FIERZ- Një aksident ka ndodhur mesditën e kësaj të diele në aksin rrugor ” Qafë Mali- Fierz “. Konkretisht aksidenti ka ndodhur rreth orës 12:25. Mësohet se një turist kroat ka humbur kontrollin mbi drejtimin e motomjetit dhe si pasojë motomjeti është rrëzuar.

Më pas turisti është dërguar për mjekim në Spitalin e Pukës dhe ndodhet jashtë rrezikut për jetën. Ndërkohë grupi hetimor po punon për zbardhjen e rrethanave të aksidentit.

Njoftimi i policisë:

Pukë/Informacion paraprak

Rreth orës 12:25, në aksin rrugor “Qafë Mali- Fierz”, shtetasi kroat D. J., dyshohet se ka humbur kontrollin mbi drejtimin e motomjetit dhe si pasojë motomjeti është rrëzuar.

Nga aksidenti është dëmtuar shtetasi kroat D. J., i cili është dërguar për mjekim në Spitalin e Pukës, jashtë rrezikut për jetën. Grupi hetimor po punon për zbardhjen e rrethanave të aksidentit.

TAJLANDË- Një video e frikshme është publikuar, ku një turist indian sulmohet nga një tigër, ndërsa përpiqej të bënte një selfie në një park turistik në Tajlandë. Burri gjunjëzohet pranë kafshës së lidhur me zinxhir, duke u përpjekur ta përqafojë atë për foton, ndërsa kujdestari duket se e drejton atë me një shkop.

Disa sekonda më vonë, tigri hidhet mbi të, duke e bërë të bërtasë nga tmerri. Videoja përfundon papritur, pa qenë i qartë rezultati i saktë i sulmit. Sipas postimit në X nga ku u postua videoja, burri thuhet se pësoi lëndime të lehta.

Videoja është bërë virale, duke shkaktuar reagime të forta në mediat sociale në lidhje me përdorimin e tigrave dhe kafshëve të tjera të egra për argëtim dhe fotografi. Fondacioni i Miqve të Jetës së Egër në Tajlandë (WFFT) vëren se gjatë shtatë viteve të fundit, numri i maceve të mëdha në robëri në Tajlandë është trefishuar , për shkak të kërkesës në rritje për kafshë shtëpiake ekzotike, shfaqjeve dhe tregtisë së pjesëve të kafshëve.

Një turist turk, 23-vjeçar është arrestuar pasi dyshohet se pas një konflikti për pagesën e parkimit, ka goditur me automjet rojen Bujar Dedja, në Krujë.  Ditën e djeshme roja ka tentuar të ndalë një çift turistësh të cilët po largoheshin pa paguar. Ata fillimisht janë konfliktuar me rojen e një parkingu privat në afërsi të Kalasë së Krujës.

Më tej bëhet me dije se roja ka tentouar tu bllokojë rrugën dhe më pas është varur në kofanon e autoveturës së turistëve. Kjo nuk i ka ndaluar turistët, të cilët e kanë marrë me vete në kofano rojen për disa dhjetra metra. Më pas roja ka rënë në tokë dhe është plagosur rëndë në tokë.

“Specialistët për Hetimin e Krimeve të Komisariatit të Policisë Krujë arrestuan në flagrancë shtetasin turk Y. K., 23 vjeç, pasi ditën e djeshme, në Krujë, dyshohet se pas një konflikti për motive të dobëta,ka goditur me automjet shtetasin B. D., 62 vjeç, dhe më pas është larguar nga vendi i ngjarjes.

Si pasojë është dëmtuar 62-vjeçari, i cili ndodhet në spital, nën kujdesin e mjekëve. Në vijim të veprimeve, u referuan materialet në Prokurori, ku nisi procedimi në gjendje të lirë për shtetasin turk R. S., 23 vjeç(pasagjer në automjet), për moskallëzim krimi”, njofton policia.

Një turist malazez, shtetasi M. N., ka humbur jetën ndërsa transportohej për në spital me autoambulancë, pas një ndihme mjekësore që kërkoi për shkak të një gjendjeje shëndetësore të papritur. Incidenti ndodhi rreth orës 17:00 në fshatin Lëpushë, ku një grup turistësh malazezë kërkuan ndihmë për 71-vjeçarin.

Policia dhe ekipi i urgjencës kanë reaguar menjëherë dhe kanë transportuar M. N. në spital, por gjatë rrugës ai ka humbur jetën. Dyshohet se shkaku i vdekjes mund të ketë qenë arresti kardiak. Grupi hetimor ka nisur hetimet për të dokumentuar rastin në mënyrë të plotë.

26 kilogramë e 700 gramë lëndë narkotike e dyshuar kanabis u sekuestrua sot në aeroportin “Nënë Tereza” nga autoritetet doganore të Rinasit.

21-vjeçari tentoi të fuste valixhen me drogë nga Dubai në Tiranë përmes aeroportit të Rinasit është shtetasi Brice Tchantchou, banues në Luksemburg.

Gjatë kontrollit në bagazhet e 21-vjeçarit, shërbimet e Policisë gjetën dhe sekuestruan në cilësinë e provës materiale, 26 kilogramë e 700 gramë lëndë të dyshuar narkotike kanabis.

Vijon puna për identifikimin dhe kapjen e shtetasve të tjerë të implikuar në këtë veprimtari kriminale.

Ndërkohë mësohet se valixhja me drogë është nisur nga Tailand dhe se sipas 21 vjeçarit valixhen ia ka dhënë një shtetas tajlandez për ta çuar në Shqipëri.

Ai ka bërë tranzit në Dubai dhe ka mbërritur në Rinas. 21 vjeçari ka deklaruar se dinte se valixhja kishte rroba dhe se në Rinas do e priste dikush që ta merrte valixhen.

Njoftimi i policisë

Parandalohet dhe goditet një rast i tentativës për të futur lëndë narkotike nga Dubai në Tiranë.

c Hetimin e Narkotikëve në DVP Tiranë.

Trafikoi nga Dubai në Tiranë, 26 kg e 700 gramë lëndë të dyshuar narkotike kanabis që e kishte fshehur në bagazhet e tij, kapet në Rinas dhe arrestohet në flagrancë 21-vjeçari.

Sekuestrohet sasia e lëndës narkotike.

Shërbimet e Komisariatit të Policisë Rinas në bashkëpunim me autoritetet doganore në kuadër të kontrolleve të shtuara për parandalimin dhe goditjen e paligjshmërisë dhe në veçanti të trafikimit të lëndëve narkotike, bazuar dhe në informacionet e siguruara nga inteligjenca policore se një shtetas që do të udhëtonte nga Dubai drejt Rinasit, kishte fshehur në bagazhet e tij, sasi lënde të dyshuar narkotike kanabis, menjëherë kanë organizuar punën dhe në bashkëpunim me Sektorit për Hetimin e Narkotikëve, kanë finalizuar operacionin policor të koduar “Fluturimi”.

Gjatë këtij operacioni u bë arrestimi i shtetasit B. T., 21 vjeç, banues në Luksemburg.

Gjatë kontrollit në bagazhet e 21-vjeçarit, shërbimet e Policisë gjetën dhe sekuestruan në cilësinë e provës materiale, 26 kilogramë e 700 gramë lëndë të dyshuar narkotike kanabis.

Vijon puna për identifikimin dhe kapjen e shtetasve të tjerë të implikuar në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Një 73-vjecar suedez ka ndërruar jetë ditën e sotme në një nga plazhet private në lagjen nr.1 të Sarandës.

Ngjarja ka ndodhur rreth orës 12.00 të ditës së sotme, kur Benqt Old Tixer 73 vjec nga Suedia, pasi është futur në ujë, disa minuta më pas ka humbur ndjenjat.

Pushues të tjerë në vendin e ngjarjes i kanë dhënë ndihmën e parë deri sa ka mbërritur autoambulanca. Edhe pse është transportuar drejt Spitalit të Sarandës, 73-vjecari ka ndërruar jetë.

Burime paraprake bëjnë me dije se dyshohet që 73-vjecari të ketë pësuar arrest kardiak.

Një aksident mësohet se ka ndodhur këtë të shtunë në fshatin Bukmirë në rrethin e Mirëditës. Burime bëjnë me dije se një turist çek ka humbur kontrollin e motomjetit dhe ka dalë nga rruga.

Si pasojë është transportuar menjëherë te Spitali i Traumës, ku ndodhet jashtë rrezikut për jetën.

Njoftimi i Policisë:

Rreth orës 14:00, në fshatin Bukmirë, dyshohet se për shkak të humbjes së kontrollit, ka dalë nga rruga motomjeti me drejtues shtetasin çek 46 vjeç, i cili u transportua në Spitalin e Traumës, për asistencë të specializuar mjekësore, dhe aktualisht ndodhet jashtë rrezikut për jetën. Grupi hetimor po kryen veprimet në vendngjarje, për zbardhjen e rrethanave të aksidentit.