Përmes një postimi në rrjetet sociale, Mozzik theksoi rëndësinë historike dhe morale të UÇK-së:

“UÇK-ja nuk ishte zgjedhje — ishte detyrë ndaj atdheut. Sot ata po gjykohen, por në të vërtetë po gjykohet vetë liria jonë. Kush harron çlirimtarin, harron vetveten.

Kërkojmë drejtësi, jo mëshirë.

Kërkojmë të vërtetën, jo propagandë.

Sepse pa UÇK-në s’do kishte as Kosovë, as nder, as flamur.

Mozzik u shpreh se pjesëmarrja në këtë protestë ishte një mënyrë për të treguar respekt dhe mbështetje për të gjithë ata që sakrifikuan për çlirimin e Kosovës, transmeton lajmi.net.

Ai u bëri thirrje qytetarëve që të jenë të bashkuar në kërkim të drejtësisë dhe të vërtetës.

Protesta në Tiranë ka sjellë së bashku mijëra qytetarë nga të gjitha trojet shqiptare, duke treguar një solidaritet të jashtëzakonshëm me ish-krerët e UÇK-së dhe luftëtarët e saj./lajmi.net/

Ragip Gila, autori atentatit me të vrarë dhe dy të plagosur në Shkodër është izoluar në paraburgimin 302 në Tiranë.

Mësohet se 29-vjeçari për momentin po mbahet në qeli të veçantë, për arsye sigurie.

Ai u arrestua ne tentative arratisje disa ore pas ngjarjes se rende ne Shkoder.

Një 33-vjeçar e ka pësuar keq në Tiranë, pasi sipas policisë, në momentin që ka tentuar të vjedhë me dhunë në një banesë në kryeqytet, është përballur me të zotin e shtëpisë, i cili ka arritur ta neutralizojë duke e goditur me grushte.

Në lidhje me këtë ngjarje, policia ka bërë arrestimin në flagrancë të shtetasit A.Z., 33 vjeç, ndërsa ka proceduar penalisht pronarin e banesës me arsyetimin se ka vepruar në kushtet e vetëgjyqësisë.

“U arrestua shtetasi A.Z., 33 vjeç, si dhe u referuan materialet në Prokurori, ku nisi procedimi në gjendje të lirë për shtetasin S.L., pasi dyshohet se 33-vjeçari ka tentuar të vjedhë me dhunë në banesën e shtetasit S.L., i cili, me vetëgjyqësi, e ka goditur me grushte”, thuhet në njoftimin e policisë.

Një ngjarje e rëndë ka ndodhur në Tiranë mbrëmjen e 3 shtatorit ku nje grua ka humbur jeten pasi ka rene nga ballkoni.

Sipas asaj që raporton policia, rreth orës 23:30, në rrugën “Feti Gjilani” një grua 40-vjeçare, me inicialet A. S. ka rënë aksidentalisht nga ballkoni dhe si pasojë ka humbur jetën.

Materialet procedurale iu referuan Prokurorisë, për veprime të mëtejshme nderkohe qe mesohet se kane nisur hetimet mbi rrethanat e ngjarjes.

Penguan qarkullimin e automjeteve dhe gjuajtën me sende të forta 3 autobusë që transportonin tifozët e një ekipi futbolli, identifikohen 5 shtetas. Vihen në pranga 3 prej tyre, procedohen në gjendje të lirë 2 të tjerë.

Specialistët për Hetimin e Krimeve të Komisariatit të Policisë Nr. 7, në bashkëpunim me shërbimet e Sektorit të Forcës së Posaçme “Shqiponja”, arrestuan në flagrancë shtetasit A. M., 32 vjeç, K. S., 29 vjeç dhe Sh. S., 30 vjeç, dhe referuan materialet në Prokurori ku nisi procedimi penal për 2 shtetas të mitur 17 vjeç.

Nga veprimet hetimore dyshohet se këta shtetas, pas mesnate, në aksin rrugor “Qafë Kashar – Rinas”, kanë penguar qarkullimin e automjeteve dhe kanë gjuajtur me sende të forta, 3 autobusë që transportonin tifozët e një ekipi futbolli.

Punohet për identifikimin dhe kapjen e shtetasve të tjerë të përfshirë në këtë rast. Materialet procedurale i kaluan Prokurorisë, për veprat penale “Prishja e rendit dhe qetësisë publike”, “Shkatërrim i pronës” dhe “Pengim i qarkullimit të mjeteve të transportit”, të kryera në bashkëpunim.

Policia e Tiranës ka proceduar penalisht tre persona, pasi akuzohen se kanë shqetësuar dhe kanosur disa vajza përmes telefonit.

Sipas njoftimit zyrtar, në pranga ra shtetasi K. T., 30 vjeç, i cili kishte kanosur një 28-vjeçare. Gjithashtu, u procedua shtetasi E. T., 31 vjeç, i dyshuar se ka shqetësuar një 24-vjeçare, si edhe E. M., 20 vjeç, që kishte kërcënuar një 36-vjeçare.

Specialistët për Hetimin e Krimeve Kibernetike referuan materialet në Prokurori, ku nisi procedimi penal për shtetasin K. T., 30 vjeç, pasi dyshohet se ka kanosur nëpërmjet celularit një shtetase 28-vjeçare.

-E. T., 31 vjeç, pasi nëpërmjet celularit ka shqetësuar një shtetase 24-vjeçare.

-E. M., 20 vjeç, pasi ka kanosur nëpërmjet celularit një shtetase 36-vjeçare.

Materialet i kaluan prokurorisë për veprime të mëtejshme hetimore.

Një konflikt në familje që duket se nisi për arsye banale, ka përfunduar në plagosjen e një 48-vjeçari nga vëllai i tij.

Policia e Tiranës bën me dije se shtetasin B. H., 49 vjeç ka goditur me thikë vëllanë e tij, i cili pasi ka marrë ndihmë në spital është larguar për në shtëpi.

Ndërkohë në pranga ka rënë autori, e ndërsa i plagosuri është proceduar penalisht pasi në polici nuk ka deklaruar të vërtetën mbi ngjarjen, e duke tentuar fshehjen e saj.

Njoftimi i policisë:

Specialistët për Hetimin e Krimeve të Komisariatit të Policisë Nr. 6: arrestuan shtetasin B. H., 49 vjeç dhe referuan materialet në Prokurori, ku nisi procedimi penal për shtetasin B. H., 48 vjeç, vëllezër, pasi gjatë një konflikti të çastit për motive të dobëta, 49-vjeçari ka goditur me një mjet prerës vëllain e tij, ndërsa ky i fundit ka dhënë deklarata të rreme përpara oficerit të policisë, duke mos treguar të vërtetën mbi ngjarjen.

Në cilësinë e provës materiale u sekuestruan 3 armë të ftohta.

Në kryeqytet, policia raporton se çdo ditë të paktën dy qytetarë paraqiten duke denoncuar se janë viktima të mashtrimeve kompjuterike. Megjithatë, numri i rasteve mund të jetë edhe më i lartë ditët e fundit, ndërsa problematika po merr përmasa serioze.

Sipas të dhënave të Policisë së Tiranës, gjatë gjashtë muajve të parë të vitit 2025 janë regjistruar 219 raste mashtrimi kompjuterik, një shifër më e ulët në krahasim me të njëjtën periudhë të vitit të kaluar, kur u regjistruan 249 raste. Megjithatë, numri i autorëve të dyshuar mbetet shqetësues. Nga 246 persona të dyshuar, 108 prej tyre janë ende në kërkim aktiv, ndërsa vetëm 26 janë arrestuar dhe 112 po procedohen në gjendje të lirë.

Rastet e mashtrimeve online përmes rrjeteve sociale mbeten më të shpeshtat dhe shqetësueset. Kjo përfshin vjedhjen e të dhënave bankare, ndërhyrje të paautorizuara në llogari personale dhe krijim profilash të rreme në rrjete sociale. Së fundmi, tre persona në Tiranë denoncuan krijimin e profileve të rreme, ndërhyrje në email dhe keqpërdorim të videove personale.

Policia ka zbuluar gjithashtu rrjete të rinjsh që përdorin faqe false në internet për të mashtruar viktimat dhe për të përvetësuar shuma të konsiderueshme parash, kryesisht përmes blerjeve online me të dhënat e vjedhura.

Autoritetet bëjnë apel për kujdes të shtuar ndaj çdo lloj komunikimi online dhe për denoncimin e menjëhershëm të çdo veprimi të dyshimtë.

Bashkia e Tiranës vijon me intensitet aksionin për lirimin e hapësirave publike të zëna në mënyrë të paligjshme nga subjektet private dhe bizneset. Nënkryetari i Bashkisë, Blendi Sulaj, gjatë një inspektimi në zonën e “Don Boskos”, njësia administrative nr. 9, deklaroi se kjo reformë do të vijojë deri në rikthimin e çdo centimetri katror tek qytetarët.

“Ka biznese që kanë marrë masa individualisht për të hequr platformat që kanë zënë hapësirë publike, por ka ende shumë që nuk po kuptojnë se kjo është një reformë që nuk do të ndalet derisa të largohet platforma e fundit. Këto hapësira do t’u kthehen qytetarëve”, tha Sulaj.

Ai u ndal edhe në një rast konkret abuzimi, ku një sipërfaqe publike ishte shndërruar në parkim privat me tra, duke paralajmëruar ndërhyrje të menjëhershme.

“Është një nga qindra rastet abuzive në Tiranë, ku një zonë e madhe publike është përvetësuar nga pak persona. IMT dhe Policia Bashkiake do marrin masat brenda kësaj jave për heqjen e këtij tra dhe kthimin e hapësirës në funksion të komunitetit”, u shpreh ai.

Nga ana tjetër, drejtori i Kontrollit të Territorit në IMT, Klajdi Meçi, tha se zona e njësisë 9 ka përqendrimin më të lartë të zënieve të paligjshme të hapësirave publike.

“Është bërë identifikimi dhe janë lënë afate për çmontim vullnetar. Pasi shumica nuk kanë reaguar, do të nisë menjëherë zbatimi i masave administrative, që përfshijnë gjoba dhe prishje”, deklaroi Meçi.

Bashkia bën thirrje për bashkëpunim me qytetarët dhe bizneset, duke theksuar se hapësirat publike janë të përbashkëta dhe jo për përfitime të individëve të veçantë.