Një regjiment i ushtrisë ukrainase, i përbërë kryesisht nga shtetas rusë, ka ndërmarrë një sulm të befasishëm në rajonin e Kursk-ut brenda territorit rus.

Sulmi ka nisur që prej ditës së djeshme dhe është duke vijuar ende, teksa raportohet se ushtarë të shumtë rusë që janë kapur në befasi kanë pësuar dëme të mëdha.

Sulmi është kryer në disa vektorë, në veri-lindje të Ukrainës, duke depërtuar në disa raste mbi 12 kilometra në brendësi të territorit rus.

Të paktën një helikopter luftarak rus i modelit KA-52 është goditur dhe rrëzuar për herë të parë nga një dron “FPV”, ndërsa disa raketa kanë qëlluar një bazë ajrore ruse duke shkatërruar të paktën një avion të modelit “Su-34”.

Më shumë se 40 ushtarë rusë raportohet se janë kapur si të burgosur lufte, ndërsa ka raportime se batalioni “Akhmat” i forcave çeçene është tërhequr nga zona.

Po ashtu raportime të pakonfirmuara flasin për përfshirjen e avionëve F-16 në këtë sulm, të cilët Ukraina i mori vetëm pak ditë më parë nga Perëndimi.

Aktualisht disa fshatra janë nën kontrollin e forcave ukrainase të regjimentit “Freedom of Russia Legion”, ndër to dyshohet edhe stacioni i gazit Suja që furnizon pjesën më të madhe të Europës me Gaz.

Një person i armatosur qëlloi dhe plagosi për vdekje ish-deputeten nacionaliste të parlamentit ukrainas, Irina Farion, e njohur për fushatat e saj të hapura në favor të mbrojtjes së gjuhës ukrainase.

Policia ka nisur kërkimet për autorin që dyshohet se qëlloi për vdekje 60-vjeçaren në një rrugë në qytetin e Lviv. Rasti është klasifikuar si “tentativë vrasje”, tha pak pas ngjarjes ministri i Brendshëm Ihor Klimenko.

“Viktima është në gjendje kritike dhe mjekët po luftojnë për t’i shpëtuar jetën”, shtoi ai pak minuta pasi Farion u qëllua në kokë.

Megjithatë, sipas mediave ukrainase, ish-deputetja dhe gjuhëtarja ukrainase nuk i ka mbijetuar plagëve të marra dhe ka ndërruar jetë disa orë pas sulmit.

Lajmi u konfirmua më pas nga guvernatori i qytetit ukrainas Maksim Kozhitsky, ashtu si edhe nga kryetari i bashkisë së Lviv, Andriy Sandovy.

Ndërkohë për ngjarjen ka reaguar edhe Presidenti Volodymyr Zelensky, duke thënë se po ndjek hap pas hapi hetimet për arrestimin e agresorit dhe shtoi se dënon çdo formë dhune.

Sa i përket Farion, ajo iu bashkua partisë nacionaliste Svoboda (Liria) në 2005 dhe u zgjodh në parlament për herë të parë dhe të fundit në 2012.

Ajo ishte gjithashtu anëtare e këshillit rajonal të Lviv dhe u bë e njohur për fushatat e saj për të promovuar gjuhën ukrainase dhe komentet e saj përçmuese për zyrtarët publikë rusishtfolës. Në vitin 2018, kur Ukraina po luftonte me separatistët pro-rusë që kishin pushtuar territorin në Ukrainën lindore, ajo u bëri thirrje bashkatdhetarëve të saj që të godisnin në nofull të gjithë rusishtfolësit.

Dy shtetase ukrainase janë gjetur të vdekura tek zona e “Selvisë” në Tiranë.

Bëhet me dije nga burimet për media se ngjarja është shënuar në zonën e Selvisë. Paraprakisht dyshohet se të rejat kanë ndërruar jetë si pasojë e mbidozës së ilaçeve.

Nga ana tjetër mësohet se vajzat janë identifikuar si Antonina Kozachenko dhe Anastasia Lopukhova.

Viktimat janë të moshës 24 dhe 40 vjeçe dhe paraprakisht dyshohet se kanë konsumuar ilaçe me përmbajtje lëndësh narkotike. 

Gjurma e Mia-s së rrëmbyer (pesë javëshe) i solli hetuesit në një zonë të qetë banimi në periferi të Sandhausen (Baden-Württemberg).

Por pas derës tashmë të mbyllur të një shtëpie gjysmë të shkëputur, një çift me sa duket kishte planifikuar të vriste ukrainasen Margarita R., 27-vjeçe, për t’i marrë fëmijën Mia! Të mërkurën, policia arrestoi një grua dhe një burrë, përkatësisht 43 dhe 44 vjeç, duke gjetur edhe vajzën e vogël. Tani është e qartë.

Gjatë javëve dhe muajve të fundit, çifti ka folur hapur me fqinjët dhe kolegët e punës për “lindjen” e afërt të vajzës së tyre.