SHBA- Presidenti amarikan Donald Trump, në një postim të ri në rrjetet sociale, pretendon se ka arritur të zgjidhte gjashtë konflikte ushtarake në gjashtë muaj, përfshirë një që siç tha ai, kërcënonte të zhvillohej në një katastrofë bërthamore. Në të njëjtën kohë, ai lëshoi kritika të ashpra ndaj mediave, si Wall Street Journal, por edhe ndaj analistëve që nuk i kuptojnë lëvizjet e tij.

Duke iu referuar luftës Rusi-Ukrainë, Trump e përshkroi konfliktin si luftë të fjetur të Joe Biden dhe jo të tijën, duke theksuar se ai është tani aty vetëm për ta ndaluar atë dhe jo për ta përshkallëzuar më tej.

“Nuk do të kishte ndodhur kurrë nëse do të kisha qenë president që nga fillimi”, theksoi ai edhe një herë, duke shtuar se ai e di saktësisht se çfarë duhet të bëjë për t’i dhënë fund konfliktit.

Presidenti amerikan nuk hezitoi t’i përshkruajë si budallenj ata që kanë punuar për këto çështje për vite me radhë pa arritur të gjejnë zgjidhje.

“Këta janë njerëz pa logjikë të shëndoshë, pa inteligjencë dhe pa kuptim. E tëra çfarë po bëjnë është ta bëjnë krizën Rusi-Ukrainë edhe më të vështirë për t’u zgjidhur”, tha ai.

Duke mbyllur postimin e tij, Trump iu përgjigj kritikave që merr, duke vënë në dukje se “pavarësisht të gjithë kritikëve të mi mendjelehtë dhe shumë xhelozë, unë do t’ia dal unë gjithmonë ia dal”.

Sulmi i Rusisë ndaj infrastrukturës energjetike të Ukrainës, në ditën e Krishtlindjes, ka shkaktuar pasiguri të mëtejshme, duke lënë mijëra qytetarë pa furnizim me energji dhe ngrohje, ndërsa lufta ka hyrë në dimrin e saj të tretë.

Presidenti i Ukrainës, Volodymyr Zelensky, e ka cilësuar këtë sulm si “çnjerëzor”, duke theksuar se ishte hera e trembëdhjetë që Rusia sulmonin rrjetin elektrik të Ukrainës këtë vit.

Sulmet, që kanë përfshirë shpërthime të mëdha në qytete të ndryshme të Ukrainës, kanë shkaktuar viktima dhe dëme të konsiderueshme. Në rajonin e Dnipropetrovsk, një person humbi jetën dhe gjashtë të tjerë u plagosën, ndërsa në Kharkiv, qyteti më afër kufirit me Rusinë, së paku shtatë sulme me raketa shënjestruan zonat e banuara dhe infrastrukturën civile, duke lënë gjysmë milion familje pa ngrohje për shkak të temperaturave të ulëta.

Ky sulm i përshkallëzuar i Rusisë ndaj infrastrukturës kritike të Ukrainës vjen ndërsa vendi është duke kaluar një dimër të ashpër, dhe dëmi në rrjetin energjetik është një përpjekje e vazhdueshme e Rusisë për të minuar mbështetjen e qytetarëve dhe për të shkaktuar probleme në mbijetesën e përditshme të ukrainasve. Pas këtij sulmi, Kievi ka ndërmarrë masa për të stabilizuar rrjetin dhe ka vendosur ndërprerje të vazhdueshme të energjisë elektrike.

Përveç sulmeve ndaj infrastrukturës, forcat ukrainase raportuan gjithashtu një sulm të suksesshëm ndaj një poste komanduese ruse në rajonin e Kursk, që tregon se Ukraina po vazhdon të zhvillojë operacione ushtarake në territore të pushtuara nga Rusia.

Ukraina ka humbur mbi 40 për qind të territorit në rajonin Kursk të Rusisë, kontrollin e të cilit e pati fituar përmes një inkursioni të befasishëm në gusht, ka thënë një burim brenda ushtrisë ukrainase.

Sipas këtij burimi, Rusia i ka angazhuar rreth 59.000 trupa ushtarake në rajonin e Kurskut prej inkursionit ukrainas, i cili e pati zënë Moskën të papërgatitur pas dy vjetësh e gjysmë të nisjes së luftës në Ukrainë.

“Në fillim kemi pasur kontrollin e 1.376 kilometrave katrorë, tani ky territor është natyrisht më i vogël. Armiku është duke shtuar kundërsulmet”, ka thënë ky burim.

“Tani kontrollojmë diku rreth 800 kilometra katrorë. Ne do ta mbajmë këtë territor për aq kohë sa është e përshtatshme ushtarakisht”.

Ofensiva në Kursk pati shënuar herën e parë – prej Luftës së Dytë Botërore – të nisjes së një pushtimi tokësor në Rusi nga një forcë e huaj.

Me inkursionin në Kursk, Kievi ka synuar të ndalë sulmet ruse në rajonet lindore dhe verilindore të Ukrainës, që të pamundësojë përparimin e ushtrisë ruse në Ukrainë, por edhe që të rrisë pazarin në negociatat e ardhshme për paqe.

Megjithatë, forcat ruse është raportuar se janë duke avancuar në rajonin lindor të Ukrainës, Donjeck.

Burimi brenda ushtrisë ukrainase ka thënë se rreth 11.000 ushtarë koreanoverorë kanë arritur në rajonin e Kurskut për të mbështetur Rusinë, ndonëse një pjesë e tyre janë ende në fazë trajnimi.

Moska, as nuk e ka konfirmuar dhe pas mohuar prezencën e ushtarëve të Koresë së Veriut në Kursk.

Ishte i vetmi rezultat që nuk ka nevojitej.

Kombëtarja “kuqezi” ka zhgënjyer totalisht mbrëmjen e kësaj të marte, teksa në mitikun e “Air Albania” janë mundur me rezultatin e ngushtë, 2-1, nga “Verdheblutë” e Ukrainës, në përballjen e vlefshme për xhiron e fundit të fazëssë grupeve të Nations League.

Dy gola të shpejtë nga Oleksandr Zinchenko e Roman Yaremchuk ishin vendimtare në fitoren e miqve, ndërsa për djemtë tanë goli i vetëm erdhi në minutën e 75’-të, me “fantazistin” Nedim Bajrami që përkthen më së miri në gol një penallti të fituar nga Myrto Uzuni, por vetëm kaq.
Kjo humbje ndikon jo pak në renditjen e “Kuqezinjve” në Grupin B1, të Nations League, me djemtë e Sylvinho që tashmë pozicionohet në vendin e fundit me 7 pikë, po aq sa Gjeorgjia e vendit të 3-të, Ukraina ngjitet në vendin e fundit, ndërsa Çekia pas fitores 2-1 ndaj gjeorgjianëve siguron kalimin në Ligën A, si e para e grupit.

Kreu i diplomacisë ruse, Sergei Lavrov sërish ka bërë një krahasim mes situatës në Kosovë dhe asaj në Ukrainë.

Natyrisht, shtetit të Kosovës dhe atij të Ukrainës, Lavrov vazhdimisht iu është referuar me termin ‘integritet territorial’.

Diplomati rus, njeriu më i afërt i Putinit i është drejtuar me disa kritika dhe këshilla kabinetit të Sekretarit të Përgjithshëm të Kombeve të Bashkuara.

Ai ka kërkuar nga ky institucion që ‘ta lexojnë Kartën e kësaj organizate në tërësi dhe jo vetëm atë pjesë që ai dëshiron të nënvizojë në kontekstin e krizës ukrainase në lidhje me siç thotë ai integritetin territorial dhe e drejta e kombeve për vetëvendosje’, raporton sot Sputnik.

Në Simpoziumin Ndërkombëtar të Fantashkencës “Ndërtimi i së Ardhmes”, Lavrov kujtoi se Perëndimi, me mbështetjen e plotë të Sekretariatit të OKB-së, kërkon “rivendosjen e Ukrainës” brenda kufijve të vitit 1991, ‘duke iu referuar parimit të Kartës së OKB-së për respektimin për integritetin territorial të shteteve dhe një sërë rezolutash’.

Si shembull i interpretimit joadekuat të Kartës së OKB-së, Lavrov përmendi situatën në Kosovë

“Kur vendet perëndimore e shpallën Kosovën të pavarur në vitin 2008, askush nuk debatoi për këtë dhe Gjykata Ndërkombëtare e Drejtësisë e OKB-së tha në përfundimin e saj se, nëse një pjesë e vendit vendosë në mënyrë të njëanshme për pavarësinë e saj, pëlqimi i autoriteteve qendrore është nuk kërkohet fare”, theksoi Lavrov.

Lavrov tha se Karta e OKB-së, para se të përmend integritetin territorial, përmban njohjen e të drejtës së kombeve për vetëvendosje, e cila shërbeu si bazë për procesin më të madh në historinë e fundit – procesin e dekolonizimit.

Katër persona janë vrarë në një sulm rus në qytetin port të Ukrainës, Odesa, në sulmin e katërt të tillë në rajonin bregdetar të Detit të Zi brenda pesë ditësh.

Një vajzë 16-vjeçare, dy gra dhe një burrë ishin në mesin e të vrarëve në sulmin në një ndërtesë dykatëshe ku jetonin dhe punonin civilët.

Kreu rajonal i Odesës, Oleh Kiper tha se në vetëm dy ditë forcat ruse kishin vrarë 13 njerëz, pasi një anije me grurë u sulmua në port herët të enjten.

Rusia ka përshkallëzuar sulmet e saj ndaj industrisë së eksportit të grurit të Ukrainës javën e kaluar, por nuk ka komentuar valën e saj të sulmeve me raketa në rajonin e Odesës.

Në fillim të kësaj jave, ushtria e Ukrainës goditi një terminal të madh nafte në bregun lindor të Krimesë së pushtuar nga Rusia.

Imazhet satelitore tregojnë se objekti në det të hapur në Feodosia është ende duke u djegur pesë ditë pas sulmit.

zyrtari rus, Igor Tkachenko tha se edhe pse zjarri nuk ishte shuar, ai ishte plotësisht nën kontroll.

Sot është dita e ndeshjes në Ligwn e Kombeve për Shqipërinë ndaj Ukrainës, ndërsa kompanitë e basteve kanë shpallur ditë më parë edhe koeficientet për sfidën e parë, që do të zhvillohet në orën 20:45.

Deri sot asgjë nuk ka ndryshuar dhe favorite shihet kombëtarja e Ukrainës. Fitorja e tyre kuotohet me 1.75, ndërsa një barazim ka koeficientin 3.55.

Një sukses i mundshëm i kuqezinjve në këtë ndeshje kap kuotën 4.70

Rusët po përparojnë. Ukrainasit po gërmojnë. Disa javë pasi e arritën fitoren më të madhe në fushëbetejë pas gati një viti, pushtimin e qytetit industrial Avdivka, forcat ruse po çajnë përpara – në disa vende ngadalë, e në disa të tjerë me shpejtësi. Komandantët ukrainas po nxitojnë për të ndërtuar vija mbrojtëse të frontit – llogore, bunkerë, pengesa me gjemba kundër tankeve dhe mina fushore. Por, disa ekspertë thonë se këto vija mbrojtëse është dashur të ndërtoheshin muaj më parë.

Ndërkohë, oficerët e logjistikës dhe rekrutuesit ushtarakë po bëjnë përpjekje të mëdha për të gjetur më shumë burra për t’i rifreskuar njësitë e dërrmuara dhe të asgjësuara. Gjendja në fushëbetejë është e zymtë për Ukrainën, thonë ekspertët, dhe mungesa e furnizimit me armatim nga Shtetet e Bashkuara po e bën gjendjen edhe më të zymtë.

Rusia gëzon tani një përparësi dhe asgjë nuk ka mundësi ta ndryshojë atë në të ardhmen e afërt, paralajmërojnë analistët ushtarakë. “Për forcat ukrainase, gjendja mbetet e vështirë, si pasojë e shumë faktorëve, siç janë: përpjekjet e vonshme për mobilizim, ndërtimi i fortifikatave të pamjaftueshme, hapat e gabuar gjatë luftimeve më 2023, dhe më e rëndësishmja, dështimi vendimtar i partnerëve për ta dhënë municionin e premtuar, me gjithë zotimet e mëhershme”, sipas një oficeri rezervë, i cili e udhëheq një organizatë të inteligjencës që është e lidhur me ushtrinë ukrainase, dhe i cili nuk mund të flasë publikisht për shkak të kufizimeve ushtarake

“Është goxha keq, në të vërtetë”, tha Konard Muzyka, një analist i mbrojtjes nga Polonia, i cili i vizitoi disa vende në Ukrainë në afërsi të vijave të frontit javën e kaluar. “Ukrainasit nuk janë në gjendje ta frenojnë dukshëm përparimin e rusëve”, tha ai për Radion Evropa e Lirë (REL). “Rusët do të pushtojnë fshatra dhe vendbanime të reja ngadalë, por sigurt.about:blank

Nuk do të jetë një fitore e shpejtë. Por, mendoj se mund të thuash se, tani për tani, ukrainasit nuk kanë qenë më të dobët se sot mbase prej verës së vitit 2022”, tha ai.

Presidenti ukrainas Volodymyr Zelensky tha se vendi i tij ka nevojë për më shumë sisteme të mbrojtjes ajrore në mënyrë që të mbrojë korridorin e grurit që ka qenë operacional që nga tërheqja e Rusisë nga Iniciativa për Kokrrat e Detit të Zi në korrik.

“Ne kemi ende nevojë për një numër shumë specifik sistemesh me një emër shumë specifik. Kërkesa është bërë. Ne kemi përgjigje pozitive kur këto sisteme fillojnë të mbrojnë atë rajon. Sepse si korridori ashtu edhe njerëzit atje janë të rëndësishëm”, tha Zelenskyy në një konferencë për media pas samitit “Gruri nga Ukraina” në Kiev të shtunën.

Duke potencuar se korridori i grurit vazhdoi të funksionojë pavarësisht sfidave, Zelensky tha se Rusia ka pak ndikim mbi korridorin.

“Ne kemi një korridor dhe bashkëpunim të qartë për përdorimin e tij me Bullgarinë, Rumaninë dhe Turqinë. Kemi marrëveshje me Mbretërinë e Bashkuar, të përfshirë në sigurimin e këtij korridori”, shtoi ai.

Ukraina ka marrëveshje me disa shtete për shoqërimin e anijeve me anije ukrainase, tha ai, duke shtuar se vendi tashmë po merr anije detare posaçërisht për këtë qëllim.