Një person është gjetur pa shenja jete mëngjesin e sotëm në rrugën “Fan Noli” në Prishtinë.

Lajmin e ka konfirmuar zëdhënësja e policisë, Flora Ahmeti. Ahmeti ka bërë të situr se viktima është shtetas i huaj.

“Rreth orës 10:30, kemi pranuar informatën se një person pa shenja jete është gjetur në rrugën “Fan Noli”. Vdekjen e viktimës (mashkull, shtetas i huaj) e ka konstatuar ekipi mjekësor në vend ngjarje”, tha ajo.

Ahemti ka theksuar se policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore për sqarimin e plotë të rrethanave të rastit.

Një aksident rrugor me tre automjete është shënuar këtë pasdite në rrugën “Hoxha Tasim” në Tiranë.

Ngjarja ka ndodhur rreth orës17:15 të pasdites, duke shkaktuar dëme materiale, por pa pasoja në njerëz.

Sipas informacioneve paraprake, automjetet janë përplasur mes tyre në rrethana që ende nuk janë sqaruar plotësisht.

Në vendngjarje kanë mbërritur forcat e policisë, të cilat kanë kryer veprimet e para hetimore dhe po punojnë për të përcaktuar shkakun e aksidentit.

Lëvizja në zonë është ngadalësuar përkohësisht, për shkak të ndërhyrjes së shërbimeve të emergjencës dhe grumbullimit të qytetarëve pranë vendit të ngjarjes.

Autoritetet u bëjnë thirrje drejtuesve të mjeteve të respektojnë rregullat e qarkullimit dhe të tregojnë kujdes të shtuar në rrugët urbane.