nga ngjarjet më ekstreme të nxehtësisë së gushtit në historinë e saj të regjistruar, me temperatura që arritën nivele të papara. Të martën, Tirana regjistroi një rekord të ri të gushtit prej +43.6°C.. Jo shumë larg, qyteti bregdetar i Durresit arriti +42.4°C, një matje jashtëzakonisht e lartë për një vendndodhje detare, raporton “MKWeather”.

Kjo valë nxehtësie shënon një moment të rëndësishëm në të dhënat meteorologjike të Shqipërisë, pasi vlera të tilla ekstreme nuk janë vërejtur kurrë gjatë gushtit. Vendi aktualisht është nën alarme të nivelit të kuq për nxehtësi ekstreme, teksa autoritetet i bëjnë thirrje publikut të kufizojë aktivitetet në natyrë, të qëndrojë i hidratuar dhe t’i kushtojë vëmendje të veçantë popullatave të cenueshme si të moshuarit dhe fëmijët.

Temperaturat e jashtëzakonshme janë pjesë e një vale më të gjerë të nxehtësisë mesdhetare që shtrihet në të gjithë Evropën Jugore, e nxitur nga një sistem intensiv me presion të lartë që drejton ajrin përvëlues të Saharasë drejt veriut. Në kombinim me qiellin e kthjellët dhe lagështinë e ulët, këto kushte i kanë shtyrë termometrat në ekstreme historike.

Ndërsa Shqipëria nuk është e panjohur me nxehtësinë e verës, kohëzgjatja dhe ashpërsia e kësaj ngjarjeje po ngrenë shqetësime në lidhje me frekuencën në rritje të rekordeve ekstreme të temperaturave. Ekstreme të tilla mund të përkeqësojnë kushtet e thatësirës, të shkaktojnë zjarre dhe të tendosin rrjetet e energjisë për shkak të kërkesës në rritje për ftohje.

Meteorologët paralajmërojnë se temperatura të ngjashme ose edhe më të larta mund të bëhen më të zakonshme në dekadat e ardhshme nëse tendencat e ndryshimeve klimatike vazhdojnë. Për momentin, Shqipëria do të mbahet mend për valën e jashtëzakonshme të të nxehtit të kësaj jave – një kujtesë e fortë e sfidave në rritje klimatike të Mesdheut.

Pas 5 ditësh pa informacion për të afërmin e tyre, ngjarja misterioze e humbjes së një 27-vjeçari nga Tirana nga një hotel në Dhërmi ka marrë një kthesë pozitive.

Pesë ditë pasi denoncoi humbjen e të vëllait të tij 27-vjeçar nga hoteli ku po qëndronin në Dhërmi, ka qenë përsëri 24-vjeçari K.Z., i cili është paraqitur në polici ditën e djeshme duke thënë se tashmë vëllai i humbur, 27-vjeçari A.Z., është kthyer në banesë pranë familjarëve të tij, pa probleme.

“U referuan materiale shtesë për vlerësim, pasi është kthyer në banesë pranë familjarëve të tij, pa probleme, shtetasi A.Z., 27 vjeç, banues në Tiranë, për të cilin kishte kallëzuar vëllai i tij se kishte humbur kontaktet prej datës 02.08.2025, në Dhërmi”, thuhet në njoftimin e policisë.

Por si ndodhi ngjarja, ndërsa motivet mbeten ende mister?

Ngjarja misterioze ndodhi me datë 2 gusht, kur në një hotel në Dhërmi u zhduk i riu 27-vjeçar nga Tirana.

Sipas njoftimit të Policisë, denoncimi për humbjen u bë nga vëllai i tij, 24-vjeçari K.Z.

Policia njoftoi se bëri shpalljen në kërkim të shtetasit A.Z., 27 vjeç, dhe po punonte intensivisht për gjetjen e tij.

Një 15-vjeçar është arrestuar në Tiranë pasi dyshohet se ka aksidentuar për vdekje këmbësorin me iniciale S.V. Viktima 82-vjeç po lëvizte me biçikletë në zonën e Yrshek kur është përplasur nga i mituri.

“Specialistët e qarkullimit rrugor bënë arrestimin e shtetasit të mitur 15 vjeç, pasi në Yrshek, ditën e sotme, rreth orës 14:40, dyshohet se duke drejtuar një automjet të familjarëve të tij, ka aksidentuar shtetasin S. V., 82 vjeç, i cili po lëvizte me biçikletë. 

Si pasojë 82-vjeçari ka humbur jetën rrugës për në spital.

Materialet procedurale iu referuan Prokurorisë së Tiranës, për veprime të mëtejshme”, njofton policia.

Kryeministri Edi Rama ka shpallur me krenari se Tirana do të presë Kongresin Botëror të Ligjit në vitin 2027. Ai e cilësoi këtë ngjarje si një trofe për Shqipërinë, që reflekton konsideratën ndërkombëtare të fituar nga vendi falë Reformës në Drejtësi.

Rama nënvizoi se procesi i përzgjedhjes ka qenë shumë konkurrues dhe i ngushtë, ndërsa theksoi se ky Kongres do të ofrojë mundësinë për Shqipërinë të tregojë përparimet e saj në forcimin e demokracisë dhe sundimit të ligjit.

Rama: Procesi i përzgjedhjes ka qenë i ngushtë dhe konkurrues. Shqipëria ka marrë pjesë me kandidatë të fortë dhe historikisht demokratikë nga kontinente të ndryshme. Kështu shprehur në letrën e presidentit të Shoqatës Botërore të Juristëve, profesor it ë drejtës Kushtetuese dhe avokat me prestigj të madh.

Duke zgjedhur Shqipërinë si vendi pritës i Kongresit Botëror të Ligjit 2027, Komuniteti Ndërkombëtar i Ligjit dëshiron të njohë demokracinë e saj të re dhe institucionet e themeluara mbi sundimin e ligjit, si garanci për dinjitetin njerëzor dhe zhvillimin për qytetarët e saj, vazhdon ai.

Kongresi do të jetë një mundësi e shkëlqyer për vendin tuaj për t’i paraqitur botës përparimet e mëdha drejt një demokracie të fortë të respektit ndaj ligjit ndërkombëtar, dhe respekti ndaj sundimit të ligjit.

E pra, ndaj për pak ne nisemi për Madrid, për njoftimin publik të zgjedhjes së kandidaturës së Shqipërisë për të mikpritur kongresit.

Gjatë këtyre kongreseve, njëherë në dy vjet, prezantohet edhe çmimi i paqes dhe i lirisë botërore, që konsiderohet nga shumë si çmimi Nobel në Ligj. E ka marrë Churchil, Mandela, apo mbreti Filipe i Spanjës.

Pra, Shqipëria 2027 do të jetë vendi i Samitit të NATO-s, i Europianit të Futbollit për të rinjtë, e tani edhe i Kongresit Botëror të Ligjeve.

Ç’të them? Kush i imagjinonte këto e plot të tjera aktivitete akoma, deri në disa vite më parë, le të ngrejë dorën. Por, lum si ne thuaj që kemi këta kuat, kuat, kuat, se do na kishin marrë mësysh kush e di se sa herë.

Kongresi Botëror i Ligjit është ndër të tjera edhe një trofe i Shqipërisë në formën e konsideratës së lartë që ka krijuar vendi ynë falë reformës në drejtësi.

TIRANA- Nga 141 qytete europiane, Tirana u rendit në vendin e 92 për kostot e larta të jetesës sipas indeksit të publikuar në këtë fillimvit nga “Numbeo”, një databazë globale që mat kostot së jetesës kudo në botë. Sipas indeksit që i takon janarit 2025, Tirana është kryeqyteti më i shtrenjtë në rajon, duke lënë pas Serbinë, Shkupin, Sarajevën, Podgoricën, madje edhe Sofjen, Bukureshtin, Budapestin etj.

Indeksi i kostove të jetesës llogaritet si përqindje e kostos së Nju Jorkut. P.sh. kostot e jetesës në Tiranë janë sa 41.9% e NY. Në Beograd kostot e jetesës janë sa 39.4% e Nju Jorkut, në Podgoricë sa 35%, në Sarajevë 33.5%, në Shkup 31.7% dhe Prishtinë sa 25.3% Indeksi i kostos së jetesës merr në konsideratë kostot e qirasë, shpenzimet e tjera mujore pa qiranë, indeksin e produkteve ushqimore, çmimet e restorantit dhe indeksin lokal të fuqisë blerëse.

Kostoja e lartë e jetesës në Tiranë ndikohet më së shumti nga çmimet e produkteve ushqimore. Sipas “Numbeo”, më 2025 indeksi i çmimeve të produkteve ushqimore shënoi 42.5%, çka do të thotë se një banor i Tiranës shpenzon në muaj sa 42.5% e një banori në Nju Jork. Kosto e ushqimeve ka një peshë të lartë në koston e jetesës në Tiranë, pasi ndryshe nga vendet e e tjera të Europës, shqiptarët çojnë më shumë se 43% të të ardhurave mujore për blerjen e ushqimeve.

Teksa Shqipëria ka rrogat më të ulëta në Rajon mesatarisht (30% më të ulëta) me të dhëna zyrtare, nga ana tjetër ka çmime më të larta të produkteve ushqimore. Në anën tjetër, Shqipëria ka më të lirë indeksin e qirasë. Shpenzimet e një banori në Tiranë janë sa 13.6% e një qytetari në Nju Jork. Kostot e larta të jetesës në Tiranë në njërën anë kanë si shkak çmimet e larta dhe nga ana tjetër, të ardhura të ulëta për të përballuar blerjen e mallrave e shërbimeve.

Tirana bashkë me qytetin e Ukrainës, Dnipro u renditën më dobët nga të gjitha qytetet e tjera të Europës për indeksin lokal të fuqisë blerëse. Në Tiranë fuqia blerëse është sa 43.1% e mesatares së Nju Jorkut, ndërkohë që gjysma e qyteteve europiane kanë fuqi blerëse mbi mesataren e NY. Ndërkohë në Sarajevë, fuqia blerëse është sa 63.1% e NY, në Podgoricë është sa 62.4%, në Shkup 59.8%, Beograd 57.7% dhe në Prishtinë 56.9%

Tirana gjithashtu është më e shtrenjta në Rajon pas Serbisë për çmimet në restorante. Çmimet në Tiranë janë sa 39.6% e mesatares se NY, ndërsa në Beograd 40.9%, në Podgoricë 34.8%, në Sarajevë 25.1% dhe në Shkup 26.6%. Prishtina është më e lira me restorante që kanë çmime sa 21.8% e mesatares së Nju Jork./ Monitor

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Pas shumë dueleve derbi mes Tiranës dhe Partizanit të barabarta, ky i kësaj të diele do të vërë përballë dy skuadra që po luajnë dy kampionate krejtësisht të ndryshme. Nga njëra anë është Tirana, që ka përmirësuar disi gjatë dy javëve të fundit një nisje nën pritshmërive të këtij sezoni, duke marrë dy rezultate pozitive radhazi.

Nga ana tjetër është Partizani, që ka pësuar vetëm një humbje në javën e parë ndaj Vllaznisë dhe që është në krye të klasifikimit, dy pikë para skuadrës shkodrane. Një nga arsyet e kryesimit të Partizanit është pikërisht mbrojtja, që është më e mira në kampionat, me vetëm 10 gola të pësuar. Sulmi i Partizanit është gjithashtu i treti në kampionat, me 19 gola të shënuar, një më shumë se Tirana.

Pavarësisht diferencave fillestare të këtyre dy skuadrave në këtë sezon, disa lojtarë po dalin në pah këtë sezon. Haxhiu i Tiranës është lojtari që ka bërë më shumë krosime në të gjithë kampionatin, me më shumë se 5 krosime për ndeshje.

Sa i përket krosimeve nga e majta, në këtë renditje janë respektivisht i dyti Prengaj i Tiranës dhe i treti Buxhelaj i Partizanit, që bëjnë rreth 3,5 krosime për ndeshje. Haxhiu gjithashtu ka spikatur për driblimet e kryera, me një mesatare pak më shumë se 6 në ndeshje, duke u renditur mbi Carën e Partizanit në këtë klasifikim. Të dy janë në top 5 të kampionatit për driblimet.

Në mbrojtje, Kola i Tiranës është lojtari i dytë që fiton më shumë duele (i pari është Qaqi i Elbasanit), me 79%, ndërsa i pesti është Preka i Partizanit, me 77% të dueleve të fituara.

Në renditjet individuale gjendet arsyeja e forcës së mbrojtjes së Partizanit; Mehmeti, mesfushori mbrojtës, është i katërti në renditjen e lojtarëve që kanë rikuperuar më shumë topa, një statistikë tipike për mbrojtësit, me 5,83 rikuperime topash për ndeshje. Po ashtu, Preka është i pesti në këtë renditje në të gjithë kampionatin, me 5,74 rekuperime për ndeshje.

Sidoqoftë, derbi gjithmonë rezervon surpriza. Ajo që është e sigurt është se do të ketë shumë lojtarë për t’u mbajtur nën vëzhgim.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

TIRANA- Ish-Kryebashkiaku i Bulqizës, Lefter Alla, ka dalë nga burgu pasi përfundoi dënimin me dy vite të dhënë nga Gjykata e Posaçme. Alla vuajti dënimin për veprën penale “të shpërdorimit të detyrës” dhe “shkelje të barazisë në tendera”.

SPAK kërkoi fillimisht 3.6 vite burg për Lefter Allën, por me gjykim të shkurtuar, ai u dënua me 2 vite e 4 muaj heqje lirie dhe dënim plotësues që për 5 vite të mos ushtrojë asnjë funksion publik. Në dhjetor të vitit 2023, Alla kërkoi nga Gjykata e Posaçme që ta shpallë të pafajshëm.

Lidhur me çështjen, bashkë me Allën u vu në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku.

Këta persona në bashkëpunim me njëri-tjetrin dyshohet se kishin kryer veprime të paligjshme në dhënien e një tenderi me vlerë 3 milionë euro për ndërtimin e një Ujësjellësi në qytetin e Bulqizës. Tenderi i bashkisë drejtuar nga Alla, u fitua nga një kompani BOE England e cila mendohet se u favorizua gjatë procedurës. Por punimet, u kryen nga një tjetër kompani, OE 2AF Albania shpk, lidhje shoqërore e kryetarit të Bashkisë.

Sekretari i Përgjithshëm, Blendi Klosi pasi ditën e djeshme ka zbuluar emrat të cilët janë zgjedhur nga votimi për organet e larta drejtuese të Partisë Socialiste, i ftuar në “Shqipëria LIVE”, bëri një analizë më të thellë.

Ndër të tjera, ai i dha rëndësi vendimit për më shumë se një drejtues në Tiranë dhe foli për votën e diasporës, drejtuesi politik i të cilës është Taulant Balla, ku tha se i kanë dhënë rëndësi të veçantë, për ta bërë reale.

“Ne synojmë të bëjmë reale votën e diasporës, ta ndjekim në krijimin e strukturave të forta”, tha Sekretari i Përgjithshëm.

I pyetur nga moderatorja Sidorela Gjoni, se përse ka tre drejtues për Tiranën nga ana e PS, ndërkohë që nga opozita është vetëm Belind Këlliçi, Klosi tha se ‘Tirana është beteja më e madhe dhe kështu e kanë gjykuar’.

“Është garë, secila forcë politike ka strategjitë e saj. Partia Demokratike e ka gjykuar me një drejtues, ne mendojmë se duhet të jetë më shumë. Duhet të kemi edhe shumë forca, edhe nga figurat e rëndësishme. Do të ketë shumë forca që do garojnë meqë është dhe hapësira e madhe, në Tiranë kërkohet ai numri i nevojshëm”, u përgjigj Klosi.