Dy shtetas kosovarë kanë rënë të pranga të autoriteteve të dyshuar si të përfshirë në veprimtarinë kriminale të trafikimit të armëve të zjarrit. Të arrestuar janë Shkëlqim Qenaj dhe Avudall Mallaki.

Dy kosovarët janë ndaluar nga policia në zonën e quajtur si “Ura e Hasit” teksa me vete ne automjet kishin 8 armë zjarri pistoleta, të cilët dyshohet se i kishin trafikuar nga Kosova në Shqipëri nëpërmjet kufirit jeshil me qëllim për t’ia shitur 2 personave të tjerë.

Blerësit janë identifikuar nga policia, por gjeneralitetet e tyre nuk bëhen me dije për mediat për shkak të hetimit, ndërsa vijon puna për kapjen e tyre.

Autoritetet spanjolle kanë arrestuar dy shtetas shqiptarë të cilët u kapën duke transportuar një sasi të konsiderueshme kokaine me një taksi në Madrid. Operacioni u realizua pas një kontrolli rutinë të policisë, gjatë të cilit u zbuluan disa kilogramë kokainë të fshehur në automjet.

Sipas burimeve të policisë, dy të dyshuarit përdornin taksinë si mjet për të shmangur dyshimet dhe për të transportuar drogën pa rënë në sy. Megjithatë, lëvizjet e dyshimta të tyre bënë që autoritetet të ndalonin mjetin për një kontroll më të thelluar. Gjatë inspektimit, forcat e rendit zbuluan kokainën e ndarë në pako, e gatshme për shpërndarje.

Policia ka nisur një hetim të gjerë për të zbuluar nëse të arrestuarit janë pjesë e një rrjeti më të madh trafikantësh, dhe ata tashmë ndodhen në paraburgim. Akuzat ndaj tyre për trafik droge mund të sjellin dënime të rënda sipas ligjit spanjoll.

Adulla Hoxhaj, 44 vjeç, Bojken Turtulli, 21 vjeç, Rifat Avdiaj, 62 vjeç, rezultojnë të 3 banues në Tiranë.
Këto janë identitetet e 3 personave të arrestuar lidhur me operacion ku u gjet dhe sekuestrua edhe një arsenal armësh.
Policia tha se përveç këtyre tre të arrestuarve janë edhe 3 shtetas të tjerë të cilët janë shpallur në kërkim.

Ndërkohë bëhet me dije se në drejtimin e SPAK-ut dhe në bashkëpunim të ngushtë me BKH-në dhe me autoritetet ligj zbatuese britanike, vijon operacioni për kapjen e shtetasve të tjerë të implikuar në këtë veprimtari kriminale.

Të gjithë këta persona së bashku në bashkëpunim me njëri tjetrin trafikonin armë zjarri nga Shqipëria drejt Britanisë.
Policia gjatë këtij operacioni ka arritur që të sekuestrojë 24 pistoleta, 1 kallashnikov e qindra fishekë e lazera që i montohen armëve speciale dhe shërbejnë për qitje në distancë, dhe pajisje optike.

Në një operacion të përbashkët të forcave policore të Francës, Spanjës dhe Turqisë, u arrestuan 42 persona të dyshuar për kontrabandë të sasive të mëdha të kanabisit në të gjithë Europën Perëndimore, si dhe për trafik heroine në BE.

Në operacion u arrestua edhe kreu i bandës, i cili ndodhej në Spanjë me identitet të rremë, sipas një njoftimi të Europol.

Gjithashtu, 28 kontrolle u kryen në disa lokacione në Granada, Malaga dhe Sevilje, si në ndërtesa banimi ashtu edhe në objekte të prodhimit të drogës.

Policia spanjolle ka shpërbërë një organizatë kriminale të përbërë nga persona të kombësive serbe, shqiptare dhe spanjolle që dyshohet se i janë përkushtuar kultivimit intensiv të marijuanës, paketimit dhe transportit nga provinca e Malagas. Agjentët arrestuan 5 anëtarët e dyshuar të rrjetit dhe tre prej tyre janë burgosur. Operacioni, i quajtur ‘Llinas’, është pjesë e planeve të Gardës Civile për t’iu përgjigjur kultivimit dhe trafikut të paligjshëm të marijuanës dhe trafikut të drogës, njoftoi policia në një deklaratë.about:blank

Hetimi filloi në nëntor 2022 kur, si rezultat i grumbullimit, analizës dhe raporteve në lidhje me trafikun e drogës dhe krimin e marrë nga hetuesit, u bë e ditur se një grup personash me origjinë ballkanike ishin vendosur në Alhaurín el Grande në Málaga. Ata kishin marrë me qira një shtëpi të izoluar rurale ku do të zhvillohej kultivimi i marijuanës në ambiente të mbyllura. Në këtë shtëpi, e cila ishte lidhur ilegalisht në rrjetin elektrik, ndodheshin pothuajse përgjithmonë dy anëtarë të organizatës, të cilët supozohej se ishin të përkushtuar në kultivimin dhe mbikëqyrjen e saj, duke lënë shtëpinë vetëm për të blerë ushqime.

Kjo organizatë kishte krijuar një kompani me qira automjetesh për të kryer aktivitetet e saj kriminale, e cila kishte një flotë prej jo më shumë se 5 automjete, me pak projeksione dhe pa reklama komerciale, gjë që i bëri agjentët të dyshonin se “qëllimi i vetëm i kompanisë ishte furnizimi i grupit kriminal me automjete, duke e përdorur për të ndërruar shpesh automjetet dhe për të vështirësuar kështu punën e policisë”. Ky rrjet mbante kontakte të shpeshta me organizata të tjera kriminale në provincat fqinje si Sevilja dhe Cádiz, duke u zhvendosur gjithashtu në Zaragoza dhe Madrid dhe në jug të Portugalisë. Në dy kontrollet e kryera në qytetet Alhaurín el Grande dhe Marbella, ku banonte kreu i dyshuar i organizatës kriminale dhe pronari i agjencisë së makinave me qira, u sekuestruan 148 kilogramë marijuanë, 2040 euro cash dhe disa automjete.

5 anëtarët e këtij rrjeti janë arrestuar për kryerjen e dyshuar të veprës penale të trafikut të lëndëve narkotike, anëtarësimit në organizatë kriminale dhe mashtrimit të energjisë elektrike. Ata u vunë në dispozicion të Gjykatës së Shkallës së Parë dhe udhëzimit numër 1 të Coín në Málaga, e cila urdhëroi burgosjen e tre prej tyre.