Altin Morina, një ish-punonjës i Policisë së Shtetit, rezulton ndër emrat e përfshirë në mega-operacionin “Ura”, sipas dosjes së fundit të siguruar nga autoritetet hetimore. Ai dyshohet për bashkëpunim me grupe kriminale, duke u kthyer sërish në vëmendje për aktivitet të paligjshëm.

Morina ishte arrestuar më 4 prill 2025 nga SPAK, për një tjetër çështje penale, por hetimet e reja zbulojnë një përfshirje të re në një rast të ndarë nga ai i mëparshmi.

Operacioni “Ura”, i ndërmarrë nga SPAK në bashkëpunim me autoritetet italiane dhe strukturat vendore të rendit, ka shënjestruar një rrjet të gjerë të trafikut ndërkombëtar të drogës dhe pastrimit të parave. Përfshirja e ish-efektivëve të policisë si Morina, sipas burimeve, e rëndon më tej situatën, duke shtuar dyshimet për mbështetje të strukturave shtetërore ndaj veprimtarisë kriminale.

Një aksident ka ndodhur mbrëmjen e sotme në aksin rrugor Fushë Krujë-Vorë, në vendin e njohur si “Ura e Gjoles”.

Sipas informacioneve të para, një këmbësor ka tentuar të kalojë nga njëri krah i rrugës në tjetrin dhe është goditur nga një automjet që po kalonte në atë moment. Si pasojë e goditjes, këmbësori ka mbetur i plagosur.

Të pranishmit në vendngjarje kanë njoftuar autoritetet, ndërkohë i plagosuri është dërguar menjëherë në spital për të marrë ndihmën e nevojshme mjekësore.

Policia dhe grupi hetimor janë duke kryer veprimet për zbardhjen e shkaqeve të aksidentit dhe për të sqaruar rrethanat e ngjarjes.

Të paktën 12 persona kanë vdekur dhe 31 të tjerë janë zhdukur pasi një urë u shemb pjesërisht në provincën veriore të Kinës Shanxi.

Autoritetet thanë se një pjesë e urës në qarkun Zhashui në qytetin Shangluo u shemb të premten në mbrëmje pas shirave të fundit dhe përmbytjeve të shpejta .

Që nga ora 12:00 me orën lokale, operacionet e kërkimit dhe shpëtimit ishin duke vazhduar pasi 17 makina dhe 8 kamionë ranë në lumë, njoftoi media shtetërore.

Autoriteti kombëtar i zjarrfikësve dhe shpëtimit të Kinës tha të shtunën se kishte dërguar një ekip shpëtimi të përbërë nga afro 900 persona, 90 automjete, 20 varka dhe 41 drone, sipas Reuters.

Në lidhje me ngjarjen e rënë në Kinë ka reaguar edhe Presidenti kinez Xi Jinping, i cili ka bërë thirrje për përpjekje të gjithanshme të shpëtimit të shtunën dhe tha se vendi është në një periudhë kritike për kontrollin e përmbytjeve, duke i kërkuar qeverisë lokale të ndërmarrë veprime.