Autoritetet greke arrestuan të premten në ishullin grek të Skiathos një burrë amerikan, i dyshuar për vrasjen e një foshnje të gjetur gjatë fundjavës në një park të Romës dhe për rol në vdekjen e nënës së foshnjës, trupi i së cilës u gjet aty pranë.

Amerikani, i cili nuk u identifikua, u arrestua me një urdhër arresti evropian të lëshuar në Itali dhe do të arrestohet zyrtarisht kur urdhër-arresti të përcillet, tha policia greke për Associated Press. I dyshuari do të paraqitet para një gjyqtari në një seancë dëgjimore për ekstradim javën e ardhshme dhe ka të drejtë të kundërshtojë transferimin e tij.

Trupat e vajzës dhe nënës, të identifikuara gjithashtu si amerikane, u gjetën në parkun Villa Pamphili të Romës të shtunën, raportoi e përditshmja italiane Corriere della Sera. Trupi i nënës ishte nën një qese të zezë, pasi ishte vrarë disa ditë para foshnjës, e cila u gjet disa qindra metra larg në shkurre.

Policia në Romë ka refuzuar të komentojë mbi rastin dhe një konferencë për shtyp është planifikuar për më vonë të premten. Policia mendon se burri e vrau foshnjën pasi u kthye në parkun ku ishte lënë trupi i nënës.

Marrëdhënia e tyre me të dyshuarin nuk dihet ende, por policia tha se ata ishin gjurmuar në një strehë për njerëzit në nevojë pranë Vatikanit, ku dukeshin të ishin një familje.

Autoritetet arritën ta gjurmonin të dyshuarin falë gjurmëve të gishtërinjve në çantën që mbulonte gruan dhe një copë tendë si ato që u ofrohen njerëzve pa strehë. Ai u gjet në Greqi me të dhënat e telefonit celular.

Sipas gazetave italiane, gruaja, e cila ishte rreth 30 vjeç, kishte një tatuazh të një skeleti në një dërrasë surfi.

Një ngjarje e rëndë është regjistruar në Dropull mbrëmjen e kësaj të premte, ku një 90-vjeçare ka humbur jetën në mënyrë tragjike. E moshuara jetonte e vetme dhe dyshohet se është rrëzuar aksidentalisht dhe ka rënë në një gropë betoni pa ujë që shërbente si ujëmbledhës (ster), që ndodhet në oborr të banesës.

Trupi i pajetë i 90-vjeçares është gjetur nga fqinjët e saj.

“Dropull/Informacion paraprak. Në fshatin Bodrishtë, Dropull, shtetasja M.B., 90 vjeçe, është gjetur e pajetë nga komshinjtë e saj.

Shtetasja M.B., jetonte e vetme dhe dyshohet se është rrëzuar aksidentalisht dhe ka rënë në një gropë betoni pa ujë që shërbente si ujëmbledhës (ster), që ndodhet në oborr të banesës.

 Grupi hetimor po punon për sqarimin e rrethanave të ngjarjes”, njofton Policia.

Këshilli i BE-së sot zyrtarisht vendosi kufizuese kundër 33 individëve dhe dy subjekteve të lidhura me vdekjen e politikanit të opozitës rus, Alexei Navalny .

“Vrasja e Alexei Navalny nga regjimi i Kremlinit është një kujtesë e ashpër e shpërfilljes së tij të plotë për jetën njerëzore,” tha Josep Borrell, shefi i politikës së jashtme të BE-së.

“Sanksionet e sotme demonstrojnë vendosmërinë tonë për t’i kërkuar Rusisë të mbajë përgjegjësi për shkeljen e vazhdueshme të të drejtave të njeriut në Rusi,” tha ai. Një kritik i vendosur i Vladimir Putinit, Alexei Navalny vdiq më 16 shkurt në rrethana misterioze në një koloni penale të Arktikut, ku po vuante një dënim 19-vjeçar për “ekstremizëm”. Vdekja e tij shkaktoi dënimin e vendeve perëndimore.

Një baba i shkatërruar nga dhimbja tha se u lehtësua kur dëgjoi se vajza e tij tetë vjeçare u vra nga terroristët e Hamasit, pasi do të ishte shumë më keq nëse ajo do të mbahej peng.

Thomas Hand kaloi dy ditë në agoni dhe dëshpërim duke pritur lajmin për fatin e vajzës së tij Emily pasi terroristët sulmuan Kibbutzin të shtunën, duke vrarë të paktën 100 njerëz të pafajshëm, mes të cilëve fëmijë.

Vajza 8-vjeçare është një nga fëmijët e shumtë të vrarë nga Hamasi. Në një intervistë me CNN, Hand shpërtheu në lot ndërsa tregoi momentin që më në fund iu tha se trupi i vajzës së tij ishte gjetur.

“Ata më thanë se e gjetën Emilinë të vdekur dhe unë buzëqesha, sepse kjo ishte më mire se të ishte peng i terroristëve. Ajo ishte ose e vdekur ose në Gaza. Dhe nëse doni ta dinë për atë që po u bëjnë njerëzve në Gaza, po ju them është më keq se vdekja. Ata nuk kanë ushqim. Nuk kanë ujë. Emili do të ishte në një dhomë të errët të mbushur me një Zot e di sa njerëz. Dhe e tmerruar çdo minutë, orë, ditë dhe ndoshta për vitet në vijim. Kështu që vdekja ishte një bekim. Një bekim absolut”, tha Thomas, duke treguar se vajza atë natë kishte shkuar për të fjetur te një shoqja e saj në Kibbutz.about:blank

Mediat kanë publikuar edhe rrëfime të tjera se si i kanë parë live në rrjetet sociale familjarët duke ia masakruar, pamje që do të mbeten përgjithmonë në kujtesën e tyre.