Të shtëna me armë u regjistruan këtë pasdite, të shtunën, më 16 gusht, në zonën Cuotto të Forio d’Ischia ishull në gjirin e Napolit.

Sipas mediave italiane katër persona u qëlluan me armë zjarri. Tre mbetën të vdekur dhe një i plagosur rëndë në rrezik të menjëhershëm për jetën. Shkaqet dhe dinamika e ngjarjes janë ende të paqarta. Në vendngjarje ndodhen 118 dhe policia.

Sipas raportimeve të para, personat e vrarë janë qëlluar me plumb në kokë, pothuajse si një ekzekutim. Incidenti ndodhi në zonën Cuotto në hyrje të një parku hotelesh të njohur në zonë.

EGJIPT- Një krim i tmerrshëm është regjistruar në një fshat në Minya në Egjipt ku një baba dyshohet se masakroi tre fëmijët e tij. Mësohet se babai i masakroi tre fëmijët e tij në mungesë të nënës së tyre, e cila ishte larguar nga shtëpia dy javë më parë për shkak të mosmarrëveshjeve familjare.

Shërbimet e sigurisë në Minya morën një raport nga banorët e fshatit Zahra, ku thuhej se një burrë 37-vjeçar kishte masakruar tre fëmijët e tij, të moshës midis 8 dhe 10 vjeç. I dyshuari, i cili vuan nga probleme të shëndetit mendor, u arrestua dhe shërbimet e sigurisë kërkuan dëshminë e nënës së tre viktimave dhe të çdo dëshmitari tjetër.

Hetimet fillestare zbuluan debate të përsëritura midis çiftit, të cilat e shtynë gruan të largohej nga shtëpia rreth dy javë para krimit. I dyshuari për vrasjen u dorëzua vullnetarisht në stacionin e policisë së fshatit. Autoritetet i transferuan trupat e fëmijëve në morgun e Spitalit Minya.