Sarandë- Një autobus pasagjerësh është përfshirë nga flakët në majën e Skërficës, pranë tunelit në aksin rrugor Ura e Kardhiqit-Sarandë.

Bëhet me dije se nga ngjarja nuk ka dëme në njerëz dhe mësohet se zjarri është neutralizuar nga drejtuesi i mjetit pa mbërritur ende zjarrfikëset.

Gjithashtu mësohet se në vendngjarje po shkon grupi i zjarrfikësve, ndërsa pritet të sqarohen shkaqet.

GJIROKASTËR – Një makinë tip “Audi” është përfshirë nga flakët pasditen e kësaj të premte në Gjirokastër. Mësohet se ngjarja ka ndodhur pranë tunelit të Skerficës, ndërsa nuk dihet ende se çfarë e ka shkaktuar zjarrin. Paraprakisht dyshohet se shkak është bërë një defekt teknik, ndërsa nuk raportohet për të lënduar.

Siç mund të shihet dhe në foton e mësipërme, zjarrfikësit kanë mbërritur në vëndngjarje dhe kanë bërë të mundur shuarjen e flakëve. Nga zjarri raportohen vetëm dëme të konsiderueshme materiale. Grupi hetimor po punon për sqarimin e rrethanave të zjarrit.

Katër persona kanë mbetur të plagosur nga ky aksident ku kanë marrë ndihmën e parë në qendrën shëndetësore të Klosit.

Mjekja e urgjencës pranë kësaj qendre shëndetësore, Denada Çupa tha se një nga të plagosurit është në gjendje më të rëndë pasi ka pësuar fraktura në brinjë dhe në shpatull. Pacientja e moshës 52 vjeçe është nisur me urgjencë drejt spitalit të traumës në Tiranë, ndërsa të plagosurit e tjerë janë transportuar më pas për ekzaminime më të hollësishme pasi gjendja paraprake e tyre është e mirë.

Policia ka mbërritur menjëherë në vendin e ngjarjes për të zbardhur shkaqet e aksidentit. Ndërkohë në deklarimet e para, mësohet se drejtuesi i mjetit furgon është shprehur se ka shmangur përplasjen me një tjetër mjet që vinte në anën e kundërt.

• =