Një sulm me armë u krye ndaj një treni brenda të cilit ndodheshin rreth 500 persona në rajonin Balochistan, në jugperëndim të Pakistanit, transmeton Anadolu.

Sipas lajmit të gazetës “Dawn”, zëdhënësi i qeverisë së Balochistanit, Shahid Rind, konfirmoi sulmin e armatosur ndaj trenit që udhëtonte nga Quetta në rajon për në Peshawar në Khyber Pakhtunkhwa.

Rind bëri të ditur se në rajon u dërguan forcat e sigurisë dhe se po bëhen përpjekje për vendosjen e gjendjes nën kontroll. Kontrolluesi i hekurudhave, Muhammad Kashif, gjithashtu konfirmoi se treni u ndalua nga persona të armatosur në tunelin numër 8 në Quetta.

Kashif vuri në dukje se po bëheshin përpjekje për të arritur tek rreth 500 pasagjerët dhe personeli në tren.

Zëdhënësi i Ministrisë së Shëndetësisë, dr. Waseem Baig, ndau informacionin se një gjendje emergjence u shpall në spitalin “Sibi” në rajon dhe se ambulancat u drejtuan në vendngjarje.

Ushtria Çlirimtare e Balochistanit (BLA) mori përgjegjësinë për sulmin ndërsa në lajmet në mediat lokale thuhet se të paktën 100 pasagjerë janë marrë peng.

Zona ku është ndalur treni është një zonë malore, e cila ka lehtësuar që sulmuesit të fshihen dhe planifikojnë sulmin e tyre. Theksohet se në sulm mund të ketë të vdekur dhe të plagosur.

Problemi i terrorizmit në Pakistan

Sulmet e armatosura në Pakistan janë veçanërisht të përqendruara në rajonet Khyber Pakhtunkhwa dhe Balochistan, të cilat kufizohen me Afganistanin. Grupet e armatosura që pretendojnë se mbrojnë të drejtat e grupeve etnike në të dyja rajonet Pashtun dhe Baloch kanë kryer sulme ndaj forcave pakistaneze të sigurisë dhe civilëve.

Islamabadi mbron idenë se talebanët pakistanezë (TTP) janë të pozicionuar në Afganistan dhe organizojnë sulmet e tyre nga atje ndërsa administrata afgane i hedh poshtë këto pretendime.

Në Balochistan kryesojnë sulmet e Ushtrisë Çlirimtare të Balochistanit (BLA). BLA dëshiron që provinca e Balochistanit të ndahet nga Pakistani dhe që populli Baloch të qeverisë këtë rajon.

Një aksident i rëndë ka ndodhur në Poloni dy ditë më parë, ku një tren është përplasur me një kamion.

Si pasojë e aksidentit kanë mbetur 7 persona të plagosur rëndë.

Në pamjet e publikuara nga mediat polake shihet se shkak i aksidentit ëhstë bërë sjellja e drejtuesit të kamionit i cili nuk ka respektuar sinjalistikën rrugore.

Aksidenti shkaktoi vonesa të trenave duke lënë të bllokuar qindra pasagjerë.