Një 58-vjeçar, elelektriçist, është rrëzuar aksidentalisht nga shtylla tek nënstacioni elektrik në Kuçovë. 

Mësohet se 58-vjeçari është transportuar në spital, nën kujdesin e mjekëve.

“Kuçovë/Informacion paraprak. Rreth orës 15:00, tek nënstacioni elektrik në Kuçovë, dyshohet se aksidentalisht, duke punuar, është rrëzuar nga shtylla elektriçisti shtetasi V. K., 58 vjeç, i cili është transportuar në spital, ku po merr mjekim.

Grupi hetimor po punon për sqarimin e rrethanave të ngjarjes”, njofton policia.

Një aksident ka ndodhur në rrugën Transballkanike në Vlorë.

Mësohet se një automjet ka përplasur një motor. Si pasojë, është dërguar me urgjencë drejt spitalit drejtuesi i mjetit motorik.

Ndërkohë, policia ndodhet në vendngjarje, ku po heton për të zbardhur shkaqet e aksidentit.

Mesditën e sotme, në fshatin Shkozë, Maliq, shtetasi A. P., rreth 55 vjeç, banues në Tiranë, duke riparuar çatinë e banesës së tij, është rrëzuar aksidentalisht dhe për pasojë ka marrë dëmtime trupore, i cili u transportua për mjekim në spitalin e Korçës.about:blank

Grupi hetimor po punon për sqarimin e rrethanave të ngjarjes.

Një ngjarje e rëndë ka ndodhur në Durrës. Një 20-vjeçare është vetëhelmuar me ilaçe. E reja është transportuar me urgjencë në spital nga familjarët sapo kanë mësuar se ajo ka gëlltitur ilaçet.

Mjekët po i japin ndihmën e parë mjekësore që e reja të kapërcejë situatën e rëndë ku ndodhet.

Policia dhe grupi hetimor kanë nisur jetimet për të zbardhur shkaqet e plota të ngjarjes.

Një aksident i rëndë është regjistruar sot në Kuçovë, ku një fëmijë gati 10 vjeç është përplasur nga një makinë. Ngjarja ndodhi në hyrje të qytetit, pranë parkut të ri të qytetit.

Burime bëjnë me dije se fëmija ka dalë nga parku me vrap në rrugë dhe është përplasur nga mjeti.

I mituri është transportuar drejt Spitalit Rajonal Berat.