Ngacmoi seksualisht pacienten, arrestohet infermieri i Urgjencës së Spitalit të Pogradecit.

‘Specialistët për Hetimin e Krimit të Komisariatit të Policisë Pogradec ndaluan shtetasin M. M., 36 vjeç, banues në Pogradec, për veprën penale “Ngacmim seksual”

Ndalimi i këtij shtetasi u bë pasi, më datë 17.09.2024, në televizionin “Klan”, gjatë emisionit investigativ “STOP”, janë shfaqur pamjet filmike ku shtetasi M.M, me profesion infermier në Urgjencën e Spitalit Pogradec, është denoncuar nga një shtetase me pretendimin se është ngacmuar seksualisht nga ky shtetas.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, informon policia.

Efi Dhedhes publikoi ditën e djeshme një video ku shihej mjaft e revoltuar me shërbimin e Urgjencës.

Në denoncimin e saj, Efi shprehej se si prej orësh ka kërkuar një ambulancë për t’i ardhur në ndihmë gjyshit të saj, i cili ndodhej në gjendje kritike për jetën. Ndërsa pak më parë, Efi ka ndarë lajmin e trishtë me ndjekësit e saj. Ajo bën të ditur se fatkeqësisht gjyshi i saj ka ndërruar jetë.“U prehsh në paqe gjyshi im. RIP Selfo Mancellari”, shkruan ajo në InstaStory.