Një ngjarje e rëndë ka tronditur opinionin publik në Gjermani, ku kryebashkiakja e zgjedhur së fundmi, Iris Stalzer, 57 vjeçe, ka humbur jetën si pasojë e një sulmi të ndodhur në banesën e saj në qytetin Herdecke, në landin e Nordrhein-Westfalen.

Sipas autoriteteve hetimore, ngjarja dyshohet të ketë ndodhur në bodrumin e shtëpisë, ku Stalzer është goditur për vdekje nga vajza e saj e adoptuar, 17 vjeç. Mjekët konfirmuan se ajo kishte pësuar plagë të shumta, përfshirë dëmtime të rënda në kafkë dhe plagë me armë të mprehtë.

Hetimet paraprake tregojnë se viktima është torturuar për orë të tëra dhe më pas është transportuar me urgjencë në spital me helikopter, por nuk ka mundur t’u mbijetojë plagëve.

Gjatë kontrollit në banesë, policia ka gjetur një thikë dhe rroba me gjurmë gjaku brenda një çante që i përkiste djalit 15-vjeçar të adoptuar. Dyshohet se vajza ka përdorur mjete shtëpiake për ta lënduar dhe më pas ka tentuar të pastrojë gjurmët përpara se të njoftonte shërbimet e emergjencës.

Autoritetet gjermane kanë konfirmuar se më parë kishte pasur tensione në familje, përfshirë një incident me thikë disa javë më parë.

Ndërkohë, të dy fëmijët e adoptuar janë vendosur nën kujdesin e zyrës për mirëqenien e të miturve, dhe hetimet vazhdojnë për të zbardhur të plotë motivet e kësaj ngjarjeje tragjike. Prokuroria po e trajton rastin si dëmtim të rrezikshëm trupor, duke marrë parasysh faktin që vajza e mitur ka kërkuar ndihmë pas incidentit, gjë që konsiderohet si tërheqje nga vepra penale.

Aksident tragjik me Jet Ski në Durrës: Humb jetën një 34-vjeçar, një tjetër në gjendje të rëndë

Durrës, 1 qershor 2025 – Një ngjarje e rëndë ka ndodhur paraditen e sotme përballë zonës së Shkëmbit të Kavajës, ku dy shtetas që lundronin me një Jet Ski kanë rënë në det si pasojë e humbjes së kontrollit mbi mjetin lundrues.

Sipas të dhënave paraprake nga Policia Kufitare e Portit të Durrësit, dy shtetasit, banues në Angli, dyshohet se gjatë manovrave me Jet Ski kanë përfunduar në ujë.

Pas njoftimit, shërbimet e Policisë Kufitare ndërhynë me mjet lundrues për t’u ardhur në ndihmë dhe i transportuan ata drejt portit, ku ndodhej në pritje edhe ekipi i urgjencës mjekësore.

Pavarësisht ndërhyrjes së shpejtë, 34-vjeçari Asare Obeng, u konstatua pa shenja jete nga mjekët, ndërsa shoqëruesja e tij, 31-vjeçarja Vera Buame u dërgua me urgjencë në spital në gjendje të rëndë shëndetësore.

Grupi hetimor i ngritur posaçërisht për këtë rast, nën drejtimin e Prokurorisë, vijon punën për zbardhjen e plotë të rrethanave të aksidentit dhe dokumentimin ligjor të ngjarjes tragjike.

Një ngjarje e rëndë tronditi të martën fshatin Oltra, në komunën Lamon të Italisë.

Rreth orës 17:00, fqinjët dëgjuan të shtëna dhe lajmëruan autoritetet, të cilat gjetën të pajetë babain 50-vjeçar, Vladislav Gaio dhe djalin e tij 17-vjeçar, Riccardo, shkruan Rai.

Sipas hetimeve paraprake, Gaio e goditi djalin me thikë dhe më pas u vetëvra me armë zjarri. Në banesë jetonin edhe bashkëshortja dhe vajza e vogël e çiftit, të cilat ndodhen të sigurta. Ngjarja po hetohet nga autoritetet vendase.

Një ngjarje ne rëndë ka ndodhur në Angli, ku një zjarr në një kamp pushimi në Lincolnshire, i ka marrë jetën një 48-vjeçari dhe vajzës së tij 10-vjeçare.

Lee Baker dhe vajza e tij Esme ndodheshin në një kamp në Golden Beach Holiday Park, ku një zjarr i rënë papritur në orët e para të mëngjesit të së dielës, i mori jetën që të dyve.

Policia e Lincolnshire ka konfirmuar se hetimet për zjarrit kanë nisur dhe për të zbuluar më shumë detaje, sipas asaj që shkruan The Sun.

Një 85-vjeçare ka ndërruar jetë këtë të diel, pasi është vetëhedhur nga kati i gjashtë i pallatit.

Ngjarja ka ndodhur sot rreth orës 08:10, në lagjen “Pavarësia 3”, në Vlorë.

Policia e Vlorës bën me dije se sipas dëshmive paraprake të familjarëve, e moshuara me iniciale B.A vuante nga sëmundja e sklerozës.

Grupi hetimor po kryen veprimet për sqarimin e plotë të rrethanave të ngjarjes.

Njoftimi i policisë:

Sot, rreth orës 08:10, në lagjen “Pavarësia 3”, Vlorë, dyshohet se është vetëhedhur nga banesa e saj në katin e 6-të të pallatit, shtetasja B. A., 85 vjeçe, e cila si pasojë ka ndërruar jetë. Sipas dëshmive paraprake të familjarëve, kjo shtetase vuante nga sëmundja e sklerozës.

Grupi hetimor po kryen veprimet për sqarimin e plotë të rrethanave të ngjarjes

Një ngjarje tragjike është regjistruar në Haradara të Prevelit në Kretë. Një çift turistësh amerikanë kanë rënë në greminë ku për pasojë ka humbur jetën bashkëshorti. Burri humbi jetën i pari pak pasi thirri për ndihmë. Partnerja e tij mori plagë të rënda në kokë dhe gjoks, teksa rezultoi se ishte shtatzënë.

33-vjeçarja humbi fëmijën e saj edhe pas përpjekjeve të shumta të mjekëve për të shpëtuar shtatzaninë. Gruaja ndodhet në gjendje kritike ndërsa vlerësohet nga ekipi i bluzave të bardha se ka kaluar në një vdekje klinike.
Familjarët e turistit amerikan ndërkohë kanë marrë vendimin për dhurimin e organeve. Çifti po bënte ecje në këmbë në zonën e e rrezikshme teksa u rrëzuan fatalisht më 23 dhjetor. Turistja po trajtohet në spitalin e Chanias, ndërsa edhe për të familja e ka marrë vendimin për dhurim organesh, nëse nuk ka më gjendje të kthyeshme, pasi mjekët shprehen se ‘i ka vdekur truri’.

Madje ekipet kirurgjikale kanë mbërritur në ishull për të marrë organet nga Spitali Popullor dhe Onassios. Operacioni i shpëtimit zgjati 4 orë, për shkak të terrenit të vështirë, por pavarësisht përpjekjeve të EMAK, forcave të shpëtimit policor dhe zjarrfikësve, duket se numri i viktimave bëhet tre.

Shërbimet spanjolle të shpëtimit thanë të premten se kishin gjetur një varkë që po lëvizte në brigjet e Spanjës juglindore, në të cilën gjetën katër trupa.

Siç bëhet e ditur nga xhandarmëria spanjolle, e cila ka ndërmarrë hetimet, rezulton se bëhet fjalë për emigrantë që po tentonin të arrinin në bregdetin spanjoll nga Afrika e Veriut.

Të enjten mbrëma, ekipet e shpëtimit u alarmuan për praninë e një anijeje që po lëvizte rreth 11 milje detare në juglindje të Kartagjenës, një qytet në bregun juglindor të Mesdheut të Spanjës, me katër persona që kishin vdekur në bord.

Ajo varkë, e cila u tërhoq në portin e Kartagjenës, sipas xhandarmërisë mund të ketë mbetur pa karburant.about:blank

Spanja është një nga pikat kryesore të hyrjes për migrantët e parregullt në Evropë.

Një i ri britanik humbi jetën tragjikisht pasi ra për vdekje nga kati i 29-të i një apartamenti shumëkatësh në Tajlandë pasi parashuta e tij nuk u hap.

Sipas mediave britanike, Nathy Odinson, nga Huntingdon, në Cambridgeshire, u ngjit ilegalisht në majë të ndërtesës në vendpushimin bregdetar të Pattaya të shtunën për të kryer marifetin.

Pamjet tregojnë 33-vjeçarin duke numëruar mbrapsht “tre, dy, një, shihemi” përpara kërcimit vdekjeprurës.

Nathy mësohet se ka rënë në një pemë, duke goditur një degë, përpara se të përplasej në asfalt.

Roja i sigurisë Kanet Chansong ka rrëfyer ngjarjen duke thënë: “Dëgjova zhurmën e pemës dhe mendova se ishte një degë e rënë duke u përplasur në tokë”.

Ndërkohë bëhet e ditur se Nathy nuk mundi të shpëtohej dhe mjekët e shpallën të vdekur në vendngjarje pak pas orës 19:30.

Roja i sigurisë tha se Nathy ishte hedhur nga ndërtesa disa herë në të kaluarën, gjë që përbënte rrezik edhe për këmbësorët që ecnin poshtë.about:blank

Ndryshe togeri i policisë Kamolporn Nadee ka treguar se viktima ishte në një ‘gjendje të tmerrshme’ kur mbërritën oficerët. 

Një ngjarje e rëndë ka tronditur opinionin ku katër foshnja kanë vdekur pasi një zjarr i përmasave të mëdha përfshiu një maternitet në kryeqytetin e Azerbajxhanit, Baku.about:blank

Zjarri ra në orën 03:00 të mëngjesit të datës 9 janar dhe u shua në një kohë të shkurtër. Fillimisht u tha se të gjithë ata që ndodheshin në spital u evakuuan, por rreth një orë më vonë, në një tjetër deklaratë u tha se janë gjetur trupat e katër foshnjave.

“Gjatë hetimeve paraprake u konstatua se 3 persona janë shtruar në departamentin e toksikologjisë në Qendrën Mjekësore Klinike për shkak të helmimit me tym. Me keqardhje konstatojmë se janë gjetur të vdekur trupat e 4 foshnjave, të cilët po trajtoheshin në Repartin e Kujdesit Intensiv Neonatal”, thuhet në deklaratën e Prokurorisë së Përgjithshme të Azerbajxhanit.

Prokurori i Përgjithshëm Kamran Aliyev, duke iu përgjigjur pyetjeve të gazetarëve, tha se autorët do të dalin para drejtësisë sa më shpejt të jetë e mundur.

“Fatkeqësisht, jeta e katër foshnjave nuk u shpëtua. Ishin në reanimacion. Na duhet kohë për një hetim të plotë. Autorët do të dalin para drejtësisë”, u shpreh ai.

Një ngjarje e rëndë ka ndodhur këtë të shtunë në fshatin Tapizë të Krujës, ku një 4-vjeçar është aksidentuar për vdekje.

Një automjet tip “Benz” ka përplasur të miturin dhe babanë e tij, në rrugën Fushë Krujë-Tiranë. Fatkeqësisht, 4-vjeçari ndërroi jetë rrugës për spital.

Drejtuesi i automjetit është shoqëruar në Polici për veprime të mëtejshme procedurale.

Grupi hetimor po punon për sqarimin e rrethanave të aksidentit.