Një ngjarje tragjike ka tronditur arenën “Campo Pequeno” në Lisbonë të Portugalisë, ku një 22-vjeçar humbi jetën pas një përplasje të fortë me një dem që peshon rreth 700 kilogramë.

Manuel Maria Trindade ishte pjesë e një shfaqjeje tradicionale portugeze, kur vendosi të përballej me kafshën. Sipas raportimeve nga mediat lokale dhe ndërkombëtare, ai iu afrua demit dhe tentoi ta kontrollonte duke e kapur nga brirët, një manovër e rrezikshme.

Por demi reagoi me dhunë, duke u përplasur me shpejtësi mbi të riun, e duke e hedhur në ajër për ta përplasur më pas me forcë në murin anësor të arenës.

Trindade mbeti i shtrirë pa ndjenja, ndërsa spektatorët mbetën të shokuar.

Ndihma e parë, 22-vjeçarit iu dha në vendngjarje, përpara se ai të dërgohej me urgjencë në spital. Aty u vendos në koma artificiale, por fatkeqësisht ndërroi jetë brenda 24 orëve, si pasojë e dëmtimeve të parikuperueshme në tru.

Tragjedia nuk përfundoi me kaq. Një tjetër viktimë u shënua nga radhët e publikut. Një 73-vjeçar, i cili po ndiqte ngjarjen nga shkallët e arenës, humbi jetën pasi pësoi atak, dyshohet nga shoku emocional i momentit.

Një 15-vjeçar është arrestuar në Tiranë pasi dyshohet se ka aksidentuar për vdekje këmbësorin me iniciale S.V. Viktima 82-vjeç po lëvizte me biçikletë në zonën e Yrshek kur është përplasur nga i mituri.

“Specialistët e qarkullimit rrugor bënë arrestimin e shtetasit të mitur 15 vjeç, pasi në Yrshek, ditën e sotme, rreth orës 14:40, dyshohet se duke drejtuar një automjet të familjarëve të tij, ka aksidentuar shtetasin S. V., 82 vjeç, i cili po lëvizte me biçikletë. 

Si pasojë 82-vjeçari ka humbur jetën rrugës për në spital.

Materialet procedurale iu referuan Prokurorisë së Tiranës, për veprime të mëtejshme”, njofton policia.

Një vajzë 14-vjeçare ndërroi jetë pasi u sulmua nga një luan në periferi të Nairobit, kryeqyteti i Kenias, njoftoi Shërbimi i Kafshëve të Egra të vendit (KWS).

Sipas mediave të huaja, bëhet e ditur se Luani e rrëmbeu vajzën nga një kompleks banesash në një fermë pranë Parkut Kombëtar të Nairobit.

Nje aksident me vdekje ka ndodhur ne Shkoder diten e sotme.

Shkodër/Informacion paraprak

Rreth orës 10:50, në lagjen “3 Heronjtë” automjeti me drejtuese shtetasen E. N., 70 vjeçe, ka përplasur këmbësoren shtetasen L. N., 65 vjeçe.

Si pasojë e përplasjes, 65 vjeçarja ka humbur jetën në Spitalin Rajonal Shkodër.

Me drejtuesen e automjetit po kryhen veprimet e mëtjeshme proceduriale.

Grupi hetimor po punon për sqarimin e rrethanave të aksidentit.

Të paktën një person është vrarë dhe disa të tjerë janë plagosur pasi një algjerian u sulmua me thikë në një treg në qytetin francez të Mulhouse të shtunën pasdite, sipas mediave lokale.

Sulmuesi i dyshuar është një algjerian 37-vjeçar, i cili dyshohet se kishte detyrimin për t’u larguar nga territori francez, si dhe një ndalim gjyqësor dhjetëvjeçar nga vendi, sipas TF1, duke cituar burime policore.

“Në momentin e ngjarjeve, burri duhej të vinte dhe të firmoste kontrollin e tij gjyqësor në komisariat për të verifikuar arrestin e tij në shtëpi, të cilin ai e refuzoi,” raportoi TF1.

Durrës – Një burrë humbi jetën pak minuta më parë në një incident të dhimbshëm që i shkaktoi vdekjen në ambientin e punës.

Viktima është Dritan Nasufi, 50 vjeç me banim në Durrës, raporton noa.al.

Ngjarja ndodhi sot rreth orës 13:00, në lagjen nr. 14, në ambientet e një firme për përpunimin e duraluminit.

Nga hetimet e para policore dyshohet se aksidentalisht është dëmtuar nga një makineri, gjatë punës, Dritan Nasufi, 50 vjeç, i cili për shkak të dëmtimeve ka humbur jetën në spital.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Organizata Botërore e Shëndetësisë konstaton se 1 në 11 vdekje në Europë kanë si shkak alkoolin.

Sipas bluzave të bardha, në Shqipëri numri i personave të alkoolizuar është shumë i ulët, por vitet e fundit po vihet re një trend rritës i përdorimit të alkoolit me kokainën. Janë afro 300 raste në vit që paraqiten për të kërkuar ndihmë mjekësore.

Shpëtim Doksani, mjek toksikolog: Le të themi që jemi pijedashës. Të varur të sëmurë nga alkooli janë 4 % e popullsisë, kurse pijedashës që e përdorin alkoolin janë mbi 25 %. Por çfarë ka ndodhur? Ka ndodhur që tashmë alkooli po shoqërohet me kokainën. Moshat e reja, kanë alkoolin si ndezës dhe pastaj përdorin kokainën që është një trend goxha i përhapur prej 6 vitesh. 300 persona në vit me alkool dhe kokaine, 40 % ia dalin.

Ky fenomen po vihet re edhe në zonat rurale.

Sipas OBSH të dhënat në Shqipëri tregojnë një konsumim prej 5.1 litra për frymë në popullatë. Meshkujt janë konsumuesit më të mëdhenj me 8.4 litra dhe 1.9 litra tek femrat.about:

Sipas ekspertëve, shqiptarët konsumojnë më shumë birrën me 39.6 %, e renditur nga pijet e forta si rakia me 34.1% dhe vera me 24.5 % .

Alkooli është i lidhur me mbi 200 sëmundje, mes tyre të paktën shtatë lloje tumoresh, duke përfshirë kancerin e gjirit dhe atë të zorrës së trashë. Afro 4,2% e vdekjeve në Shqipëri kanë shkaktar kryesor konsumin e lartë të alkoolit.

Një i moshuar, 82-vjeçar ka humbur jetën këtë të martë në Lezhë. Ngjarja ka ndodhur segmentin rrugor Mamurras-Laç. Sipas informacioneve të ardhura nga policia, 82-vjeçari është rrëzuar sapo ka dalë nga dera e shtëpisë me motor. Ai është dërguar menjëherë në spital ku edhe ka humbur jetën.

Lezhë/Informacion paraprak

Në segmentin rrugor Mamurras-Laç, shtetasi 82 vjeç, sa ka dalë nga dera e oborrit të banesës me motomjet është rrëzuar dhe për pasojë ka humbur jetën në spital.

Grupi hetimor nën drejtimin e Prokurorisë po punon për sqarimin e rrethanave dhe përcaktimin e saktë të shkakut të humbjes së jetës.

ITALI- Një ngjarje e rëndë ka ndodhur në itali. Bëhet me dije se një grua ka rënë tragjikisht nga më shumë se 100 metra lartësi pasi u tërhoq aksidentalisht rreth 50 metra mbi luginë nga kavot e një teleferiku të vogël ku po ngarkonte bagazhet e saj, i cili u aktivizua papritur. Gruaja tragjike e quajtur Margherita Lega, kishte dalë për ekskursionin në zonën alpine në veri të Italisë, me bashkëshortin dhe dy fëmijët e tyre të vegjël, para se të ndodhte tragjedia mesditën e sotme.

41-vjeçarja raportohet se po ngarkonte bagazhet e saj në mjetin e vogël për transport mallrash teleferica i cili nuk transporton njerëz, por rrobat e saj u kapën në kavot e makinerisë që u ndez papritur. Viktima raportohet se ishte mbajtur për rreth 50 metra në kavon e lëvizshme por kur e lanë fuqitë duket se u lëshua drejt vdekjes. Familjarët e saj dëshmuan ngjarjen tragjike ndërsa bashkëshorti është shoqëruar në polici në lidhje me incidentin, teksa hetimet e zyrtarëve vazhdojnë.

Familja besohet se do të shkonte në viletën malore në Calasca Castiglione për të pushuar, para se të ndodhte tragjedia. Kryebashkiakja e Calasca Castiglione, Silvia Tipaldi, tha se ishte e shokuar nga ngjarja dhe dërgonte ngushëllime familjarëve. Tipaldi shtonte se dokumentacioni i teleferikut të mallrave ishte i rregullt dhe se autoritetet besojnë se ngjarja është aksidental. Fshati turistik i Drocala ku familja ishte drejtuar ka vetëm disa vila private dhe besohet se familjarët kishin të njohur aty.

Linja kabllore teleferike lidh fshatin Olino me luginën alpine Drocala në një distancë prej rreth 400m dhe përshkon një faqe të pjerrët mali. Ajo operohet nga dy njerëz, një për çdo pike, lart dhe poshtë, ndërsa kontrollohet nga pika e ulët. Prokurorët thanë se po hetojnë nisjen e papritur të sistemit që nisi të ngrihej drejt malit. Lugina Anzasca është një zonë e njohur ekskursionesh në Piemonte pranë Torinos. E ndjera ishte nga Fiavè, në rajonin e Trento tre orë lag me makinë nga Calasca Castiglione. Italia është tronditur nga disa incidente teleferikësh vitet e fundit,

Një grua ka humbur jetën si pasojë e këputjes së rripave që e mbanin në kavon ‘zipline’ nga ku po rrëshkiste në parkun Bitto në veri të Italisë. Ghizlane Moutahir 41-vjeçe ka humbur jetën pasi ra prej një lartësi 20 meta pranë liqenit Como, në Itali. Sipas raportimeve bëhet me dije se 41-vjeçarja ishtë në fund në fund të zbritjes së saj të shpejtë rreth 1.5 km te gjate, por dëshmitarët thanë se nisi të shfaqte probleme dhe me pas ra nga rripat që e mbanin.

Gjithashtu grupe mjekësh nxituan për ti dhënë ndihmën e parë në vendngjarje por ishte e pamundur ta shpëtonin shpëtonin, ndërsa prokuroria tha se ka hapur hetime. Dy mbesat e Moutahir, të cilat sapo kishin mbaruar zbritjen e tyre në të njëjtën linjë, po filmonin tezen që rrëshkiste me rreth 100 km në orë. Po ashtu qindra njerëz ishin dje në parkun Fly Emotion, i hapur në vitin 2011 që është një nga atraksionet kryesore turistike të zonës.

Rrëshkitja varur në kavon ‘zipline’ është një nga atraksionet më të frekuentuara në luginën që përfshin Albaredo, San Marco e Bema. Moutahir po udhëtonte në seksionin mes Albaredo e Bema, dhe thuajse kishte ardhur në pikën e mbërritjes ku pësoi rënien fatale, thanë mediat. Hetimet zbuluan se Moutahir kishte ndaluar pak para mbërritjes në fundin e ‘zipline’, kur nisi të lëvizte dhe këmbët i kishin dalë jashtë, tha një zëdhënës i policisë.