TURQI- Një tërmet me magnitudë 6.1 ballë goditi mbrëmjen e sotme Turqinë perëndimore, sipas një njoftimi nga autoriteti i menaxhimit të fatkeqësive në vend, AFAD. AFAD tha se tërmeti ndodhi në provincën Balikesir, pranë qytetit më të madh të Turqisë, Stambollit, por nuk pati raportime të menjëhershme për viktima.

Gjithashtu tërmeti u ndje në ishujt e Egjeut Lindor, si Samos dhe Mytilene. Po ashtu raportohet për dëme të konsiderueshme materiale. Disa minuta më vonë, pati një lëkundje pasuese me magnitudë 4.6 të shkallës Rihter dhe një tjetër me magnitudë 4.1.

Ministri i Brendshëm turk, Ali Yerlikaya, në një postim në X, tha: “Një tërmet me magnitudë 6.1 ndodhi në Sidirgi, Balikesir. Të gjitha ekipet e AFAD dhe agjencive përkatëse filluan menjëherë hetimet në vend në lidhje me tërmetin, i cili u ndje në Stamboll dhe provincat përreth. Aktualisht nuk ka incidente të pafavorshme. Ne po e monitorojmë situatën.”

TURQI- Një tërmet me magnitudë 6.1 ballë goditi mbrëmjen e sotme Turqinë perëndimore, sipas një njoftimi nga autoriteti i menaxhimit të fatkeqësive në vend, AFAD. AFAD tha se tërmeti ndodhi në provincën Balikesir, pranë qytetit më të madh të Turqisë, Stambollit, por nuk pati raportime të menjëhershme për viktima.

Gjithashtu tërmeti u ndje në ishujt e Egjeut Lindor, si Samos dhe Mytilene. Po ashtu raportohet për dëme të konsiderueshme materiale. Disa minuta më vonë, pati një lëkundje pasuese me magnitudë 4.6 të shkallës Rihter dhe një tjetër me magnitudë 4.1.

Ministri i Brendshëm turk, Ali Yerlikaya, në një postim në X, tha: “Një tërmet me magnitudë 6.1 ndodhi në Sidirgi, Balikesir. Të gjitha ekipet e AFAD dhe agjencive përkatëse filluan menjëherë hetimet në vend në lidhje me tërmetin, i cili u ndje në Stamboll dhe provincat përreth. Aktualisht nuk ka incidente të pafavorshme. Ne po e monitorojmë situatën.”

Një tërmet me magnitudë 4.6 ballë të shkallës Rihter u regjistrua të martën, më 24 qershor 2025, në orën 06:09, në Turqinë qendrore.

Sipas të dhënave të disponueshme, epiqendra e tërmetit ndodhej në zonën me koordinata gjeografike të gjerësisë gjeografike 38.0272 dhe gjatësisë gjeografike 36.1792.

Hipoqendra e tërmetit, sipas të dhënave nga Qendra Sizmologjike Evropiane-Mesdhetare, ndodhet në një thellësi prej afërsisht 7 kilometrash nën sipërfaqen e tokës.

Deri më tani nuk ka raportime për dëme materiale ose të lënduar, dhe shërbimet përkatëse po monitorojnë situatën.

TURQI- Një tërmet me magnitudë 4.6 ballë të shkallës Rihter ka ndodhur në veriperëndim të Turqisë, sipas një vlerësimi të Qendrës Sizmologjike Euro-Mesdhetare (EMSC).

Epiqendra e tërmetit ndodhet në afërsi të Kutahya. Tërmeti ra në orën 10:20 të mëngjesit të sotëm. Thellësia fokale vlerësohet në 12 kilometra. Deri më tani nuk ka raportime për dëme nga tërmeti.

Një tërmet i fuqishëm është regjistruar në orët e para të mëngjesit në Turqin.

Siç raportohet lëkundjet me magnitudë 5 ballë Rihter u shënuan shumë pranë rajonit të Soma.

Gjithashtu tërmeti u njdej dhe në shumë qytete të tjera të Turqisë.

Fatmirësisht nga tërmeti nuk ka të lënduar, por shumë banorë dolën në rrugë të frikësuar. Ndërkohë ekipet e ndihmës së shpejtë dolën në terren dhe po verifikojnë dëmet e mundshme.

Kuvendi diskutoi sot rreth marrëveshjes së bashkëpunimit për zhvillim me Turqinë dhe caktimin e statusit juridik dhe administrativ të zyrës në Shqipëri të Agjencisë Turke për Bashkëpunim dhe Koordinim (TIKA).

Ministri i Ekonomisë, Kulturës dhe Inovacionit, Blendi Gonxhja tha se marrëveshja e bashkëpunimit bazohet në kuadrin ekzistues të marrëdhënieve miqësore midis dy vendeve dhe vullnetit për thellimin e mëtejshëm të bashkëpunimit për zhvillim, me qëllim progresin ekonomik e social.

Me anë të kësaj marrëveshjeje, tha ai, palët do të bashkëpunojnë për zbatimin e projekteve dhe programeve, në mbështetje të zhvillimit të qëndrueshëm
ekonomik e social të Shqipërisë.

Fushat e paracaktuara të bashkëpunimit përfshijnë sektorët e bujqësisë, peshkimit dhe pylltarisë, mbrojtjen e mjedisit, agroindustrinë dhe sigurinë ushqimore, ujin dhe higjienizimin, zhvillimin rural dhe nxitjen e industrive cilësore, të mirëbazuara, përfshirëse dhe të qëndrueshme, shëndetësinë, mbështetjen për uljen e varfërisë, ruajtjen dhe restaurimin e trashëgimisë kulturore, mbështetjen për grupet vulnerabël, arsimin, kërkimin shkencor dhe promovimin e inovacionit e të teknologjisë, turizmin, bashkëpunimin në fushën detare dhe zhvillimin e kapaciteteve institucionale e administrative, qendrore e vendore.

Gonxhja tha se mbështetja teknike për palën shqiptare do të jepet në formën e transferimit të know-how, trajnimit të stafit, aktiviteteve konsultuese, sigurimit të pajisjeve, shërbimeve, teknologjive të reja, ndërsa asistenca financiare do të jepet në formën e granteve për mallra, materiale dhe pajisje të nevojshme për realizimin e projekteve apo shërbimeve të caktuara. Programet në kuadrin e kësaj ndihme duhet të kontribuojnë në zhvillimin social dhe ekonomik të vendit dhe të jenë në përputhje me prioritetet dhe nevojat e popullsisë në Shqipëri.

Lidhur me statusin e zyrës përfaqësuese të bashkëpunimit turk në Shqipëri, sipas ministrit, TIKA-s i njihen përjashtimet, privilegjet dhe imunitetet, bazuar në Konventën e Vjenës për Marrëdhëniet Diplomatike të vitit 1961, lidhur me mjetet e transportit, pasuritë e luajtshme dhe të paluajtshme, llogaritë bankare, interesin dhe transferimin (remitancat), vizat dhe lejet e qëndrimit për zyrtarët dhe anëtarët e tjerë të familjes.

Turqia u trondit dje kur ish-presidenti i klubit turk të futbollit, Ankaragucu, Faruk Koca goditi me grush pas ndeshjes arbitrin Halil Umut.

Federata e futbollit në këtë vend pezulloi pa afat kampionatin elitar, me presidentin Koca që u vendos në pranga, teksa arbitri ka zbuluar edhe detaje.

“Kur isha në tokë, të gjithë njerëzit më goditën disa herë në fytyrë dhe në pjesë të tjera të trupit.

Faruk Koca para të gjithë bashkëpunëtorëve të mi më tha: ‘Do të të vras'”, tha arbitri.

Veç tij, edhe Shoqata e Arbitrave ka mbështetur arbitrin dhe ka thënë se do jenë me të për çdo vendim.

“Do të bëj denoncim kundër Faruk Kocas dhe personave të tjerë që më rrahën. Nuk dua të bëj kompromis.

Kjo është gjithçka që kam për të thënë. Të gjithë e panë atë që ndodhi mbrëmë. Nuk kemi çfarë të shtojmë”, deklaroi arbitri Arda Kardesler.

Faruk Koca ka dhënë dorëheqjen pasi goditi dje me grusht gjyqtarin Halil Umut Meler në fund të ndeshjes me Rizesporin.

Tërmeti me magnitudë 5.1 ballë është regjistruar në Turqi. Gjithashtu është shënuar edhe pasgoditje, që arrin në 4.5 ballë, brenda 3 minutave.

Sizmologët në Turqi dhe në Greqi po ashtu janë të shqetësuar.

Si pasojë e këtij tërmet, qytetarët në Turqi kanë dalë në rrugë të frikësuar dhe në panik.

Ankara- Tërmeti godet Turqinë. Lëkundja sizmike ndodhi paraditen e sotme dhe epiqendra ndodhet në Detin Marmara.

Më shumë tërmeti u ndje në Bursa dhe qytete e tjera përreth, por dridhjet e forta u ndjenë edhe në Stamboll duke alarmuar banorët.

Ali Yerlikaya, Ministri i Brendshëm i Turqisë ka deklaruar se ekipet dhe institucionet menjëherë pas tërmetit janë nisur në gadishmëri në zonë për të parë nga afër terrenet.

“Tërmeti është ndjerë edhe në qytetin tonë. Falë Zotit, ende nuk ka ardhur asnjë raport. Përpjekjet e skanimit po vazhdojnë…Zoti na ruajt nga të gjitha llojet e aksidenteve dhe telasheve”, tha Guvernatori i Stambollit.

Një tërmet me magnitudë 4.8 ballë i shkallës Rihter ka goditur mëngjesin e sotëm lagjen Akçadag të Malatyas në Turqisë. Sipas informacioneve, të shpërndara nga Agjencia për Menaxhimin e Fatkeqësive dhe Emergjencave (AFAD), tërmeti ka ndodhur në orën 03:18 të mëngjesit, me epiqendër në lagjen Akçadag.

Tërmeti, i regjistruar në një thellësi prej shtatë kilometrash nën tokë, ka shkaktuar shqetësim tek banorët, të cilët kanë dalë në rrugë të shqetësuar, raporton Haberturk.

Paraprakisht nuk raportohet për pasoja në jetë njerëzish apo dëme materiale, por tek banorët, ndjesia e frikës mbetet prezente.

Pak ditë më parë Turqia u godit nga dy tërmete të njëpasnjëshme, duke rikthyer tmerrin e pak muajve më parë, ku humbën jetën mijëra qytetarë turq, ndërsa shumë zona u shkatërruan plotësisht si pasojë e lëkundjeve të fuqishme.

Stuhitë dhe reshjet e dendura që goditën pjesë të Greqisë, Turqisë dhe Bullgarisë shkaktuan 11 viktima të mërkurën, ndërsa ekipet e shpëtimit vazhdonin kërkimet.

Përmbytjet në një kamp pushimi në Turqinë veriperëndimore, pranë kufirit me Bullgarinë vranë të paktën katër persona dhe prishën shtëpitë. Ekipet e emergjencave vazhdonin kërkimet për personat e zhdukur.

Dy persona të tjerë vdiqën në Stamboll, qytetin më të madh të Turqisë, ku furtunat e së martës dëmtuan qindra shtëpi dhe qendra pune në disa lagje.

Ndër viktimat ishte një shtetas 32 vjeçar nga Guinea që ishte bllokuar në apartamentin e tij në katin nëntokë të një godine banimi në lagjen e varfër Kucukcekmece, njoftoi kanali turk HaberTurk. Viktima tjetër ishte një grua 57-vjeçare që u rrëmbye nga ujërat në një lagje tjetër, njoftoi agjencia e lajmeve DHA.

Përmbytjet dëmtuan 1750 shtëpi dhe biznese në qytet, njoftoi zyra e guvernatorit të Stambollit. Një rrugë e tërë me dyqane në lagjen Ikitelli u dëmtua, ndërsa makinat e zhvendosura nga parkimet dhe balta shkatërruan mallrat në dyqanet e mobiljeve.

Përmbytjet përfshinë një zonë të madhe parkimi të kamionëve në rrethinat e qytetit, ku njerëzit u ngjitën në tarracat e godinave për të shpëtuar.

Në Greqi, reshjet rekord shkaktuan të paktën dy viktima në qytetin Volos dhe tre persona të tjerë u deklaruan të zhdukur. Departamenti i zjarrfikësve njoftoi se një person u vra të martën kur një mur u shemb mbi të, dhe të mërkurën u gjend edhe trupi i një gruaje.

Autoritetet ndaluan qarkullimin e mjeteve në Volos, në rajonin malor Pilion dhe ishullin Skiathos, ku banesa të shumta vazhdonin të mërkurën të ishin pa rrymë elektrike. Furtunat pritej të vazhdonin edhe gjatë ditës së enjte.

Në Bullgari, furtunat shkaktuan përmbytje në bregdetin e Detit të Zi. Trupi i një turisti u gjend të mërkurën në det, duke e rritur kështu numrin e viktimave në tre. Mjetet detare të policisë dhe dronët vazhdonin kërkimet për dy persona të zhdukur.

Pamjet televizive tregonin automjetet të rrëmbyera nga ujërat drejt detit në qytetin turistik Tsarevo, ku autoritetet kanë shpallur gjendjen e emergjencës.

Shumica e lumenjve në zonë dolën nga shtrati dhe disa ura u shkatërruan, duke krijuar probleme serioze për qarkullimin.

Ministrja e Turizmit, Zaritsa Dinkova, tha se rreth 4 mijë persona ishin dëmtuar nga katastrofa natyrore përgjatë bregut të Detit të Zi.

“Është problem transporti i turistëve, pasi është e rrezikshme lëvizja e mjeteve përgjatë rrugëve të prekura nga përmbytjet”, tha ajo./VOA