Drejtësia argjentinase ka nisur një hetim penal ndaj një burri të dyshuar për vrasjen dhe copëtimin e të paktën 5 personave në shtëpinë e tij.

I dyshuari, 37 vjeç, përballet me akuza për “vrasje seriale” “me rrethana rënduese” pasi ai tregoi “mizori”. Ai tani është lënë në paraburgim.

Hetimi ka të bëjë me vrasjen e të paktën pesë personave që ishin zhdukur. Pas analizimit të pamjeve nga sistemet e mbikëqyrjes, hetimi u përqendrua në shtëpinë e autorit të dyshuar, ku u gjetën pjesë të trupit të njerëzve si kocka, lëkurë dhe shenja gjaku.

Në pronën që u kontrollua, një adoleshent 16-vjeçar, i cili u prezantua si nipi i pronarit, dyshohet se u tha oficerëve të policisë: “Dua të flas, dua të them se çfarë ka ndodhur”.

Ai tha se xhaxhai i tij dilte të premteve pas drekës dhe kthehej në mbrëmje me njerëz të ndryshëm. Me sa duket, ai u ofronte punë dhe pastaj i ftonte të pinin diçka në shtëpinë e tij.

“Unë largohesha sepse e dija që po ndodhnin gjëra të këqija. Ai i rrihte, i vriste, i priste në copa, i digjte dhe i hidhte jashtë në qese plehrash”, tha 16-vjeçari.

Viktimat ishin njerëz të pastrehë, që endeshin rrugëve dhe shumica e tyre të moshuar. Hetimi aktualisht është përqendruar në “analizimin e mbetjeve të dyshuara njerëzore” dhe “mbledhjen e materialit biologjik nga të afërmit e të zhdukurve për të bërë krahasime të ADN-së”, shpjegoi prokurori i përgjithshëm.

Emisioni “Në Shënjestër” trajtoi këtë të martë, rrëmbimin dhe më pas ekzekutimin e 23-vjeçarit Renis Dobra, trupi i të cilit u gjet në liqenin e Shkopetit.

Nga të dhënat e dosjes hetimore, mësohet se i fundit që e pa gjallë Renisin ishte një i afërm i tij i cili pavarësisht orëve të vona të mbrëmjes, dhe dritave të gjata të makinës që kishte ndaluar në anë të rrugës, arriti të shquajë makinën e Renisit, teksa ishte e ndaluar vetëm pak metra larg banesës së tij nga një tjetër automjet, nga ku në rrugë dalloheshin dy persona të panjohur për ta.

Që në momentin e parë ata i identifikuan si efektivë policie. Por ndërsa u përpoqën të mësonin mbi arsyet e ndalimit të njeriut të tyre, njëri prej tyre në formë urdhërore u kërkoi vizitorëve të padëshirur në këtë skenë, që të largoheshin menjëherë nga aty

Më datë 8 Korrik unë bashkë me gruan dhe familjen kemi qenë duke udhëtuar nga Burreli drejt fshatit Zenisht. Me të shkuar te vendi i quajtur Kroi i Sucit, unë pashë makinën e Renisit të ndaluar në anë të rrugës. Ishin ndaluar dhe dy makina të tjera. Ndalova të pyes se çfarë kishte ndodhur. Por njëri nga personat më tha: ‘Vazhdo, vazhdo, largohu shpejt’, është shprehur kushëriri i viktimës.

Por edhe pse në pamje të parë dukej si një shoqërim i rëndomtë policie, të afërmit e Renis Dobras, dyshuan se diçka nuk shkonte te uniformat dhe mjetet me të cilët të ashtëquajturit efektivë të policisë kishin mbërritur pranë fshatit dhe kishin ndaluar automjetin e njeriut të tyre.

Për këtë arsye ata ngritën alarmin dhe lajmëruan menjëherë babain e 23-vjeçarit, që ndërkohë ishte marrë me makinë dhe ishte larguar gjithmonë në mendimin e parë të atyre që ishin të pranishëm në vendngjarje, në rajonin e policisë.

Prindërit e Renisit të cilët me të mësuar lajmin se i biri mund të ishte ndaluar nga policia, rendën nga fshati Zenisht ku banonin drejt komisariatit të policisë në Burrel, për të mësuar arsyet përse djali i tyre ishte shoqëruar në polici./bw

\Rasti i vrasjes që doli në dritë në Brazil po shkakton tronditje dhe tmerr, me autorin e krimit një burrë 35-vjeçar i cili rrëfeu se kishte mbytur ish-gruan e tij dhe kishte hedhur trupin e saj në një lumë me piranja.

Carlos Eduardo de Sousa Ribeiro u arrestua javën e kaluar pasi u kap nga kamerat e sigurisë duke vendosur trupin e pajetë të 31-vjeçares Amanda Caroline de Almeida në bagazhin e një makine me vëllain e tij. Trupi ishte mbështjellë me një çarçaf.

Ai e vrau sepse ajo refuzoi të kthehej tek ai. Sipas deklaratave, vrasja ndodhi më 19 maj, kur Ribeiro sulmoi ish-gruan e tij sepse ajo refuzoi t’i shihte përsëri.

Çifti ishte ndarë dy muaj më parë, por autori i krimit nuk po e pranonte refuzimin.

Miqtë e gruas raportuan se 35-vjeçari e kishte rrahur brutalisht vetëm gjashtë javë para krimit, sepse ajo e kishte lënë.

Amanda nuk e kishte denoncuar atë, thuhet se po përpiqej të mbronte tre fëmijët e tyre.

Trupi mungon – Lumi Tietê është plot rreziqe

Pasi e mbyti, autori e çoi trupin në lumin Tietê, ku e hodhi atë. Ky lumë i veçantë është i famshëm për ujërat e tij të ndotura dhe praninë e piranjave.

Kohët e fundit, 15 banorë që laheshin u sulmuan nga një tufë piranjash, duke i lënë ujërat të mbuluara me gjak.

Pavarësisht përpjekjeve të autoriteteve, trupi i gruas nuk është gjetur ende sot e kësaj dite.

Fëmijët e saj nën mbrojtjen e të afërmve e vëllai i tij u arrestua gjithashtu.

Ribeiro u arrestua më 21 maj, ndërsa vëllai i tij 38-vjeçar, emri i të cilit nuk është bërë i ditur, u arrestua një ditë më vonë.

Të dy akuzohen për vrasje të grave dhe fshehje të një trupi.

Tre fëmijët e Amandës, 17, 7 dhe 5 vjeç, tani janë nën kujdesin e të afërmve.

Krimi i tmerrshëm nxjerr në pah problemin shumëvjeçar të dhunës në familje ndaj grave në Brazil.

Pavarësisht ndërhyrjeve legjislative, fenomeni i abuzimit dhe vrasjeve mbetet në nivele alarmante./DailyMail

20-vjeçari gjendet i vrarë me armë zjarri në fshatin “Guci e Re” Shkodër – Një ngjarje e rëndë ka tronditur sot fshatin “Guci e Re” në Shkodër, ku një i ri është gjetur i pajetë, i dyshuar se është vrarë me armë zjarri.

Sipas informacioneve paraprake, viktima është identifikuar si shtetasi Pavlin Preka, rreth 20 vjeç.

Trupi i tij është gjetur rreth orës 14:50, pranë shkollës së fshatit, ndërsa ende nuk ka detaje të plota mbi rrethanat e ngjarjes dhe autorin/ët e mundshëm.

Pak pas njoftimit, forcat e Policisë dhe grupet speciale të Forcës Kombëtare të Sigurisë kanë mbërritur në vendngjarje, duke nisur hetimet për të zbardhur dinamikën e krimit.

Një grup i posaçëm hetimor, nën drejtimin e Prokurorisë, po punon intensivisht për të mbledhur prova, për të kryer ekspertizën e nevojshme dhe për të identifikuar përgjegjësit e kësaj vrasjeje.

Autoritetet po analizojnë të gjitha pistat e mundshme, ndërsa po shqyrtohen dëshmitë e banorëve dhe pamjet nga kamerat e sigurisë, nëse ka të tilla në zonë.

Ngjarja ka sjellë një ndjenjë pasigurie dhe shqetësimi te banorët e fshatit dhe zonave përreth.

Policia ka intensifikuar kontrollet dhe po bashkëpunon me strukturat e tjera të sigurisë për të ndaluar autorët e mundshëm.

Hetimet vijojnë, ndërsa priten zhvillime të reja mbi këtë ngjarje të rëndë.

Policia e Shtetit ka dalë edhe njëherë me një reagim për vrasjen e 14-vjeçarit Martin Cani nga Mario Përlleshaj në shkollën Fan Noli. Në reagimin e sotëm, Policia deklaron se Përlleshaj ka qëlluar për vetëmbrojtje me thikë, pasi Martini dhe shoku i tij Luis Meçja e kanë goditur dhe shtrirë për tokë.

Reagimi i Policisë së Shtetit:

Policia e Shtetit shpreh indinjatë për keqtrajtimin publik që kulmoi me lajmin e rremë të pranisë së një autori të dytë me thikë, në vrasjen tragjike të ngjarjen e datës 18.11.2024, ku humbi jetën nxënësi 14-vjeçar M. C.

Pavarësisht komunikatave të Policisë së Shtetit, të cilat nuk janë lajme portalesh po informacion për publikun me përgjegjësi të plotë ligjore, një sërë burimesh të hapura u angazhuan fort dhe vazhdojnë të dizinformojnë opinionin publik lidhur me autorësinë e ngjarjes. Kjo qasje shpërfillëse ndaj të vërtetës dhe lojë e pajustifikueshme me ndjenjat e publikut, e cila me qëllim apo me mungesë ndërgjegjeje të theksuar politike ose profesionale nga aktorët e medias, nxit pasiguri e mosbesim ndaj Policisë së Shtetit, duhet të ndalet.

Nga veprimet hetimore të deritanishme të kryera në drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Tiranë, veprime te cilat jane të bazuara në prova të pakontestueshme për ngjarjen tragjike dhe autorësinë e saj, rezulton se kemi të bëjmë vetëm me një autor, përshkruar edhe në komunikatat e Policisë së Shtetit dhe e regjistruar në materialin filmik të ngjarjes, të cilin ligji na ndalon ta publikojmë për shkak të sekretit hetimor.

Autori i vrasjes është goditur dhe shtrirë përtokë nga viktima dhe shoku i këtij të fundit. Ai ka reaguar duke qëlluar me thikë, ndërkohë nga dëshmitë e personave te pranishëm në konflikt, po edhe nga tërësia e provave të administruara nuk rezulton që shoku i autorit të ketë gjuajtur me thikë shokun e viktimës, ndërkohë që ky së bashku me viktimën ishin mbi trupin e shtrirë përtokë të autorit.

Nga veprimet hetimore dhe proceduriale në drejtimin e Prokurorisë Pranë Gjykatës së Shakllës së Parë të Juridiksionit të Përgjithshëm Tiranë, nga momenti që ka filluar ngjarja dhe në vijim të hetimeve, nuk ekziston autori i dytë i ngjarjes që është sajuar duke hedhur dyshime të ulëta mbi vërtetësinë e komunikatave të Policisë së Shtetit.

Grupi i posaçëm hetimor po punon pa orar për të bërë dokumentimin përfundimtar ligjor të ngjarjes. Policia e Shtetit u bën thirrje publikisht të gjitha burimeve të informimit publik të mos vazhdojnë të hedhin dyshime të pabaza mbi këtë ngjarje tragjike. Nga ana tjetër Policia e Shtetit e siguron me përgjegjësi të plotë institucionale dhe ligjore opinionin publik se çdo version tjetër i ngjarjes në fjalë është i gënjeshtërt.

Policia e Shtetit bën me dije publikun se në çdo rast do të vazhdojë të informojë sipas të dhënave, provave dhe fakteve të përfituara nga grupi hetimor në këtë rast dhe në çdo rast, gjithmonë duke ruajtur sekretin hetimor dhe në koordinim të plotë me Prokurorinë Pranë Gjykatës së Shkallës së Parë të Juridiksionit të Përgjithshëm në Tiranë në këtë rast dhe kudo tjetër në çdo rast.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 19-vjeçar është plagosur rëndë ditën e sotme në vendin e quajtur “Rrasa e zezë”, në njësinë administrative Selishtë, pasi aksidentalisht është rrëzuar nga një shkëmb.about:blank

19-vjeçari i identifikuar me inicialet K.B., kishte shkuar për piknik së bashku me tre shokët e tij të identifikuar me inicialet A.M, M.Ll, E.B dhe E.B.

Gjatë kohës që i riu së bashku shokët e tij kanë qenë duke u kthyer nga pikniku, 19-vjeçari është rrëzuar nga një shkëmb dhe për pasojë ka pësuar lëndime trupore.

Njoftimi i policisë:

Dibër/informacion paraprak

Në vendin e quajtur “Rrasa e zezë”, në njësinë administrative Selishtë, shtetasi K.B., kishte shkuar për piknik sëbashku me shokët e tij shtetasit A.M, M.Ll, E.B dhe E.B. Gjatë kohës që shtetasit e lartëpërmendur kanë qenë duke u kthyer nga pikniku, dyshohet se aksidentalisht shtetasi K.B., 19 vjeç, është rrëzuar nga shkëmbi dhe për pasojë ka pësuar lëndime trupore. I dëmtuari është dërguar në spital dhe po trajtohet me ndihmë mjekësore.

Plagosje me thikë në Shkodër. Burime bëjnë me dije se dy persona kanë mbetur të plagosur dhe janë dërguar në spitalin rajonal të Shkodrës.

Janë ende të paqarta arsyet e kësaj ngjarjeje. Policia ka mbërritur në vendngjarje dhe po heton.

Nga informacionet paraprake dyshohet se ka nisur si  grindje e çastit në rrugë.

Ngjarja ka ndodhur në afërsi te stadiumit “Loro Boriçi”.

Një ngjarje e rëndë ka tronditur këtë të martë Italinë, ku një grua shtatzënë është vrarë në mënyrë makabër duke u goditur disa herë me thikë. Autoritetet italiane thonë se i dyshuari kryesor është një 41-vjeçar shqiptar nga Kosova, i identifikuar si shtetasi Bujar Fandaj me banim në Altivole. Ky i fundit është shpallur në kërkim.

26-vjeçarja Vanessa Ballan u gjet e vrarë në derën e shtëpisë së saj në fshatin Spineda di Riese Pio X, të Trevisos. Ajo ishte disa muaj shtatzënë dhe priste fëmijën e dytë.

Sipas informacioneve të deritanishme, Vanessa punonte në një supermarket, ndërsa autori i dyshuar i ngjarjes ishte klient. Ai e ka qëlluar të paktën 7 herë me thikë gruan shtatzënë duke e lënë të vdesë në mes të një pellgu gjaku në derën e shtëpisë së saj. Motivet e ngjarjes tronditëse janë ende të paqarta.

Autoritetet italiane thonë se menjëherë u kuptua se vrasësi ishte dikush që Vanessa Ballan e njihte. Ajo ia hapi derën, por u sulmua dhe u vra. Partneri i saj, i cili ishte me të në shtëpi, edhe pse në tronditje, arriti t’i jepte elemente të dobishme hetuesve, të cilët ndoqën menjëherë një pistë të saktë. Arma e vrasjes nuk është gjetur ende.

Çifti ka një djalë 4 vjeç, i cili në momentin e krimit ishte në kopësht. Të dy kishin banuar prej vitesh në fshatin e vogël Riese, një lagje e vogël banimi me shtëpi gjysmë të ndara dhe një parukeri, që viktima frekuentonte. Lidhur me krimin tronditës ka reaguar edhe presidenti i Venettos, Luca Zaia.about:blank

“Ne jemi përballë një feminicidi me konturet dramatike: dy viktima, një nënë dhe fëmija e saj, u vranë barbarisht sot. E gjithë kjo vetëm pak ditë para funeralit të Giulia Cecchettin. Tashmë mund të njoftoj se do të jap një mandat për Rajonin e Venetos për të organizuar zi rajonale në ditën e varrimit të Vanessa Ballan”, shkroi ai.

Një ngjarje e rëndë ka ndodhur në Stokholm të Suedisë, ku një ashensor ka rënë në një kantier. Për pasojë kanë vdekur pesë persona.

Ngjarja ndodhi në Sodbiberg të Stoklohmit, kur një ashensor ra nga një lartësi prej 20 metrash. Një kompleks ndërtesash 14-katëshe po ndërtohet në vend në emër të konsulencës së pasurive të paluajtshme CBRE. Kompania e ndërtimit Andersson Company është përgjegjëse për respektimin e rregullave të sigurisë në kantier.

Një avion u rrëzua në parkingun e një qendre tregtare në Teksas të martën pasdite, ndërsa piloti ka humbur jetën. Piloti i pafat ishte i vetmi person në bordin e avionit Mooney M20 , i cili u rrëzua në veri të aeroportit Air Park-Dallas në Plano, Teksas, sipas një zëdhënësi të FAA.about:blank

Ende nuk dihet shkaku i rrëzimit të avionit.

Pas rrëzimit, avioni u përfshi nga flakët, të cilat u përhapën në një automjet të parkuar.