Dy persona janë arrestuar në Fushë Kosovë, pasi të njëjtit dyshohet se kanë kanosur me thikë, kanë sulmuar fizikisht dhe i kanëthyer telefonin babait të tyre.

Policia ka bërë të ditur se të dyshuarit pas intervistimit janë dërguar në mbajtje.

“Janë arrestuar dy të dyshuar meshkuj kosovarë për shkak se kishin kanosur me thikë, sulmuar fizikisht dhe i kishin thyer telefonin babait të tyre. Të dyshuarit pas intervistimit me vendim të prokurorit janë dërguar në mbajtje”, thuhet në raportin e policisë.

Policia e Tiranës ka vënë në pranga një 34-vjeçar, i cili ka ushtruar dhunë fizike ndaj motrës së tij.

Për të njëjtën vepër penale, por këtë herë ndaj ish bashkëshortes, është arrestuar edhe një burrë në Krujë.

“Specialistët për Hetimin e Krimeve të Komisariatit të Policisë Nr. 3 arrestuan shtetasin E. L., 34 vjeç, banues në Tiranë, pasi dyshohet se ka ushtruar dhunë ndaj motrës së tij.

Specialistët për Hetimin e Krimeve të Komisariatit të Policisë Krujë arrestuan shtetasin Gj. M., banues në Krujë, pasi dyshohet se ka ushtruar dhunë ndaj ish-bashkëshortes së tij”, njofton policia.