Një ngjarje e rëndë ka tronditur Romën, ku një turiste spanjolle, Rosa Maria Alvarez Soto, 55 vjeç, humbi jetën pasi ra nga një mur në pikën e njohur turistike “Shkallët Spanjolle”.

Pavarësisht përpjekjeve të ekipeve mjekësore dhe transportimit të menjëhershëm në spital, ajo nuk arriti t’u mbijetonte plagëve të marra.

Policia lokale ka nisur hetimet për zbardhjen e plotë të rrethanave të ngjarjes. Sipas gjetjeve fillestare, nuk përjashtohet mundësia që të ketë qenë një tentativë vetëvrasjeje, por autoritetet po shqyrtojnë çdo pistë të mundshme për të zbuluar shkakun e tragjedisë.

Një turiste dyshohet se është përdhunuar nga 5 burra në Paris, pak ditë para se të startojnë Lojërat Olimpike.
Siç shkruan “The Sun”, 25 vjeçares australiane i vodhën edhe telefonin.
Ajo e ka denoncuar vetë rastin në polici, duke rrëfyer se pas sulmit u fut në një qebaptore pranë teatrit ikonik Moulin Rouge, me fustanin e grisur dhe të brendshmet në dorë.

25 vjeçarja kishte udhëtuar në Paris për të marrë pjesë në festivalin muzikor të “Fete de Musique”, por asgjë s’shkoi siç e kishte imagjinuar
Autoritetet kanë hapur hetimet për çështjen, teksa ende nuk është bërë e mundur identifikimi i autorëve.

Ndërron jetë një 39-vjeçare franceze në liqenin e Komanit.

Bëhet me dije se 39-vjeçarja sapo ra në kontakt me ujin, pësoi arrest kardiak.

Trupi i pajetë po dërgohet në morgun e spitalit, ndërkohë që grupi hetimor punon për zbardhjen e rrethanave të ngjarjes.

Njoftimi i Policisë:

Vau i Dejës/Informacion paraprak

Sot, në Koman, shtetasja franceze S. T., 39 vjeçe, në momentin që ka rënë në kontakt me ujin në liqenin e Komanit, dyshohet se ka pësuar arrest kardiak dhe si pasojë ka humbur jetën. Trupi i pajetë i 39 vjeçares është nxjerrë nga uji dhe po dergohet në morgun e spitalit. Grupi hetimor nën drejtimin e Prokurorise ndodhet në vendngjarje dhe po punon për sqarimin e plotë të rrethanave të rastit.

Një shtetase gjermane është dërguar pa shenja jetë në spitalin rajonal të Vlorës.

Sipas informacioneve paraprake dyshohet se 41-vjeçarja ka humbur jetën për shkaqe natyrale, ndërkohë që ka qenë duke pushuar në një kamping në Zvërnec.

Grupi hetimor vijon punën për përcaktimin e shkakut të humbjes së jetës.