Një person u vra dhe gati 20 shtëpi u shkatërruan në Westmoreland në shtetin amerikan të Kansas pasi një tornado goditi vendin, njoftuan autoritetet të mërkurën. Zyrtarët e qarkut Pottawatomie raportuan në Facebook se një tornado goditi Westmoreland të martën në mbrëmje, duke dëmtuar shumë struktura. Reaguesit e parë po kryejnë kërkime për të vlerësuar dëmin dhe për të kërkuar ndonjë individ të lënduar. 

Ndërsa një zëdhënës i qarkut Pottawatomie konfirmoi një vdekje në një njoftim për shtyp dhe deklaroi se identiteti i të ndjerit po fshihej në pritje të njoftimit të familjes. Tre të tjerë u plagosën, por jo në gjendje kritike, shtoi zëdhënësi. Zëdhënësi shtoi se Tornado shkatërroi 22 shtëpi dhe pesë ndërtesa. 

“I gjithë qyteti i Westmoreland ishte pa energji që nga e marta vonë,” theksoi ai.

Stuhitë e së martës pasuan tornadot në Oklahoma dy ditë më parë, të cilat shkaktuan katër vdekje dhe mbi 100 të plagosur. Më herët gjatë javës, tornadot goditën Nebraskën dhe Iowa-n, duke rezultuar në një vdekje dhe dëme të përhapura.

Tornado të fuqishme kaluan në Nebraska e Iowa të Shteteve të Bashkuara të Amerikës, duke lënë pas një vazhdë shkatërrimesh, të lënduar dhe shumë panik mes banorëve lokalë.

Zona më e goditur e Nebraskës ishte Omaha, ku zyrtarët i kërkuan banorëve të kërkonin menjëherë strehim e të mos dilnin prej andej deri sa tromba e ajrit të ishte larguar. Pamje dramatike të një tornadoje që zbret në rrugë ku ndodheshin disa makina, bëri shumë shpejt xhiron e rrjetit.

Në Iowa-n fqinje, një tornado gjigante u përplas mbi qytetin e vogël Minden, ku ka shpërbërë disa struktura, mbetjet e të cilave u përhapën në ajër. Të paktën tre tornado të tjerë janë raportuar që nga e enjtja, duke përfshirë një pranë Bird City, Kansas, një në Yoder, Wyoming dhe një tjetër pranë Akron, Kolorado, sipas Shërbimit Kombëtar të Motit.

Guvernatorja e Kansasit, Laura Kelly, shpalli gjendjen e emergjencës për shkak të motit të keq. Shërbimi kombëtar amerikan i metereologjisë thotë se kushtet e rënduara atmosferike mund të vazhdojnë përgjatë gjithë fundjavës, dhe tornado të forta priten tashmë edhe në Teksas.

Një tornado ka kaluar pranë Fiumicino-s në Itali, ndërsa mediat rapotojnë për dëme të shumta materiale.

Moti i keq ka goditur edhe disa pjesë të Romës, me rreshje të shumta shiu, erë të fortë dhe vetëtima, duke shkaktuar përmbytje, dëme në makina dhe rrëzimin e pemëve.

Për shkak të tornados, banorët kanë raportuar shkuljen e disa pemëve dhe strukturave të tjera prej druri, kryesisht në fshatin Testa di Lepre, duke dëmtuar edhe makina të shumta.

Sakaq autoritetet i kanë bërë thirrje qytetarëve të tregojnë kujdes në orëtnë vijim, pasi moti i keq mund të vazhdojë përgjatë gjithë natës.