Sipas mediave italiane, Maylin, e cila është edhe nëna e një foshnje të lindur në janar, jetonte nën një regjim të dhunës dhe kërcënimeve të përditshme në familje. Gruaja, që po trajtohej për depresion, kërkoi ndihmën e Lorena-s për të ndalur dhunën, duke shprehur frikën për jetën e saj.

Një ngjarje makabre që ka tronditur Italinë, vjen me një rrëfim të dhimbshëm nga 62-vjeçarja Lorena Venier, e cila pranoi se vrau të birin, 35-vjeçarin Alessandro Venier, duke bashkëpunuar me partneren e tij nga Kolumbia, Maylin Castro Monsaldo.

Në një dëshmi tronditëse para hetuesve, Lorena tregoi se kishte drogëruar fillimisht djalin e saj me një ilaç të tretur në limonadë, më pas i kishte bërë një injeksion insuline për ta bërë të pavetëdijshëm.

Pavarësisht përpjekjeve për ta mbytur me duar, vrasja u finalizua me lidhëset e këpucëve nga Maylin.

Pas vrasjes, trupin e ndarë në pjesë e mbetjet i fshehën në një kosh plehrash në garazh, të mbushur më pas me gëlqere, të blera online.

Lorena u shpreh se veproi nga frika dhe për të mbrojtur partneren e djalit të saj, të cilën e konsideronte si vajzën që nuk pati kurrë.

Hetimet kanë zbuluar se Alessandro kishte precedentë për dhunë dhe drogë, ndërsa mbrëmja e 25 korrikut kur ndodhi krimi mbetet një nga ngjarjet më të errëta të komunitetit lokal.

Personi i armatosur dhe i maskuar që vrau liderin e një prej kompanive më të mëdha të sigurimeve shëndetësore në SHBA para kamerave të vëzhgimit të Manhatanit, mbeti i lirë të premten, ndërsa departamenti më i madh i policisë në vend po e kërkonte atë.

CEO i ‘UnitedHealthcare’, Brian Thompson, 50 vjeç, vdiq në pritë herët të mërkurën. Thompson ishte duke shkuar në konferencën vjetore të investitorëve të kompanisë, në në Hilton, Midtown.

Çfarë ndodhi?

Policia tha se Thompson po shkonte në konferencën vjetore të investitorëve të kompanisë në New York Hilton Midtown rreth orës 6:45 të mëngjesit, kur një person shkoi pas tij dhe e qëlloi atë.

Thompson ishte vetëm dhe nuk kishte truproja, tha policia.

Oficerët e gjetën atë në tokë me plagë në shpinë dhe në brinjën e djathtë, sipas Joseph Kenny-t, shefit të detektivëve të NYPD. CEO u shpall i vdekur në një spital aty pranë në orën 7:12 të mëngjesit.

Çfarë dihet për vrasësin?

Kenny tha se sulmuesi kishte veshur një maskë të zezë për fytyrën, atlete bardh e zi dhe një çantë shpine të veçantë gri.

Ai mbërriti jashtë hotelit rreth pesë minuta përpara se Thompson, më pas priti dhe injoroi këmbësorët e tjerë përpara se t’i afrohej Thompson-it nga pas.

Pasi sulmuesi filloi të qëllonte, pistoleta e tij 9 mm u bllokua, por ai e rregulloi shpejt dhe vazhdoi të qëllonte, tha Kenny.

“Nga shikimi i videos, duket se ai është i aftë në përdorimin e armëve të zjarrit pasi ishte në gjendje t’i eliminonte keqfunksionimet shumë shpejt,” tha Kenny.

Sulmuesi vrapoi në një rrugicë afër hotelit dhe më vonë hipi në një biçikletë elektronike që e mori në Central Park.

Kenny tha se policia gjeti një celular në rrugicë, por ishte e paqartë nëse i përkiste autorit.

Kush ishte Brian Thompson?

Thompson ishte shefi ekzekutiv i ‘UnitedHealthcare’, krahu i sigurimeve të kompanisë mëmë UnitedHealth Group Inc.

Ai kishte punuar në kompaninë me bazë në Minnetonka, për dy dekada dhe drejtonte divizionin e saj të sigurimeve që nga viti 2021. Ai ishte një nga drejtuesit më të paguar të kompanisë, me një paketë kompensimi vjetor prej 10.2 milionë dollarësh.

Thompson filloi karrierën e tij si një kontabilist i certifikuar publik dhe u diplomua në Universitetin e Iowa-s. Ai jetonte në periferi të Minneapolis të Maple Grove, ishte i martuar dhe me dy djem në shkollë të mesme,

Gruaja e tij, Paulette Thompson, tha se burri i saj kishte thënë se disa njerëz e kishin kërcënuar. Ajo nuk kishte detaje, por sugjeroi se mund të kishin të bënin me çështje me mbulimin e sigurimit.

Shefi i policisë së Maple Grove, Eric Werner tha se departamenti i tij nuk kishte marrë asnjë raport për kërcënime kundër ekzekutivit.