Finalizohet nga Policia Kufitare operacioni policor i koduar “Near 2”. Transportonte 4 shtetas nga Afganistani, kundrejt pagesës, me qëllim kalimin e paligjshëm të kufirit për në Mal të Zi, kapet në flagrancë në fshatin Vukpalaj dhe vihet në pranga 28-vjeçari.

Shërbimet e Stacionit të Policisë Kufitare Bajzë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë policore, kanë organizuar në bashkëpunim me shërbimet e Drejtorisë së Policisë Kufitare Shkodër, operacionin policor të koduar “Near 2”.

Në kuadër të operacionit u arrestua shtetasi:

S. G., 28 vjeç, banues në Shkodër.

Ky shtetas u kap në flagrancë nga shërbimet e Policisë Kufitare, në rrugën e fshatit Vukpalaj, duke transportuar me automjetin e tij, kundrejt pagesës, 4 shtetas nga Afganistani me qëllim kalimin e paligjshëm të kufirit për në Mal të Zi.

Në cilësinë e provës materiale u sekuestrua automjeti.

Materialet procedurale i kaluan Prokurorisë, për veprime të mëtejshme.

FRANCË- Autoritet franceze kanë vënë në pranga një 21-vjeçar shqiptar. Arrestimi i tij ka ardhur pasi u kap nga policia franceze teksa transportonte 2.3 kg kokainë me automjetin e tij. 21-vjeçari shqiptar po shkonte në Nante me makinë kur u kontrollua nga dogana në kabinën veriore të pagesës në Toulouse.

Ai kishte 2.3 kg kokainë të fshehur në një pjesë të mjetit. Doganierët Frouzins u pozicionuan në kabinën veriore të tarifave të Toulouse, në autostradën A 62, drejt Bordo në orën 01.00 të natës. Ata kanë ushtruar kontroll në automjetin tip “Peugetot 508” duke çuar në zbulimin e lëndës narkotike dhe arrestimin e të riut nga Shqipëria.