Noterja Sanja Telhallari, është sot në qendër të mediave pasi policia trumbetoi bujshëm një aksion sekuestrosh të cilat nuk u shoqëruan me masa sigurie.

Noterja 34 vjeçare në një prononcim publik tha sot se e kaluara e burrit të saj nuk mund ta prekë dhe shtoi se pasuritë që ka vënë janë të ligjshme.

Reagimi i Telhallarit erdhi pas më herët sot, policia sekuestroj tre milionë euro pasuri që tha se vinin nga aktivitet kriminal.

Por noterja Sanja Telhallari, vë në dukje se ajo po e vazhdon normalisht punën normalisht dhe se e shkuara e ish-bashkëshortit nuk ka lidhje me aktivitetin e saj.

Noterja tha se të gjitha të ardhurat e saj janë të ligjshme dhe shtoi se ajo do të flasë vetëm kur prokuroria dhe gjykata të dalin me një vendim përfundimtar. Telhallari theksoi edhe se e shkuara e ish-bashkëshortit nuk mund të prekë aktivitetin e saj profesional.

Nga hetimet dyshohet se një pjesë e fondeve të përdorura për blerjen e pasurive mund të kenë ardhur nga ish-bashkëshorti i saj, Klodian Porja. Ky i fundit rezulton i shpallur në kërkim ndërkombëtar nga autoritetet italiane dhe i dënuar për disa vepra të rënda penale, mes tyre edhe “shfrytëzimi i prostitucionit”, me një dënim deri në 21 vjet burg.

Çfarë tha sot policia

Tiranë/Finalizohet operacioni policor i koduar “Nënshkrimi”.

Sekuestrohen 18 asete me vlerë 3 milionë euro, me burime të dyshuara kriminale, që dyshohet se i ka përfituar një 35-vjeçare, gjatë kryerjes së detyrës si notere.

Asetet e sekuestruara: 13 pasuri të paluajtshme dhe 5 llogari bankare.

Paralelisht po kryhen veprime hetimore dhe procedurale, për të gjurmuar dhe sekuestruar pasuri të tjera të 35-vjeçares, me burime të dyshimta, si dhe për të dokumentuar me prova ligjore burimin e të ardhurave të kësaj shtetaseje.

Në kuadër të një procedimi penal, të iniciuar në Prokurorinë e Tiranës, me objekt gjurmimin e aseteve kriminale, të dyshuara të përfituara nga shtetasja S. T., 35 vjeçe, banuese në Tiranë, gjatë kryerjes së detyrës si notere, Seksioni për Hetimin e Pastrimit të Parave dhe Aseteve Kriminale finalizoi operacionin “Nënshkrimi”.

Në vijim të veprimeve procedurale, të kryera në kuadër të këtij procedimi, u ekzekutua vendimi i Gjykatës së Tiranës, për ekzekutimin e 18 pasurive të 35-vjeçares, me vlerë 3 milionë euro, konkretisht 13 pasuri të paluajtshme dhe 5 llogari bankare.

Hetimet dhe veprimet operacionale, vijojnë.

Materialet procedurale iu referuan Prokurorisë së Tiranës, për veprime të mëtejshme.

Kristjan Asllani është shprehur se dëshiron të qëndrojë te Interi dhe të luajë të gjitha shanset e tij për të bindur trajnerin Simone Inzaghi. Gjithsesi interesi për të nuk mungon dhe gati për të bindur klubin zikaltër ka qenë edhe Fiorentina.
Klubi vjollcë duket se do të ndërtojë një skuadër të re dhe emri i Asllanit është në listën e drejtuesve. Por duket se përgjigja ka ardhur menjëherë nga Interi.
Sipas “FCInterNews”, klubi zikaltër nuk ka ndërmend që ta largojë shqiptarin. Sipas medias pranë kampionëve të Italisë, Asllani është shumë i rëndësishëm për klubin dhe është gati që t’i besojë këtë sezon.