TIRANË- Dy punojës policie në Tiranë janë pezulluar nga puna, pasi morën lekë nga një qytetar gjatë kontrollit të dokumentacionit të automjetit. Drejtori i Përgjithshëm I Policisë së Shtetit, ka urdhëruar Drejtorinë e Standardeve Profesionale për të nisur ecurinë disiplinore ndaj punonjësve të Policisë për shkelje të rëndë. Ndërkohë, është njoftuar për rastin dhe Agjencia e Mbikëqyrjes Policore e cila ka nisur veprimet hetimore.

“Reagim i Drejtorisë Vendore të Policisë Tiranë Drejtori i Drejtorisë Vendore të Policisë Tiranë sapo u njoh me një video të publikuar në faqen zyrtare të emisionit investigativ Stop në Tv Klan, në të cilën shfaqet një patrullë policie, ku një prej punonjësve dyshohet se ka pranuar një kartëmonedhë nga një qytetar gjatë kontrollit të dokumentacionit të automjetit, menjëherë ka urdhëruar pezullimin nga detyra të dy punonjësve të Policisë, konkretisht Inspektor M. T, dhe Inspektor Sh. M., me detyrë oficerë të Patrullës së Përgjithshme në Komisariatin e Policisë Nr.5.

Në lidhje me rastin, Drejtori i Përgjithshëm I Policisë së Shtetit, në zbatim të nenit 121 të Ligjit Nr.82, viti 2024 “Për Policinë e Shtetit”, ka urdhëruar Drejtorinë e Standardeve Profesionale për të nisur ecurinë disiplinore ndaj punonjësve të Policisë për shkelje të rëndë. Ndërkohë, është njoftuar për rastin dhe Agjencia e Mbikëqyrjes Policore e cila ka nisur veprimet hetimore. Drejtoria Vendore e Policisë Tiranë falënderon mediat dhe qytetarët për bashkëpunimin dhe i fton ata të denoncojnë çdo rast të abuzimit me detyrën nga ana e punonjësve të Policisë dhe çdo paligjshmëri tjetër duke ju garantuar anonimat të plotë dhe reagim të shpejtë e profesional.”, shkruhet në njoftimin e policisë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

TIRANË – Babai i 2-vjeçares, e cila ishte djegur në trup një ditë më parë me cigare, ka rrëfyer më tepër rreth ngjarjes së rëndë.

Ai tha se ka shkuar në banesë dhe e ka gjetur vajzën me plagë. Sipas tij, pas kësaj, bashkëshortja i ka thënë se 2-vjeçaren e kishte djegur djali i madh.

Babai u shpreh për MCN se më pas i ka thënë bashkëshortes, që të dy bashkë të çojnë vogëlushen në spital. Ai shton se këto deklarata ka dhënë edhe në komisariat, kur është thirrur nga policia.

Çfarë ka ndodhur me vajzën tuaj?

Vij e shikoj vajzën në shtëpi unë. I thashë nuses se çfarë ka vajza. Më tha se e ka djegur djali pa dashje. I thashë dakord, por të paktën ta çojmë në spital. Çoje në spital, i thashë.

Keni dyshime se ngjarja mund të jetë bërë nga dikush tjetër?

Jo, jo.

Plagët ku ishin, në të gjithë trupin?

Plagët në trup kanë ndodhur vetëm nga e djegura. Na morën në polici dhe këto që po them këtu, kam thënë dhe në komisariat.

Personi qe grabiti mbremjen e djeshme dyqanin e Vodafone ne rrugen Myslym Shyri ne Tirane, ka tentuar te kryeje nje tjeter vjedhje me arme mbremjen e sotme.

Policia tha se ai ka perdorur nje arme cakmak, por nuk ia ka dale ne rrugen Konferenca e Pezes.

Ajo qe shihet eshte se vajza e dyqanit, e ka perzene te dyshuarin duke e nxjerre jashte.

Tiranë/Informacion paraprak

Më datë 11.10.2023, rreth orës 21:00, në rrugën “Konferenca e Pezës”, një shtetas ende i paidentifikuar, veshur me bluze të kuqe dhe me kapele, dyshohet se nën kërcënimin e një sendi në dukje pistoletë çakmak, ka tentuar të vjedhë në një dyqan dhe më pas është larguar.

Ky shtetas dyshohet se është i njëjti autor i ngjarjes së ndodhur mbrëmjen e djeshme, në rrugën “Myslym Shyri”.

Grupi hetimor ndodhet në vendngjarje dhe po punon për identifikimin dhe kapjen e autorit.