U dënua me burg – JiL.al | Informohu – Frymëzohu – Jeto i Lumtur

U dënua me burg, reagon për herë të parë Rudina Dembacaj

Editor — Fri, 08 Dec 2023 22:26:43 +0000

Rudina Dembacaj ditën e sotme ka reaguar për herë të parë pasi u dënua nga Gjykata e Apelit me 6 muaj burg, për shkak se falsifikoi firmën e ish-bashkëshortit të saj, për të nxjerrë vajzën e tyre jashtë shtetit. Dënimi i është konvertuar në 80 orë shërbim prove.

Përmes një postimi në llogarinë e saj të Instagram, Rudina ka bërë një shkrim të gjatë duke treguar sfidat që kalon çdo grua.

“Çdo vajzë, çdo grua ka sfidat, fitoret, vuajtjet, gëzimet, ulje- ngritjet, kryengritjet e saj. Punon, duron, mbijeton, për veten, për fëmijët, për familjen e saj. Flet shumë edhe atëhetë kur zgjedh me hesht.

Pavarsisht se çfarë i ndodh në jetë e me kë duhet të përballet, betejën më të madhe e ka me veten, që të mund të ruajë dinjitetin, integritetin edhe në kohë të vështira. Lum kush ja del, sepse respekti për veten, është fuqia më e madhe për të ecur veç përpara.

“7 minuta”, më mjaftuan, që ashtu e strukur nën lëkurën e personazhit që kisha në shfaqje, t’ia rikujtova prap fort vetes se s’duhet kurrë me u dorëzu e s’duhet me leju askënd me na vendosë kufijt e nënshtrimit, ku do me të pa. Ishim 11 vajza e gra në atë skenë, me jetë e karaktere të ndyshme, deri në ekstreme. Unë, isha malësorja që në fillim u frikësova, u hutova u lëkunda përballë rrezikut që po na kanosej….derisa e gjeta forcën e në fund i thashe JO humbjes së dinjitetit tim” – ka shkruar aktorja krahas disa fotove.

Çifti u martuan në vitin 2016 dhe nga dashuria e tyre sollën në jetë një vajzë. Por u ndanë 3 vite më pas, e aktualisht aktorja ka nisur një romancë të re, prej disa vitesh ajo është e martuar me ish-deputetin e Partisë Socialiste, Mark Frroku.

U dënua me burg, ish- presidenti Nicolas Sarkozy thyen heshtjen

Jil — Fri, 19 May 2023 17:36:40 +0000

Ish presidenti francez Nicolas Sarkozy ka thyer heshtjen pas një vendimi të gjykatës që e dënon atë me burg për tre vite për korrupsion. Në një intervistë ekskluzive për Le Figaro ish presidenti Sarkozi deklaron se ai është një luftëtar, dhe se do ti shkojë çështjes deri në fund.

“Nuk jam i surprizuar. Unë e dija se do të ishte një luftë afatgjatë për të fituar jo vetëm për çështjen time, por është esenciale për principet e demokracisë që janë rrëzuar: konfidencialiteti i bisedave ndërmjet një avokati dhe klientit të tij; realiteti i provave dhe mungesa e tyre; dyshimi që duhet në çdo lloj rrethane i bie mbrojtjes dhe jo prokurorisë; e drejta e drejtësisë që duhet të vendosë se çfarë kam bërë e çfarë nuk kam bërë, dhe jo për çka unë jam. Pra, duhen parë faktet”, thotë gjatë intervistës Sarkozi i dënuar gjatë të mërkurës nga gjykata e Apelit për të ashtuquajturat “përgjimet Bismuth” .

“Unë jam një luftëtar, e vërteta do të triumfojë”, vijon Sarkozi për gazetarët e Figaro.

Ai u dënua sipas gjykatës pasi në vitin 2014 ka tentuar të sigurojë informacion, për një rast, pasi është larguar nga pushteti, duke sugjeruar se mund t’ia garantojë gjyqtarit një pozitë prestigjioze.