Një person i moshuar ka tentuar të vetëvritet, ditën e sotme në fshatin Dukat të Vlorës. Policia thotë se 76-vjeçari është nisur me urgjencë drejt spitalit të Traumës në Tiranë.

“Sot, në fshatin Dukat Fshat, në banesën e tij, ka tentuar të vetëdigjet me benzinë shtetasi A. L., 76 vjeç, i cili do të transportohet drejt spitalit të Tiranës, për mjekim të specializuar.

Grupi hetimor po kryen veprimet për zbardhjen e rrethanave të ngjarjes dhe dokumentimin e plotë të saj”, njofton policia.

Një aksident ka ndodhur në Tiranë në rrugën “Besim Alla”. Mësohet se një 26-vjeçar duke drejtuar automjetit ka aksidentuar një 66-vjeçare. Si pasojë e plagëve të marra 66-vjeçarja ka ndërruar jetë në spital. Drejtuesi i mjetit është arrestuar nga policia.

“Xh. S., 26 vjeç, banues në Tiranë, pasi në rrugën “Besim Alla”, duke drejtuar mjetin tip “Benz”, ka aksidentuar shtetasen 66 vjeçe e cila si pasojë e dëmtimeve të marra ka ndërruar jetë në spital”, thuhet në njoftimin e policisë.

Ka ndërruar jetë në Spitalin e Traumës në Tiranë, 21-vjeçari Klajvert Çuni, i cili pasditen e 23 marsit ka rënë aksidentalisht nga tarraca e biznesit në pronësi të familjarëve të tij në fshatin Torovicë të Lezhës.

Pavarësisht përkujdesjes së bluzave të bardha, i riu i cili ishte futbollist i akademisë së Shënkollit, nuk mundi t’ju mbijetojë plagëve të marra në kokë e pjesë të tjera të trupit.

Një i ri i moshës 21 vjeçare ka rënë nga taraca e biznesit të familjes në rrethana ende të paqarta.

Rreth orës 16:00, në spitalin rajonal të Lezhës, është dërguar për të marrë ndihmë mjekësore, shtetasi K. Ç., 21 vjeç, banues në Torovicë, i cili dyshohet se ka rënë aksidentalisht nga tarraca e biznesit në pronësi të familjarëve të tij.

I riu po transportohet në Spitalin e Traumës, Tiranë, për të marrë ndihmë të specializuar mjekësore, dhe aktualisht është në gjendje të rëndë shëndetësore.