Ai për një kohë të gjatë është mjekuar në spitalin privat “Acibadem Sistina”.

“Ndihemi thellësisht keq për familjen e Panços, të dashurit e tij, si dhe për të gjithë publikun maqedonas, pasi humbja është e madhe për të gjithë ne.

Duke respektuar privatësinë e secilit prej pacientëve tanë dhe në përputhje me Ligjin për Mbrojtjen e të Drejtave të Pacientëve, ne nuk ndajmë informacione rreth pacientëve”, njoftoi Acibadem Sistina.

Sipas njoftimeve, Panço për një periudhë ka qenë në koma, ndërsa ka pasur edhe djegie të rënda në fytyrë dhe duar./Telegrafi

Një aksident automobilistik ka ndodhur në qytetin Puraçi të Banjallukës, në Bosnje e Hercegovinë.

Mediat vendase raportojnë se deputeti i Kuvendit Nacional të Bosnje e Hercegovinës, Srgjan Todoroviç, ka humbur jetën në këtë aksident, së bashku me bashkëshorten dhe fëmijën e mitur. Ngjarja ka ndodhur ditën e djeshme në autostradën “9 Janari”, ka konfirmuar Policia e Banjallukës.

Aksidenti raportohet të ketë ndodhur rreth orës 12:50, në qytetin Puraçi, në rrugën Doboj-Banjallukë. Në përplasje janë përfshirë një makinë pasagjerësh Volvo dhe një kamion me rimorkio.

Një aksident tragjik ka ndodhur mbrëmjen e së hënës në fshatin Thumanë, Krujë, ku një këmbësor 36-vjeçar ka humbur jetën pasi është përplasur nga një automjet.

Sipas njoftimit të policisë, ngjarja ka ndodhur rreth orës 19:15, kur automjeti i drejtuar nga shtetasi D. S., 32 vjeç, ka aksidentuar këmbësorin G. Gj., i cili nuk ka mundur t’u mbijetojë plagëve.

Drejtuesi i mjetit është shoqëruar nga autoritetet për veprime të mëtejshme procedurale, ndërkohë që grupi hetimor po punon për zbardhjen e plotë të rrethanave të aksidentit.

Një aksident i rëndë është shënuar mëngjesin e së hënës në Rubik, ku një mjet i tonazhit të rëndë ka dalë nga rruga. Për pasojë ka humbur jetën drejtuesi 55 vjeçar Lulzim Lika, banues në Laç.

Sipas policisë, 55 vjeçari ishte punonjës i një firme për nxjerrjen dhe përpunimin e mineraleve dhe po shkonte për te kantieri i punës. Po punohet për të zbardhur shkaqet e aksidentit.

Detaje të reja kanë dalë në dritë nga aksidenti tragjik që u regjistrua në Itali ku humbën jetën tre persona dhe u plagosën pesë të tjerë. Ngjarja ndodhi në qytetin e Livornos, ku tre makina u përplasën me njëra-tjetrën e si pasojë humbën jetën një çift gjerman, Robert Friendrich Fendt, 61-vjeç, gruaja e tij Maria Cornelia Schubert, 68-vjeç, si dhe 21-vjeçari Marco Acciai, drejtues i njërit nga mjetet e përfshira në aksident.

Një aksident i rëndë është regjistruar në qytetin Jaboatao në Brazil, pikërisht në momentet kur ishte duke u festuar mesha e Pashkës, ku mijëra njerëz kishin dalë në rrugë.

Sipas të dhënave nga autoritetet, një autobus ka dolw nga rruga dhe ka përplasur kalimtarët që ishin vendosur në bulevard në pritje të ritualit fetar.

Bilanci i aksidentit ishte tepër i rëndë. Të paktën 4 persona humbën jetën menjëherë nga përplasja, teksa 20 të tjerë mbetën të lënduar, shumë prej tyre në gjendje të rëndë.

Pamjet e kësaj ngjarje u përhapën me shpejtësi në internet, teksa policia vijon punën për kapjen e drejtuesit të automjetit i cili u largua nga vendngjarja pas aksidentit.