TIRANË- Një 22-vjeçar është arrestuar ditën e sotme me kokainë. Mësohet se në pranga ka rënë i riu me emrin Behar Sorra, i cili u arrestua në autostradën Tiranë-Durrës.

Gjatë kontrollit, atij iu gjetën 564 gramë lëndë narkotike kokainë, e cila kishte synim të shitej e ndarë në doza në zonat e Yzberishtit, Kasharot dhe Ali Demit

Njoftimi i policisë:

Tiranë/Finalizohet operacioni policor antidrogë i koduar “Trekëndëshi”. U kap në flagrancë, në autostradën “Tiranë-Durrës”, duke transportuar pako me Kokainë, për ta shitur në doza në zonat Yzberisht, Kashar dhe “Ali Demi”, arrestohet 22-vjeçari. Sekuestrohen pakoja me 564 gramë lëndë narkotike Kokainë dhe automjeti tip “Benz” që drejtonte 22-vjeçari.

Si rezultat i administrimit të menjëhershëm të informacionit të siguruar në rrugë informative, për një shtetas që transportonte Kokainë, me automjet, në autostradën “Tiranë-Durrës”, specialistët e Seksionit për Hetimin e Narkotikëve, në bashkëpunim me shërbimet e Forcës së Posaçme Operacionale, finalizuan operacionin “Trekëndëshi”.

Shërbimet e Policisë lokalizuan dhe ndaluan automjetin e dyshuar tip “Benz”, në afërsi të Vorës, që drejtohej nga shtetasi B. S., 22 vjeç, banues në Tiranë. Nga kontrolli në këtë automjet, u gjet një pako me 564 gramë lëndë narkotike Kokainë, e cila dyshohet se do të ndahej në doza e do të shitej në zonat Yzberisht, Kashar dhe “Ali Demi”.

Në përfundim të veprimeve procedurale, u krye arrestimi në flagrancë i 22-vjeçarit, për veprën penale “Prodhimi dhe shitja e narkotikëve”. Vijojnë hetime për të identifikuar dhe për të nxjerrë përpara përgjegjësisë penale, shtetas të tjerë që mund të jenë implikuar në këtë veprimtari kriminale. Materialet procedurale iu Prokurorisë së Tiranës, për veprime të mëtejshme.

Një aksident është regjistruar pak momente më parë në rrugën e Ali Demit në Vlorë.

Një mjet ka përplasur një të moshuar, pranë spitalit rajonal të Vlorës.

E plagpsura është transportuar me urgjencë në spital e raportuar jashtë rrezikut për jetën Bluzat e Bardha bëjnë me dije se ka marrë plagë në pjesën e gjymtyrëve dhe po merr ndihmë mjekësore.

Një 45-vjeçar është arrestuar nga policia e Rrëshenit, pasi u kap duke transportuar mina me telekomandë dhe lëndë eksplozive.

Në kuadër të operacionit të koduar “Safe City 2”, policia i sekuestroi 45-vjeçarit, 4 mina me telekomandë te lidhura me aparat celular me lëndë të dyshuara eksplozive; 3 kallëpe lënde të dyshuar eksplozive me kapsollë dhe fitil; 3 kapsolla të lidhura me fitil; 2 kallepë të tjera lënde të dyshuar eksplozive.

Po ashtu policia thote se gjatë kontrolleve në banesën e vjetër të babait të shtetasit të arrestuar, në Lurë, Dibër, shërbimet e Komisariatit të Policisë Mirditë, në bashkëpunim me Policinë e Dibrës, gjetën në banesë 2 armë zjarri, lëndë eksplozive si ajo që ishte montuar në minat me telekomandë, 10 ndezësa granatash ofensive/defensive, 10 kapsolla detonatore, dhjetëra metra fitil zjarrpërcjellës, si dhe qindra fishekë luftarak.

Njoftimi i policise: 

Parandalohen të tjera ngjarje të rënda kriminale që do të kryheshin me mina me telekomandë.

Policia finalizon operacionin policor të koduar “Safe City 2”.

Me mina me telekomandë, eksploziv të lidhur me kapsolla dentonatore dhe lëndë eksplozive, nga Lura drejt Rrëshenit, kapet në flagrancë në hyrje të Rrëshenit, 45-vjeçari nga Lura.

Gjatë kontrollit në banesë në Lurë, Policia i gjeti 2 armë zjarri, lëndë eksplozive, kapsolla detonatore, qindra fishekë luftarak dhe fitil zjarrpërcjellës.

Dy muaj e gjysmë më parë, Policia vuri në pranga një 28-vjecar dhe sekuestroi 2 mina me telekomandë.

Në vijim të operacioneve të njëpasnjëshme për parandalimin e ngjarjeve kriminale, bazuar në inteligjencën policore dhe në zbatim të masave të planit operacional mbarëkombëtar të koduar “Sundimi i ligjit”, shërbimet e Komisariatit të Policisë Mirditë siguruan informacion se një shtetas po transportonte mina me telekomandë, në drejtim të Rrëshenit.

Bazuar në këtë informacon organizuan dhe finalizuan me sukses operacionin policor të koduar “Safe City 2”, gjatë të cilit, në hyrje të qytetit të Rrëshenit, u kap në flagrancë shtetasi A. K., 45 vjeç, lindur në Thumanë, Krujë.

Gjatë kontrollit fizik të ushtruar ndaj këtij shtetasi, Policia gjeti dhe sekuestroi:

4 mina me telekomandë te lidhura me aparat celular me lëndë të dyshuara eksplozive;

3 kallëpe lënde të dyshuar eksplozive me kapsollë dhe fitil;

3 kapsolla të lidhura me fitil;

2 kallepë të tjera lënde të dyshuar eksplozive.

Në vijim të veprimeve, gjatë kontrolleve në banesën e vjetër të babait të shtetasit të arrestuar, në Lurë, Dibër, shërbimet e Komisariatit të Policisë Mirditë, në bashkëpunim me Policinë e Dibrës, gjetën në banesë 2 armë zjarri, lëndë eksplozive si ajo që ishte montuar në minat me telekomandë, 10 ndezësa granatash ofensive/defensive, 10 kapsolla detonatore, dhjetëra metra fitil zjarrpërcjellës, si dhe qindra fishekë luftarak.

Strukturat hetimore të Komisariatit të Policisë Mirditë, në bashkëpunim me Prokurorinë, vijojnë punën për zbardhjen e plotë të rrethanave të këtij rasti, si dhe për identifikimin dhe arrestimin e shtetasve të tjerë të përfshirë në këtë veprimtari kriminale.

Policia e Gjirokastrës ka vënë në pranga dy trafikantë, të cilët janë kapur duke transportuar 4 klandestinë nga Hani i Hotit, në drejtim të Greqisë.

Në pranga është vënë N. N., 36 vjeç, banues në Krujë dhe E. C., 30 vjeç, banues në Lezhë.

36-vjeçari u arrestua në flagrancë në aksin rrugor Këlcyrë-Përmet, në dalje të qytetit të Këlcyrës, duke transportuar me automjetin tip “Volksëagen”, kundrejt fitimit, 4 emigrantë nga vendet e Lindjes së Mesme dhe Afrikës së Veriut, nga Hani i Hotit, Shkodër, në drejtim të pikës së kalimit kufitar “Tre Urat”, Përmet.

Një 44 vjeçar i identifikuar si Arian Mustafaj, është dënuar me burg nga autoritetet në Londër pasi është kapur duke transportuar kanabis.

Mediat vendase shkruajnë se Mustafaj po ngiste një makinë Ford Fiesta në Fuller’s Hill, kur u ndalua nga policia që mund të “ndiente erën e kanabisit që vinte nga brenda automjetit”.

Gjatë kontrollit nga policia në automjetin e tij janë gjetur 13 pako me kanabis të fshehura në kroskotin e makinës, dhe mendohet se vlera e lëndës narkotike shkonte në 160,000 paund.

Mustafaj, u paraqit në gjykatë pasi ka pranuar posedimin me qëllim të furnizimit me drogë të klasit B. Autoritetet thonë se Mustafaj, i cili foli përmes një përkthyesi, kishte një rol të vetëm si “shofer dërgesash”, por duhet të ketë pasur një “shkallë të konsiderueshme besimi” ndaj tij për të transportuar drogën.

Mustafaj është burgosur për 28 muaj, pasi ka pranuar fajin.

Sipas mediave vendase, gjykatësi Michael Turner tha se duhet “guxim” për të pranuar fajin, veçanërisht kur ka të ngjarë që do të shkoni në burg dhe në rastin e tij, do të dëboheni. Ai tha se Mustafaj, i cili punonte si shofer transporti për Amazon duke fituar rreth 2,000 £ në muaj, ishte një korrier.