Një situatë e rënduar trafiku është regjistruar gjatë ditës së sotme në aksin dytësor Vorë–Maminas, si pasojë e bllokimit të një segmenti të autostradës që lidh këto dy zona.

Trafiku është përqendruar kryesisht në rrugën dytësore, ku është krijuar një varg i pandërprerë automjetesh që nis nga kryqëzimi i Budullës (pranë Fushë-Krujës) e deri në zonën e Maminasit.

Kolona e automjeteve vlerësohet të jetë mbi 15 kilometra e gjatë. Sakaq, policia i bën thirrje shoferëve të përdorin rrugë alternative.

Njoftimi i Policisë:

Për shkak të mbylljes së përkohshme të autostradës Tiranë–Durrës, për arsye punimesh, të njoftuar me datë 10.10.2025, nga Autoriteti Rrugor Shqiptar, është krijuar trafik i rënduar në disa zona brenda kryeqytetit, si dhe në hyrje e dalje të tij.

Shërbimet e Policisë Rrugore dhe Patrullat e Përgjithshme ndodhen në çdo kryqëzim dhe segment kryesor rrugor, me qëllim menaxhimin dhe lehtësimin e qarkullimit.

Policia e Tiranës u bën apel drejtuesve të automjeteve të tregojnë durim, të respektojnë sinjalistikën rrugore dhe udhëzimet e punonjësve të Policisë, si dhe të përdorin rrugë alternative, për të shmangur vonesat në lëvizje.

TIRANË- Lëkundje tërmeti janë regjistruar pak minuta më parë në vendin tonë. Tërmeti ishte me mganitudë 3.0 të shkallës Rihter. Sipas Qendrës Europiane dhe Mesdhetare të Sizmiologjisë (EMSC), lëkundjet u ndjenë rreth orës 17:26, me një thellësi prej 15 kilometrash.

Lëkundjet e tërmetit janë ndier lehtë edhe në disa zona përreth, por fatmirësisht nuk raportohet për dëme materiale.

Neritan Buzi do të jetë shefi i ri i Komisariatit të Policisë Rrugore në Tiranë. Mësohet se Lorenc Shehu, i cili ishte i komanduar në detyrë është larguar, duke i lënë vendin Buzit.

“Rrugorja” e kryeqytetit ka qenë një repart që ka pasur shumë ndryshime, pasi fillimisht u drejtua nga Roven Zeka, i cili u largua pas arrestimit nga SPAK.

Më pas në vend të tij u komandua Lorenc Shehu, sipas A2cnn. Tashme drejtimin e ka marrë Neritan Buzi, i cili më parë ka qenë shef i komisariatit të Himarës dhe në qershor u transferua në doganën e Qafë Botës. 

Tiranë- Kryeministri Edi Rama ka mbledhur këtë pasdite deputetët e zgjedhur të Tiranës në zgjedhjet e 11 majit, si dhe drejtues të strukturave të bashkisë Tiranë.

Siç bëhet me dije, qëllimi i këtij takimi të përbashkët me deputetët e parlamentit të ri në qarkun Tiranë dhe drejtuesit e bashkisë është për të bashkërenduar punët në vijim.

Kujtojmë se më herët ditën e sotme, Rama zhvilloi një vizitë të papritur në bashkinë e Vlorës, ku kërkoi dorëheqjen e nënkryetarëve dhe disa drejtorëve.

TIRANË- Megi Fino është zgjidhur kryetare e Këshillit Bashkiak të Tiranës, duke zëvendësuar në këtë detyrë Romina Kukon. Ndërkohë Endrit Braimllari ka marrë postin e nënkryetarit të Këshillit Bashkiak të Tiranës.

Vajza e deputetit të ndjerë socialist, Bashkim Fino, Megi Fino, aktualisht shërben si zëvendësministre në Ministrinë për Evropën dhe Punët e Jashtme që nga qershori i vitit 2021.

Ndërsa Brahimllari, ish-nënkryetar i Partisë së Lirisë, kandidoi për Partinë Socialiste në zgjedhjet parlamentare të 11 majit, por pa arritur të sigurojë mjaftueshëm vota për t’u bërë deputet.

TIRANË- Kryebashkiaku i Tiranës, Erion Veliaj do të vijojë të qëndrojë në burg. Apeli i Gjykatës së Posaçme rrëzoi kërkesën e tij për lirimin nga qelia me garanci pasurore, duke lënë në fuqi masën e sigurisë “arrest në burg” të caktuar ndaj tij.

Veliaj nuk ishte i pranishëm në gjyq por përfaqësohej nga avokati i tij, Ermir Beta. Seanca e sotme në Apel vjen pas ankimit të vendimit të 23 prillit, kur gjyqtari Erion Bani vendosi të vijojë masën e sigurisë, duke pranuar raportin periodik të SPAK mbi ecurinë e hetimeve.

Këtë vendim Veliaj e ka ankimuar përmes avokatëve, të cilët insistojnë se nuk ekzistojnë më kushtet për mbajtjen në burg. Gjithashtu Veliaj ka nis rekurs edhe në Gjykatën e Lartë kundër masës së sigurisë, por ende nuk është caktuar data e shqyrtimit apo trupa gjykuese që do ta shqyrtojë çështjen.

Arrestimi i Veliajt në shkurt 2025

Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale” dhe “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”. Bashkëshortja e kryebashkiakut, Ajola Xoxa është lënë në masë sigurimi “detyrim paraqitje”.

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.

Komisionerët e 20 qendrave të votimit në zonën e Vorës në Tiranë ku u zhvillua votim elektronik, kanë dorëzuar rezultatet e votimit në KZAZ dhe rezulton se socialistët dominojnë.

Nga të dhënat e dorëzuara del se Partia Socialiste ka grumbulluar 1854 vota, raporton noa.al.

Ndërsa Partia Demokratike dhe koalicioni Aleanca për Shqipërinë Madhështore (ASHM), rezulton se ka marrë 1139 vota. /noa.al

Një ngjarje e rëndë është regjistruar vetëm pak minuta larg kryeqytetit. Pikërisht në fshatin Kus, një shtetas i identifikuar si Luan Alla ka dhunuar bashkëshorten dhe fëmijët e tij të mitur si dhe ka qëlluar drejt punonjësve të Policisë duke vënë në rrezik kështu jetën e tyre.

Policia njofton se mbrëmjen e djeshme, rreth orës 23:00, efektivët ndërhynë në banesën e 45-vjeçarit, i cili në momentin që ka parë policët ka qëlluar me kallashnikov në drejtim të tyre dhe më pas, duke përfituar nga errësira dhe nga terreni, është larguar në drejtim të një zone të pyllëzuar.     

Shërbimet e Policisë janë vënë në ndjekje të tij dhe pas gati 2 orë kërkimesh në pyll, kanë bërë të mundur neutralizimin dhe arrestimin e Allës. 

Gjithashtu, shërbimet e Policisë kanë sekuestruar në cilësinë e provës materiale armën e zjarrit kallashnikov, me fishek në fole, që ky shtetas e kishte me vete, si dhe një mjet prerës (thikë), të cilat i posedonte pa leje.

Njoftimi i Policisë:

Ndërhyrja e Policisë parandalon ngjarje të rënda kriminale në një familje, në fshatin Kus.       

Dhunoi bashkëshorten dhe fëmijët e tyre të mitur dhe rrezikoi jetën e punonjëve të Policisë pasi qëlloi me armë zjarri kallashnikov në drejtim të tyre, gjatë ndërhyrjes në banesën e tij, vihet në pranga 45-vjeçari.                  

Sekuestrohen arma e zjarrit kallashnikov me fishek në fole dhe 1 mjet prerës (thikë).      

Shërbimet e Komisariatit të Policisë Nr. 1 në bashkëpunim me Forcën e Posaçme “Shqiponja”, pas marrjes së njoftimit se në fshatin Kus, një shtetas po dhunonte bashkëshorten dhe fëmijët e tyre dhe posedonte armë zjarri, kanë organizuar menjëherë punën për kapjen e këtij shtetasi, me qëllim parandalimin e përshkallëzimit të situatës.  

Mbrëmë, rreth orës 23:00, në kuadër të operacionit “Forest”, shërbimet e Policisë kanë ndëhyrë në banesën e shtetasit L. A., i cili në momentin që ka parë punonjësit e Policisë, ka qëlluar me armë zjarri në drejtim të tyre dhe më pas, duke përfituar nga errësira dhe nga terreni, është larguar në drejtim të një zone të pyllëzuar.     

Shërbimet e Policisë janë vënë në ndjekje të tij dhe pas gati 2 orë kërkimesh në pyll, kanë bërë të mundur neutralizimin, kapjen dhe vënien në pranga të shtetasit L. A., 45 vjeç.      

TIRANË- Një tragjedi është parandaluar në orët e vona të mbrëmjes në fshatin Kus në Tiranë. 45-vjeçari Luan Alla ka dhunuar fizikisht bashkëshorten e tij dhe fëmijët e mitur. Mësohet se policia ishte njoftuar për një konflikt në familje dhe sapo efektivët i janë afruar banesës, 45-vjeçari Luan Alla ka qëlluar në ajër me kallashnikov. Pas ngjarjes së rëndë Alla u arrestua nga policia, e cila sekuestroi edhe armën e zjarrit

Njoftimi i Policisë:

DVP Tiranë/Finalizohet operacioni policor i koduar “Forest”. Ndërhyrja e Policisë parandalon ngjarje të rënda kriminale në një familje, në fshatin Kus. Dhunoi bashkëshorten dhe fëmijët e tyre të mitur dhe rrezikoi jetën e punonjëve të Policisë pasi qëlloi me armë zjarri kallashnikov në drejtim të tyre, gjatë ndërhyrjes në banesën e tij, vihet në pranga 45-vjeçari. Sekuestrohen arma e zjarrit kallashnikov me fishek në fole dhe 1 mjet prerës (thikë).

Shërbimet e Komisariatit të Policisë Nr. 1 në bashkëpunim me Forcën e Posaçme “Shqiponja”, pas marrjes së njoftimit se në fshatin Kus, një shtetas po dhunonte bashkëshorten dhe fëmijët e tyre dhe posedonte armë zjarri, kanë organizuar menjëherë punën për kapjen e këtij shtetasi, me qëllim parandalimin e përshkallëzimit të situatës.

Mbrëmë, rreth orës 23:00, në kuadër të operacionit “Forest”, shërbimet e Policisë kanë ndëhyrë në banesën e shtetasit L. A., i cili në momentin që ka parë punonjësit e Policisë, ka qëlluar me armë zjarri në drejtim të tyre dhe më pas, duke përfituar nga errësira dhe nga terreni, është larguar në drejtim të një zone të pyllëzuar. Shërbimet e Policisë janë vënë në ndjekje të tij dhe pas gati 2 orë kërkimesh në pyll, kanë bërë të mundur neutralizimin, kapjen dhe vënien në pranga të shtetasit L. A., 45 vjeç. Gjitashtu, shërbimet e Policisë kanë sekuestruar në cilësinë e provës materiale armën e zjarrit kallashnikov, me fishek në fole, që ky shtetas e kishte me vete, si dhe një mjet prerës (thikë), të cilat i posedonte pa leje. Materialet procedurale iu referuan Prokurorisë së Tiranës, për veprime të mëtejshme.

Një banesë që shërbente si bazë për përgatitjen dhe shpërndarjen e lëndëve narkotike është bastisur nga policia në Tiranë, raporton noa.al.

Gjatë kontrollit në këtë banesë, shërbimet e Policisë sekuestruan 1 kg e 276 gramë kanabis, një sasi lënde narkotike kokainë dhe një peshore elektronike, e cila përdorej për ndarjen në doza të drogës, që më pas shitej në kryeqytet.

Si rezultat i këtij operacioni, u arrestua në flagrancë shtetasi S. R., 30 vjeç, banues në Tiranë, i cili dyshohet të jetë një nga personat kryesorë të përfshirë në këtë veprimtari kriminale.

Burime policore bëjnë me dije se hetimet vijojnë për të identifikuar personat e tjerë të përfshirë në këtë rrjet të shpërndarjes së drogës, duke synuar një goditje më të gjerë ndaj aktivitetit kriminal.

Materialet procedurale i janë referuar Prokurorisë, e cila pritet të ndjekë hetimet për të zbardhur rrugët e furnizimit dhe shpërndarjes së drogës në Tiranë. /noa.al