Italia po përgatitet për një valë tjetër të nxehtësisë ekstreme, pasi Ministria e Shëndetësisë lëshoi ​​​​një “alarm të kuq” për 22 qytete në të gjithë vendin. Kjo ka shënuar nivelin më të lartë të rrezikut për shkak të temperaturave në rritje. Ky paralajmërim, i vendosur të hyjë në fuqi të mërkurën, vjen pasi 19 qytete, përfshirë kryeqytetin Romë, u vendosën nën të njëjtin nivel alarmi sot. Emërtimi i alarmit të kuq tregon rreziqe të rënda shëndetësore, veçanërisht për grupet vulnerabël si të moshuarit, fëmijët dhe ata me kushte shëndetësore para-ekzistuese.

Ministria theksoi se temperaturat e larta pritet të vazhdojnë gjatë gjithë javës, duke u bërë thirrje banorëve të marrin masa paraprake kundër të nxehtit potencialisht të rrezikshëm. Në Romë, ku merkuri arriti në 43 gradë Celsius (109F) në mesditë, vendasit dhe turistët kërkuan strehim nga vapa shtypëse. Vizitorët e qytetit historik u panë duke u ftohur në ujërat e shatërvanit Barcaccia pranë Shkalave Spanjolle, një pikë e njohur turistike.

Vala e të nxehtit afrikan që ka përfshirë prej dy ditësh vendin tonë e ngjitur zhivën e termometrit deri në 43 gradë celsius. Ky fenomen e ka një shpjegim, të cilin na e japin pranë shërbimit meteorologjik-ushtarak.

“Vendi ynë, ditën e djeshme dhe ditën e sotme u ndikua nga një valë të nxehti, kjo për shkak të anticiklonit afrikan, i cili po qarkullon këto ditë, jo vetëm në vendin tonë, por edhe në pjesët jugore të Europës, duke sjellë masa ajrore të nxehta dhe të thata dhe duke bërë që temperaturat të jenë në disa vende 40-41 gradë celsius, por gjithashtu këto masa ajrore të nxehta sjellin dhe një sasi të madhe pluhuri, duke bërë që ndjesia reale për njerëzit të jetë disa gradë krahasuar me atë që është në kafazin meteorologjik.

Gradualisht, duke filluar nga dita e nesërme, por edhe në vijim, kemi tërheqje ajrore të anticiklonit afrikan, kemi tërheqje të masave ajrore të nxehta. Sa i përket temperaturave për fundjavën, për ditën e nesërme do të vijojnë të jenë të larta, pra 38-39 gradë celsius lokale, ndërsa duke filluar nga dita e diel ato zbresin në vlerat 35-36 gradë celsius”, u shpreh sinoptikani Elvi Jahaj.

“Sa i përket valës që kemi përpara, mbi vendin tonë pritet depërtimi gradual më të freskëta dhe më të lagështa me origjinë perëndimore. Moti parashikohet më shumë i kthjellët në pjesën më të madhe të territorit. Sa i përket temperaturave, ato në vlerat e mesditës, në zonat e ulëta do të prekin vlerat në 36-37 gradë celsius, pra kemi një rënie me këtë valë të nxehti, ndërsa në vlerat minimale, ato pritet të kalojnë vlerat nga 15 gradë celsius në relievet malore deri në 18-19 në ato të ulëta dhe bregdetare”, përfundoi Jahaj.

Portugalia e Spanja janë në luftë me zjarret ndërsa Gadishulli Iberik është përfshirë nga vala e tretë e të nxehtit për këtë vit me temperatura mbi 40 gradë. Dhjetëra zona konsiderohen në rrezik maksimal nga autoritetet , ndërsa qindra familje tashmë janë detyruar të braktisin shtëpitëa.

Zjarrfikësit në Portugali janë në luftë për të vënë në kontroll zjarret që kanë përfshirë mijëra hectare dhe që rezikojnë të vijojnë të përhapen në kushtet e temperaturave në rritje!

Rreth 800 forca u angazhuan për të shuar një vatër zjarri në qytetin ku mbi 1400 njerëz u detyruan të braktisin shtëpitë për shkak të rrezikut nga flakët!

Temperaturat mbi 40 gradë celcius që pritet të godasin gadishullin iberik

Tre zjarre të mëdha që dogjën qindra hektarë në Spanjë gjatë funddjavës u vunë nën kontroll, por alarmi mbetet në fuqi.