Boksieri ukrainas Oleksandr Usyk ka mbrojtur titujt e tij kampion bote në peshat e rënda për IBO, WBO dhe WBC, duke triumfuar sërish ndaj britanikut Tyson Fury në një spektakël boksieri në Arabinë Saudite. Kjo fitore e konfirmoi statusin e tij si një nga boksierët më të mirë në kategorinë e peshave të rënda.

Pavarësisht pritshmërive të mëdha nga tifozët e boksit, ndeshja mes dy kampionëve nuk ishte aq emocionuese sa kishte pritur publiku. Dy luftëtarët ofruan një betejë më të thjeshtë, pa shumë momente spektakolare. Pjesa para dhe pas duelit ishte e nivelit të lartë, por vetë përballja nuk e mbushi plotësisht shpirtin e tifozëve.

Fury e nisi ndeshjen më mirë, duke goditur Usykun disa herë, veçanërisht me goditjen e tij të djathtë, por me kalimin e kohës, Usyk e ktheu situatën. Ai mori kontrollin e duelit dhe, duke sulmuar fuqishëm, arriti të impononte ritmin e tij. Në fund, gjyqtarët e ndeshjes dhanë një vendim unanim, duke shpallur fitues Usyk.