Artisti ngriti këmbanën e alarmit për mënyrën si po edukohen fëmijët dhe kërkoi reflektim, duke nisur nga prindërit te institucionet arsimore.

“Dy nëna që sot nuk dinë ku të gjejnë frymën dhe dy familje që nuk do të jenë më të njëjta. Këta fëmijë janë të uritur, mes dhunës, inatit, mungesës së dashurisë dhe mungesës së kujdesit. Shkollat flenë, prindërit nuk e kanë mendjen, shteti mbyll sytë, fëmijët po mbyten në dhunë. Nuk janë tragjedi të rastit, janë pasqyra e shoqërisë që ne kemi ndërtuar dhe po e vazhdojmë, ku dashuria është opsionale. Dhe fëmijët mësojnë nga rruga që konfliktet zgjidhen vetëm me thikë ose me gjak dhe për sa kohë ne heshtim, thika është në duart tona. Nëse sot nuk çohemi, nesër e ka radhën ai tjetri“, u shpreh Ejlli në një video të shpërndarë në rrjetet sociale.

Në kuadër të hetimeve për zjarrin tragjik në Koçan, ku humbën jetën 61 persona, policia ka ndaluar ish-ministrat e Ekonomisë, Valon Saraçini dhe Bekim Neziri, kuadro të BDI-së, si dhe ministrin aktual pa portofol dhe ish-drejtor i Drejtorisë për Mbrojtje dhe Shpëtim , Shaban Saliu,

Sipas skemës, në listë janë shtuar të gjithë ish-ministrat e Ekonomisë, pozitë kjo që mbahej kryesisht nga BDI dhe që prek periudhën nga viti 2012 kur për herë të parë diskoteka ‘Puls’ u pajis me licencë e deri në vitin 2024, kur rinovoi në mënyrë të falsifikuar licencën e punës.

Të ndaluar janë ministri aktual dhe ish-drejtor i Drejtorisë për Mbrojtje e Shpëtim Shaban Saliu, ish-ministrat e Ekonomisë Valon Saraçini, Bekim Neziri dhe Driton Kuçi.

Kuçi është ambasador në Norvegji, ndërsa në rrjetet sociale ai ka konfirmuar kontrollin e policisë në shtëpinë e tij dhe ka theksuar se do të kthehet në vend për procedurat.

“Besoj në drejtësinë për të mirën e përgjithshme. Me fluturimin e parë do të jem në Shkup, jo për tu arsyetuar, por për të konfirmuar se transparenca dhe besimi janë rruga e vetme”. ka shkruar Kuçi në rrjetet sociale.

Ndërkohë janë ndaluar edhe drejtori aktual i Drejtorisë për Mbrojtje dhe Shpëtim Xhevat Selami, ish drejtor i Inspektoratit të Tregut dhe inspektorë ndërtimi të cilët kanë punuar në komunën e Koçanit. Nuk jepen më shumë detaje për aksionin, ndërsa Prokuroria shkurt vetëm konfirmon aksionin.

“Me urdhër të prokurorit publik në rrjedhë është aksioni për ndalimin e më shumë personave, në drejtim të zgjerimit të hetimit për zjarrin në Koçan. Autoritetet kompetente do ta informojnë opinionin në mënyrë të koordinuar në momentin që do të përfundojnë veprimet që janë në rrjedhë”, theksuan nga Prokuroria”.

Paraprakisht Prokuroria ngriti procedurë hetimore për 34 persona fizikë dhe 3 juridikë, në mesin e të cilëve ishin edhe ish ministri i Ekonomisë Kreshnik Bekteshi, ish drejtori i Mbrojtjes dhe Shpëtimit, ish-kryetarë të komunës së Koçanit dhe ish-drejtues të Inspektoratit të Tregut.

Të gjithë të dyshuarit ngarkohen që në periudhën prej vitit 2012 deri në mëngjesin e kobshëm të 16 marsit, bashkë por çdokush në aspektin e tij, kompetencave dhe përgjegjësive fare nuk kanë vepruar sipas dispozitave për mbrojtje dhe me atë kanë shkaktuar rrezik për mjedisin jetësor, trupin e njerëzve dhe pronës në përmasa të mëdha.

Ditën e sotme në orën 13:00 është paralajmëruar një protestë në parkun e qytetit të Koçanit. Kjo protestë vjen pas zjarrit që shpërtheu në diskotekën në Koaçn ku humbën jetën 59 persona dhe u lënduan rreth 155 të tjerë.

Sipas Alsat, protesta është lajmëruar në faqen Zëri i Koçanit në facebook dhe shkruhet se do të luftojnë në nder të viktimave dhe të ndryshohet sistemi për të ofruar siguri dhe drejtësi.

“Kjo protestë është shprehje e dhimbjes dhe revoltës së thellë për jetët e humbura, por edhe për gjendjen në të cilën ndodhemi si shoqëri. Ne nuk mund t’i kthejmë bashkëqytetarët tanë të dashur, por jemi të detyruar të luftojmë për nder të tyre dhe që ta ndryshojmë këtë sistem joefikas që nuk na ofron siguri, mirëqenie dhe drejtësi”, thuhet në një postim në faqen Koçani (Zëri i Koçanit) në Facebook.

Fund i dhimbshëm dhe tragjik për një djalë në lule të rinisë, pasi një aksident me motor rezultoi fatal për jetën e tij.

Ildi Pajtoni, djali që shikoni në foto, ka ndërruar jetë nga një aksident rrugor në afërsi të fshatit Harizaj në rrugën që lidh Rrogozhinën me Kavajën.

Ngjarja ka ndodhur më 30 qershor 2024 dhe dje më 15 korrik i riu ka ndërruar jetë.

I ndjeri, djali i sipërmarrësit Mentor Pajtoni dhe nipi i biznesmenit tjetër, Armando Pajtoni, raportohet se ka bërë aksident me motor.

Sipas të dhënave mediatike, Pajtoni ishte duke udhëtuar me një motor kur ndodhi përplasje mes mjetit të tij dhe një fugoni me targa Kosove në superstradën Rrogozhinë-Kavajë

Djali 27 vjeçar pësoi pësoi plagë të rënda dhe nuk arriti të shpëtojë.

Lajmi i rëndë u dha nga vëllai i viktimës, Redi Pajtoni, i cili në një postim shkruan: “Ah zemra e vëllait pse më le vetëm”.

I ndjeri ishte nipi i biznesmenit që ngriti qendrën tregtare Pajtoni Center.

Policia e Tiranës e pyetur nga noa.al mbi ngjarjen, nuk dha një informacion zyrtar deri në momentet e publikimit të këtij lajmi.

Amarildo Pajtoni i njohur si Ildi, ishte plot pasion për sportin, detin, etj.