Janë zbardhur detaje të reja nga aksidenti i ndodhur pasditen e sotme në Rrugën e Arbrit, pranë zonës së Klosit, ku dy automjete, një Volkswagen dhe një Audi, janë përplasur me njëra-tjetrën.

aksident te rruga e arbrit, familja prej 5 anetaresh dergohet te trauma

Si pasojë e përplasjes së fortë, kanë mbetur të plagosur 5 anëtarë të familjes Kurti, të cilët ndodheshin në njërën prej makinave. Të lënduarit janë identifikuar si:

• Ismail Kurti, 50 vjeç
• Luiza Kurti, 49 vjeç
• Dile Kurti, 53 vjeç
• Adelina Kurti, 22 vjeç
• Devis Kurti, 28 vjeç

Fillimisht, të plagosurit kanë marrë ndihmën e parë në qendrën shëndetësore të Klosit dhe më pas janë transportuar me ambulancë drejt spitalit të Burrelit. Por për shkak të gjendjes së rënduar shëndetësore, mjekët kanë vendosur t’i transferojnë në

Spitalin e Traumës në Tiranë, për trajtim të specializuar.
Në vendin e ngjarjes ndodhen forcat e policisë dhe grupi hetimor, të cilët kanë nisur hetimet për të zbardhur rrethanat e aksidentit dhe për të përcaktuar shkakun e përplasjes.

Autoritetet pritet të japin më shumë informacion në vijim, ndërsa familjarët dhe banorët e zonës janë tronditur nga ngjarja e rëndë.

Mbrëmjen e kësaj të mërkure, në spitalin e Traumës ka ndërruar jetë një 59 vjeçar, i cili mbeti i aksidentuar mesditën e sotme në punë.

Tomorr Koçi, 59 -vjeçari që humbi jetën në spital, ka qenë duke punuar si saldator në Këmishaj të Lushnjes, ndërsa ka rënë nga një lartësi e konsiderueshme, e cila i solli dhe vdekjen.

59-vjeçari është transportuar me autoambulancë rreth orës 15:00 në spitalin e Traumës për ndihmë mjekësore, por, pavarësisht përpjekjeve të bluzave të bardha, nuk ka mundur t’ju mbijetojë plagëve të marra.

Gjakovë, Kosovë – Një ngjarje e rëndë ka tronditur sot qytetin e Gjakovës, ku dy punëtorë ndërtimi kanë humbur jetën si pasojë e një aksidenti fatal në vendin e punës.

Sipas informacioneve paraprake, viktimat ranë nga një lartësi e konsiderueshme në një objekt në ndërtim dhe nuk arritën të mbijetojnë për shkak të plagëve të rënda që pësuan. Policia e Kosovës ndodhet në vendngjarje dhe ka nisur hetimet për të zbardhur rrethanat dhe përgjegjësitë ligjore të këtij rasti tragjik.

Identiteti i viktimave ende nuk është bërë publik. Kushtet e rrezikshme në ndërtimtari vijojnë të marrin jetë Në të kaluarën, përfaqësues të Bashkimit të Sindikatave të Pavarura të Kosovës (BSPK) kanë ngritur shqetësime të forta mbi kushtet e punës në sektorin e ndërtimit, duke theksuar mungesën e masave të sigurisë dhe trajnimet e pakta për punëtorët.

Ligji për Siguri dhe Shëndet në Punë parashikon qartë detyrimet e punëdhënësve për sigurimin e kushteve të duhura në ambientet e punës, përfshirë trajnimin, përdorimin korrekt të pajisjeve dhe mirëmbajtjen e makinerive.

Megjithatë, sipas raportit të Inspektoratit të Punës për vitin 2024, janë regjistruar shtatë raste të vdekjeve në vendin e punës vetëm vitin e kaluar – një bilanc shqetësues që thekson nevojën për masa të menjëhershme.

Tiranë, 16 korrik 2025 – Një ngjarje e rëndë ka tronditur pasditen e sotme zonën e Astirit në kryeqytet, raporton noa.al.

Një 29-vjeçar, identiteti i të cilit bëhet i ditur si Enea Dine, është gjetur i pajetë brenda automjetit të tij, në parkimin e pallatit ku banonte.

Trupi i të riut është zbuluar nga familjarët, të cilët kanë njoftuar menjëherë autoritetet. Sipas burimeve zyrtare, nga këqyrja e jashtme paraprake nuk janë konstatuar shenja dhune, duke ngritur pikëpyetje mbi shkakun e humbjes së jetës.

Në vendngjarje ndodhet grupi hetimor, i cili po punon për zbardhjen e plotë të rrethanave dhe përcaktimin e shkakut të vdekjes. Nuk përjashtohet asnjë pistë në këtë fazë të hetimeve. /noa.al

LEZHË- Një 23-vjeçar nga Kosova ka humbur jetën këtë të shtunë në Lezhë, teksa ndodhej me pushime me familjen. Ngjarja ka ndodhur rreth orës 09:00 kur policia është njoftuar nga Urgjenca e Spitalit Rajonal Lezhë se një i ri ka mbërritur pa shenja jete.

Viktima është shtetasi G. S., 23 vjeç, banues në Ferizaj, Kosovë. Sipas deklarimeve të familjarëve, i riu kishte probleme shëndetësore që në fëmijëri. Nga të dhënat paraprake, dyshohet se vdekja ka ardhur nga shkaqe natyrale.

Kurbin, 15 qershor 2025 – Një 22-vjeçar ka humbur jetën ditën e sotme në ujërat e lumit Mat, pranë zonës së Shkopetit, në rrethana tragjike.

Viktima është identifikuar si Klajdi Elezi, i cili ishte futur në lum për t’u larë, por dyshohet se ka pësuar atak kardiak teksa ndodhej në ujë. Pavarësisht ndërhyrjes së shpejtë të të afërmve dhe mbërritjes së menjëhershme të mjekëve të spitalit të Laçit, i riu nuk ka mundur të shpëtojë.

Në vendngjarje kanë mbërritur edhe forcat e policisë, të cilat po punojnë për të sqaruar rrethanat e plota të ngjarjes. Grupi hetimor po verifikon nëse shkak i vdekjes ka qenë një problem shëndetësor apo ndonjë faktor tjetër i papritur.

Kurbin/Informacion paraprak

Rreth orës 16:00, është njoftuar Salla Operative se në fshatin Skuraj, në lumin Mat, shtetasi K. E., duke u larë në lumë, dyshohet se është rrëmbyer nga rrjedha e lumit dhe për pasojë ka humbur jetën.

Shërbimet e Policisë, në bashkëpunim me banorët e zonës, kanë gjetur dhe nxjerrë trupin e pajetë të 22-vjeçarit dhe kanë transportuar në morg për veprime të mëtejshme.

Grupi hetimor nën drejtimin e Prokurorisë vijon punën për sqarimin e rrethanave të ngjarjes dhe përcaktimin e shkakut të humbjes së jetës.

Kurbin, 15 qershor 2025 – Një 22-vjeçar ka humbur jetën ditën e sotme në ujërat e lumit Mat, pranë zonës së Shkopetit, në rrethana tragjike.

Viktima është identifikuar si Klajdi Elezi, i cili ishte futur në lum për t’u larë, por dyshohet se ka pësuar atak kardiak teksa ndodhej në ujë. Pavarësisht ndërhyrjes së shpejtë të të afërmve dhe mbërritjes së menjëhershme të mjekëve të spitalit të Laçit, i riu nuk ka mundur të shpëtojë.

Në vendngjarje kanë mbërritur edhe forcat e policisë, të cilat po punojnë për të sqaruar rrethanat e plota të ngjarjes. Grupi hetimor po verifikon nëse shkak i vdekjes ka qenë një problem shëndetësor apo ndonjë faktor tjetër i papritur.

Kurbin/Informacion paraprak

Rreth orës 16:00, është njoftuar Salla Operative se në fshatin Skuraj, në lumin Mat, shtetasi K. E., duke u larë në lumë, dyshohet se është rrëmbyer nga rrjedha e lumit dhe për pasojë ka humbur jetën.

Shërbimet e Policisë, në bashkëpunim me banorët e zonës, kanë gjetur dhe nxjerrë trupin e pajetë të 22-vjeçarit dhe kanë transportuar në morg për veprime të mëtejshme.

Grupi hetimor nën drejtimin e Prokurorisë vijon punën për sqarimin e rrethanave të ngjarjes dhe përcaktimin e shkakut të humbjes së jetës.

Tragjedia ndodhi të mërkurën në një anije pasagjerësh-turistike që po lundronte nga Marina Alimos , kur një i huaj 38-vjeçar, anëtar i ekuipazhit, u gjet pa ndjenja brenda anijes.

Sipas informacioneve fillestare nga autoriteti portual, burri fatkeq, i cili punonte si kabinë, u gjet i mbyllur në tualetet e anijes dhe kishte marrë një plagë nga një objekt i mprehtë, me shumë mundësi një thikë.

Burri i pafat po kërkohej nga ekuipazhi. Oficerët e Rojës Bregdetare dhe një patolog mjeko-ligjor nxituan në vendngjarje, të cilët pritet të hedhin dritë mbi shkaqet e sakta të vdekjes.

Rrethanat në të cilat ndodhi incidenti mbeten të paqarta, ndërsa një hetim paraprak po kryhet nga Autoriteti Qendror Portual kompetent.

Limasol, 15 shkurt 2025- Një tragjedi e papërshkrueshme ka tronditur Qipron, ku një çift i ri dhe tre fëmijët e tyre të vegjël humbën jetën pasi u dogjën të gjallë në një zjarri të madh që përfshiu një ndërtesë apartamentesh në Agios Nikolaos, Limasol.

Zjarri shpërtheu natën vonë, dhe pavarësisht përpjekjeve të shpejta të forcave të sigurisë, për të hyrë në apartamentin ku ndodhej familja, ata nuk mundën ta shpëtonin. Banorët e pallatit të tjerë arritën të shpëtonin në kohë, duke u larguar nga ndërtesa para se flakët të përhapen më tej.

Një çift i moshës 35 dhe 33 vjeçare, si dhe fëmijët e tyre 7, 3 dhe 2 vjeç, që jetonin në katin e dytë të ndërtesës, nuk ia dolën dot. Pas shuarjes së zjarrit, trupat e pajetë të familjes u gjetën në apartamentin e shkrumbuar.

Vendi i ngjarjes u rrethua menjëherë nga forcat e Policisë dhe Zjarrfikësve, të cilat mbërritën me tre automjete dhe një platformë hidraulike për të përballuar flakët. Zjarri kishte përfshirë një pjesë të shtëpisë që ishte ndërtuar me materiale të ndryshme, duke përfshirë karton gipsi, dhe dyshohet se një problem i mundshëm elektrik mund të ketë shkaktuar shpërthimin e flakëve.

Hetimet për të përcaktuar shkakun e zjarrit janë duke u zhvilluar në bashkëpunim me Policinë dhe Shërbimin Elektromekanik.

Një ngjarje e rëndë ka ndodhur mbrëmjen e të enjtes në Tetovë në zonën e njohur si “BLLOKU 70”.

Babai ka qëlluar për vdekje djalin e tij.

Sipas informacioneve, vrasja ka ndodhur pas një konfliki në familje.

Policia po vijon hetimet për zbardhjen e krimit të rëndë.