Tashmë që vrasësi i Klodiana Vefës ka vdekur, shoqja më e ngushtë dhe e besuar e viktimës nuk gjen qetësi. “Pas vdekjes së Klodianës praktikisht u mbylla në shtëpi, thotë gruaja, ai ishte ende pranë dhe i armatosur.
Mund të vinte të më kërkonte dhe të më vriste edhe mua. Më urrente dhe më kishte frikë se i qëndrova përballë”.about:blank

Dhe shqetësimi i saj është se, për dashurinë e fëmijëve të saj, Klodiana nuk e raportoi kurrë vrasësin e saj të ardhshëm, Alfred Vefa, 44 vjeç, i cili e ekzekutoi në rrugën e Castelfiorentino (Firence) të enjten e kaluar në orët e mbrëmjes.

“Më shumë se një herë i kisha thënë Alfredit: nëse Klodiana nuk të kallëzon për ferrin që po e bën të kalojë, do ta bëj unë”, thotë ajo për Qn.

“Klodiana nuk e denoncoi kurrë për fëmijët e saj. Ajo kishte frikë se nëse e bënte, ai do t’i dëmtonte fëmijët e saj: një hakmarrje për të goditur atë. Dhe më pas u bind se edhe duke denoncuar kërcënimet, ndjekjet dhe torturat që i bënte, asgjë nuk do të ndryshonte. Më thoshte: gjithsesi atë që do të bëjë, do ta bëjë gjithsesi”.

“Ajo donte të ishte e lumtur, po përpiqej me të gjitha forcat. Kishte gjetur një person me të cilin ndihej rehat. Një burrë që ashtu si ajo jetoi vite ferrit, duke duruar gjithçka sepse donin të ishin bashkë. E njoh shumë mirë dhe ai, ashtu si unë, derisa Alfredi u gjet i vdekur, kishte frikë të dilte nga shtëpia, por tani do të më duhet të përballem me gjithçka tjetër: një dhimbje të padurueshme dhe një keqardhje që do të më mundojë përgjithmonë.”about:blank

“Duhet të shkoja në polici dhe të denoncoja, me ose pa pëlqimin e Klodianës. As unë dhe as partneri i saj nuk kishim dëshirë të shkonim kundër dëshirës së saj. Kemi këmbëngulur shumë. U përpoqëm ta bindnim në çdo mënyrë. Por në fund ajo mbyllte diskutimin: ne jemi shqiptarë, nuk mund ta kuptoni. E kemi respektuar deri në fund”, përfundon shoqja e Klodianës.

TALI – Klodiana Vefa, 35-vjeçarja shqiptare që u gjend ditën e djeshme e ekzekutuar në Itali duket se ka qenë shumë e lidhur emocionalisht me kujtimet e saj të dashurisë.

Dedikimet e saj në rrjetin social Instagram tregojnë përjetimet prekëse të së ndjerës.

Ajo shprehet “se e njoh shumë mirë veten dhe shton se është “e fortë si betoni dhe si xhami”.

Nga ana tjetër Vefa shkruan mbi dashurinë duke thënë se ajo “të merr gjithmonë pak në befasi”.

“E njoh shumë mirë veten, jam prej betoni dhe prej xhami. Disa gjëra nuk më prekin, të tjera më shkatërrojnë.

Dashuria të merr gjithmonë pak në befasi, ka nga ata që pushtohen prej saj dhe në fund ikin. Dhe ka nga ata që e jetojnë atë me gjithë pasionin dhe forcën e tyre”, – shkruan Vefa.

Në një tjetër postim shkruan: “Është e bukur dashuria, po, e bukur. Është e vërtetë se kur të kam përballë më ndodh ajo që ke shkruar… Nuk mund të bëj asgjë… Por pavarësisht kësaj, ajo që ka rëndësi është ajo që rrjedh normalisht…

Nëse do përgjigjen time, ta jap edhe një herë…”

Tragjedia

Klodiana Vefa, 35-vjeçarja shqiptare është gruaja e cila mbeti e vrarë mbrëmjen e kaluar në rrugë në Castelfiorentino pak hapa larg Firences.

Ajo kishte dy fëmijë 14 dhe 17 vjeç. Prej disa kohësh ishte në Itali dhe kishte një leje qëndrimi të rregullt.

Ngjarja ka ndodhur rreth orës 20:00 ku është qëlluar me një plumb në kokë.

Dyshimet janë se autori i ngjarjes është ish bashkëshorti i saj.