Një vatër zjarri është regjistruar pak minuta më parë në fshatin Lin në Pogradec.

Zjarri ka renë në afërsi te varrezave të fshatit, ndërsa flakët po përhapen. Në vendngjarje po mbërrin ekipi i zjarrfiksës së Pogradecit, ndërsa në afërsi të vatrës ka dhe banesa.

Pritet që situata të vlerësohet dhe të ndërhyet për neutralizimin e flakëve.

LESKOVIK- Një vatër zjarri është aktivizuar në kufirin grek në zonën e Leskovikut, i cili është konstatuar në vendin e quajtur Piramida 7.

Sipas informacioneve zjarri ka nisur në territorin grek dhe është përhapur në pjesën shqiptare duke përfshirë rreth 200 m.

Drejt vendngjarjes kanë shkuar forcat e zjarrfikës së Kolonjës, forca policore dhe ato kufitare si dhe ato të palës greke të cilat do të ndërhyjnë për fikjen e zjarrit.

Një zjarr problematik është shfaqur në masivin me pisha, mbi qytetin e Gjirokastrës. Flakët u shfaqën rreth orës 11.30 dhe i ndihmuar nga tereni i thatë dhe moti i nxehtë zjarri po përhapet në një sipërfaqe të gjerë.

Vatra e zjarrit ndodhet mbi Parkun Natyror të Viroit duke rrezikuar të dëmtojë kurrorën e gjelbërt të qytetit. Strukturat e emergjencës dhe pushtetit vendor për shkak të terrenit malor po ndërhyjnë me mjete rrethanore për shuarjen e flakëve.

Zjarri ka përfshirë disa sipërfaqe toke në Tropojë. Ndërkohë flakët janë përhapur edhe në bashkinë Has në majën e Krajlicës, në fshatin Peraj.

Ekipet zjarrfikëse janë angazhuar për shuarjen e flakëve, ndërsa terreni është i vështirë dhe ngadalëson ndërhyrjen e punonjësve për shuarjen e flakëve. Ndërkohë pritet të dërgohen edhe forca të tjera për të shuar zjarrin.

Një vatër zjarri ka përfshirë lagjen “Demokracia” në Mamurras, duke rrezikuar kështu disa banesa.

Shërbimet zjarrfikëse kanë ndërhyrë për të shuar flakët.

Zjarri ka përfshirë parcela me shkurre dhe ferra, ndërsa era e forta favorizon më tej përhapjen e flakëve.

Vatra zjarri janë regjistruar në lagjen “Demokracia” në Mamurras, duke rrezikuar kështu disa banesa. Shërbimet zjarrfikëse kanë ndërhyrë për të shuar flakët.

Zjarri ka përfshirë parcela me shkurre dhe ferra, ndërsa era e forta favorizon më tej përhapjen e flakëve.

Një vatër zjarri ka rënë pranë depos së vjetër të ujit në lagjen “Granicë” në Gjirokastër. Bëhet me dije se se flakët e zjarrit kanë rënë në shkurret e thata aty pranë.

Gjithashtu në vendngjarje kanë mbërritur zjarrfikësit që konstatuan se zjarri ishte në një sipërfaqe me barëra midis 2 banesave të cilat po rrezikoheshin. Ekipet zjarrfikëse kanë izoluar fillimisht flakët dhe më pas kanë arritur të shuajnë plotësisht zjarrin.

Një vatër e madhe zjarri në fshatin Frashtan në Bashkinë e Dropullit rrezikon disa banesa.

Raportohet se në vendngjarje kanë shkuar 2 makina zjarrfikëse nga Gjirokastra.

Gjithashtu për të vënë nën kontroll flakët janë angazhuar edhe zjarrfikëset e Dropullit.