Los Angeles, 19 Korrik 2025 – Një incident i rëndë ka ndodhur pasditen e sotme në bulevardin Santa Monica, në Los Angeles, ku një automjet ka hyrë në një turmë kalimtarësh, duke lënë të paktën 30 persona të plagosur, prej të cilëve pesë ndodhen në gjendje kritike për jetën.

Ngjarja ndodhi në një nga zonat më të frekuentuara të qytetit, vetëm pak metra larg Hollywood-it, duke shkaktuar panik dhe kaos mes qytetarëve dhe turistëve të shumtë që ndodheshin aty.

Sipas njoftimit zyrtar të Departamentit të Zjarrfikësve të Los Angelesit (LAFD), ekipet e emergjencës kanë reaguar menjëherë në vendngjarje, duke ofruar ndihmë të shpejtë mjekësore dhe transportuar të plagosurit në spitalet e afërta.

Policia e Los Angelesit ka rrethuar zonën dhe ka nisur hetimet për të përcaktuar nëse bëhet fjalë për një aksident tragjik apo një veprim të qëllimshëm. Dëshmitarët raportojnë për skena kaotike dhe përpjekje nga kalimtarët për të ndihmuar të plagosurit para mbërritjes së autoriteteve.

Ngjarja ka tronditur opinionin publik në qytet dhe më gjerë, ndërsa autoritetet pritet të publikojnë informacion të mëtejshëm gjatë orëve në vijim.

SPANJË- Policia spanjolle në Ibiza po heton zbulimin e trupave të pajetë në det. Të paktën pesë kufoma janë gjetur nga Garda Civile në Detin Balearik pranë Ibizës. Besohet se ata janë emigrantë që ishin përpjekur të arrinin në vijën bregdetare spanjolle nëpërmjet një kalimi të rrezikshëm nga Algjeria, një udhëtim që ka marrë mijëra jetë. Trupa të tjerë kanë dalë në plazhe, por këta kanë qenë të prangosur, duke e bërë policinë të besojë se ata janë vrarë për ndonjë arsye të panjohur.

Policia ka hapur një hetim për të sqaruar rrethanat e vdekjes. Megjithatë, hetimet janë pothuajse të pamundura sepse banorët e anijeve janë të vetëdijshëm se janë në një situatë të parregullt dhe nuk raportojnë abuzimet që pësojnë gjatë kalimeve nga bregu algjerian.

Zbulimi i këtyre trupave ka ndodhur gjatë muajit të fundit, megjithëse policia ka ruajtur sekret të plotë në lidhje me hetimet. Njëri prej tyre u gjet më 18 maj rreth orës 17:00. Një anije private me flamur belg që lundronte në ujërat në perëndim të Formenterës ngriti alarmin pasi vuri re një trup që notonte në det.

Pas marrjes së paralajmërimit, në vendngjarje shkoi anija patrulluese e Gardës Civile Río Segura. Anëtarët e ekuipazhit të Río Segura shkuan në pikën e shënuar nga anija belge dhe rreth dy orë më vonë gjetën trupin e pajetë duke lundruar në det.

Kur Roja Civile e gjeti trupin, ata zbuluan se ai ishte i lidhur duar e këmbë dhe kishte veshur një jelek shpëtimi portokalli. Anija patrulluese e Gardës Civile e transferoi trupin në afërsi të Cap de Barbaria, në jug të Formenterës, ku u transferua në një anije që e nxori në breg.

Trupi u ekzaminua më vonë nga agjentët e Gardës Civile dhe një mjek ligjor, në një përpjekje për të sqaruar rrethanat e vdekjes. Disa ditë më vonë, një trup tjetër u shfaq në rrethana të ngjashme, gjithashtu në ujërat e Formenterës. Dhe këto ngjarje janë përsëritur disa herë gjatë disa javëve të fundit.

Në total, të paktën pesë trupa janë gjetur me duar dhe këmbë të lidhura duke lundruar në pjesë të ndryshme të ujërave të Ishujve Balearik. Të gjithë me sa duket u përkisnin emigrantëve që udhëtonin me një varkë.

Në të gjitha rastet, është aktivizuar procedura e parashikuar për rastet e vdekjeve të dhunshme. Kufomat ekzaminohen nga agjentë të Gardës Civile dhe mjekë ligjorë, të cilët marrin gjurmë gishtash nekro (nëse gjendja e trupit e lejon) ose mostra ADN-je.

Hetuesit e Gardës Civile dyshojnë se emigrantët që dukeshin të lidhur duar e këmbë mund të kenë pasur një konfrontim gjatë kalimit. Ata më pas do të jenë prangosur dhe hedhur në det, kështu që do të ishin raste të qarta vrasjeje.

Situata po shkakton tronditje të vazhdueshme për turistët, pasi trupa të pajetë kanë dalë në plazhe, shpesh të dekompozuar keq. Në një rast jetër, një këmbë njeriu u zbulua në det në Can Pastilla në Palma, Majorka. Një trup tjetër, ai i një gruaje, nuk kishte këmbë. Një tjetër ishte thjesht një skelet.

Vetëm në gjashtë muajt e fundit, rreth 30 trupa janë gjetur në plazhet e Ishujve Balearik, duke përfshirë Majorkën, Ibizën dhe Formenterën, duke bërë që gazeta spanjolle t’i quajë plazhet “varreza”.

GRQI- Një ngjarje e rëndë ka ndodhur ditën e sotme në zonën e Messinias, në Kalamata të Greqisë. Mësohet se një 61-vjeçar ka vrarë prindërit e tij, babanë 96-vjeçar dhe nënën 93-vjeçare. Dyshohet se të moshuarit janë vrarë me gërshërë brenda banesës së tyre këtë të diel.

Sipas mediave greke autori vuan nga probleme psikologjike. Megjithatë ende nuk dihen rrethanat e ngjarjes dhe kanë qenë fqinjët ata që telefonuan policinë, pasi dëgjuan britma nga banesa e çiftit të moshuarve. Me të mbërritur policia në vendngjarje gjeti dy të moshuarit përtokë mes gjakut dhe djalin e tyre, i cili u arrestua.

Rreth 100 njerëz dyshohet se janë lënduar të hënën, kur një tren me pasagjerë ka dalë nga shinat në rajonin e Rusisë jugore, Volgograd, raportuan agjencitë e lajmeve ruse.

Agjencia e lajmeve “Interfax” ka raportuar se tetë vagonë dolën nga shinat.

Ministria e Emergjencës ka bërë të ditur se ekipet mjekësore janë në vendngjarje, duke shtuar se janë angazhuar edhe 324 punonjës të emergjencës.

Helikopterët e emergjencës u nisën në ngjarje afër stacionit “Kotelnikovo”. Treni po udhëtonte nga Kazani në Adler në Detin e Zi.

Një video e paverifikuar në Telegram tregon së paku katër vagonë të dalë nga shinat, disa të rrotulluar, me njerëz që dilnin prej tyre.

Agjencia e lajmeve, TASS, ka cituar burime të paidentifikuara nga zbatuesit rusë të ligjit, që thoshte se 20 njerëz janë lënduar nga goditja e trenit me një kamion “Kamaz”.

– Një burrë është plagosur sonte në Tiranë pasi lavatriçja në banesë, në punë e sipër ka shpërthyer duke i shkaktuar dëmtime fizike.

Ngjarja ndodhi pak minuta më parë, rreth orës 20:45, në katin e 7-të të një pallati në Don Bosko, raporton noa.al.

Policia tha se gjatë procesit të larjes ka shpërthyer një lavatriçe, dhe si pasojë është dëmtuar shtetasi A. Sh., 69 vjeç.

Burri është dërguar në urgjencën spitalore ku mjekët thanë se aktualisht ndodhet jashtë rrezikut për jetën.

Grupi hetimor po punon për sqarimin e rrethanave të ngjarjes. /noa.al

Frikë dhe panik gjatë mesditës së kësaj të hëne në Athinë, ku një pako që përmbante gjysmë kilogram eksploziv është vendosur në hyrje të një komisariati policie.about:blank

Autoritetet u alarmuan kur një person i panjohur rreth orës 12:29 paralajmëroi me një telefonatë për vendosjen e një bombe në rrugën Kokkinopoulou, në lagjen Zografou të kryeqytetit helen. Ai u la afat autoriteteve rreth 45 minuta për të ndërhyrë ose ndryshe do të kryente shpërthimin.

Bomba ishte vendosur pranë selisë së forcave MAT. Forcat xheniere të policisë së Athinës rrethuan menjëherë zonën dhe arritën të çmontonin në kohë pajisjen shpërthyese.

Mekanizmi shpërthyes që ndodhej brenda një kutie plastike kishte, përveç orës, dy detonatorë e një çelës, dhe përmbante 500 gram eksploziv të llojit C4 dhe 150 gram dinamit xhelato.

Hetimi për rastin u ndërmor nga Shërbimi i Antiterrorit.

25-vjeçari që hyri në strukturën e akomodimit nga një dritare e hapur, “shikonte porno dhe pinte birrë” me 11-vjeçarin që më pas vrau vajzën

Rasti tronditës që u publikua sot, i përdhunimit dhe vrasjes së një vajze 10-vjeçare, e cila po qëndronte në një ambient për të mitur në një qytet në verilindje të Bavarisë, ka shkaktuar tronditje dhe neveri në Gjermani, raporton Jetoilumtur.

25-vjeçari Daniel Troger akuzohet se ka hyrë në një ambient për të mitur nga një dritare e hapur rreth orës 21:00 të datës 4 prill, duke përdhunuar Lenën e vogël (të cilën autoritetet e kishin hequr nga familja e saj për shkak të akuzave për abuzim) dhe më pas “piu birrë dhe shikonte pornografi” me një 11-vjeçar, gjithashtu i ftuar në objekt.

Trupi i pajetë i 10-vjeçarit u gjet 12 orë më vonë

Ky djalë 11 vjeçar, më vonë besohet se ka sulmuar 10-vjeçaren dhe e ka mbytur atë, ndërsa trupi i saj i pajetë u zbulua 12 orë më vonë nga stafi në qendër.

Qendra e paraburgimit për të miturit St Josef, ku strehohen 90 fëmijë, është tashmë në qendër të një hetimi nga autoritetet gjermane, të cilët gjetën në vendin e krimit gjurmët e gishtërinjve të 25-vjeçarit, baba i dy fëmijëve dhe 11-vjeçarit.

Sipas njoftimit të autoriteteve, Daniel Troger është arrestuar dhe u vu nën akuzë për përdhunim të një të mituri, vjedhje dhe zjarrvënie.

11-vjeçari që dyshohet se vrau vajzën në strukturë pasi burri u largua, kishte një histori dhune.

Për shkak të moshës së mitur, djali nuk do të ndiqet penalisht për aktin e tij dhe tashmë është transferuar në një institucion tjetër. Mosha e përgjegjësisë penale sipas ligjit gjerman është 14 vjeç.

Djali 11-vjeçar kishte një të kaluar të dhunshme

“Si është e mundur që një njeri të hyjë në një strukturë që supozohet të jetë e sigurt? E gjithë ndërtesa duhet të mbyllet. Pse nuk kishte mbikëqyrje? Ku ishte stafi? Pse u zbulua trupi i 10-vjeçarit mëngjesin e nesërm? Të gjitha këto pyetje po shqyrtohen dhe kërkojnë përgjigje”, thotë një zyrtar i përfshirë në hetim.

Sipas të njëjtit burim, agjencitë kompetente që e vendosën 11-vjeçarin në strukturë, e dinin për të kaluarën e tij të dhunshme dhe pavarësisht gjithë kësaj u vendos që ai të strehohej me dhjetëra fëmijë të tjerë. /noa.al

Një grua u varros gabimisht e gjallë pasi u deklarua e vdekur. Familja e Rosangela Almeida thotë se 37-vjeçarja ka qenë e vetëdijshme në arkivolin e saj deri në 11 ditë pasi u varros.

Një grua u varros gabimisht e gjallë pasi u deklarua e vdekur. Familja e Rosangela Almeida thotë se 37-vjeçarja ka qenë e vetëdijshme në arkivolin e saj deri në 11 ditë pasi u varros.

Ajo u deklarua e vdekur në janar të 2018-ës pasi pësoi dy sulme në zemër, sipas certifikatës së saj të vdekjes.

Por familja e saj më pas pretendoi se ajo ishte varrosur e gjallë. Jo vetëm kaq, por ata pretenduan se ajo kishte qenë e vetëdijshme në arkivolin e saj për 11 ditë më pas. Ata i bënë këto pretendime pasi dolën në dritë disa prova jashtëzakonisht shqetësuese.

Vizitorët në varreza thuhet se dëgjuan zhurma rënkimi nga brenda varrit të gurtë ku ishte varrosur Almeida në Riachao das Neves në Brazilin verior. Familja e saj nxitoi në varreza pas raportimeve për rënkime dhe goditje nga varrezat dhe zhvarrosi varrin.

Kur arrita aty pikërisht përballë varrit, dëgjova zhurmë nga brenda. Mendova se fëmijët që luanin nëpër varreza po bënin shaka me mua. Më pas e dëgjova të rënkonte dy herë.

Kur familjarët hapën varrin, panë se 37-vjeçarja kishte shenja dhune në kyçet dhe ballin e saj. Brenda arkivolit kishte edhe gjak dhe gozhdët në kapakun e arkivolit ishin dëmtuar. Ata thanë se gruaja nuk ishte me plagë kur e varrosën.

Tragjikisht, ajo nuk ishte gjallë kur trupi i saj u zhvarros. Autoritetet braziliane po hetojnë deklaratat e familjes së saj.

Tmerr dhe panik ka pasur në një fluturim të Aegean nga Parisi për në ” Eleftherios Venizelos”. Mësohet se, një nga pasagjerët po sillej në mënyrë të çuditshme që në fillim, teksa po këndonte dhe bërtiste teksa hynte në avion.

“Flashnews.gr” raportin se më pas ai ka nisur të pështyjë pasagjerët dhe të bërtasë. Për arsye sigurie, ekuipazhi nuk shërbeu ushqim për të parandaluar njeriun të përdorte thikë dhe mjete prerëse. Në të njëjtën kohë, pasagjerët që ishin ulur pranë tij u transferuan në klasin e parë dhe në ndenjëset e stjuardesave, pasi ai po godiste sediljet e tyre.

Në një moment pasagjeri, nxori Kuranin dhe filloi të bërtiste se do të hidhte në erë avionin dhe se Allahu do t’i ndëshkonte të gjithë. Për fat të mirë fluturimi përfundoi pa të lënduar.