Itali- Një 52-vjeçar shqiptar është marrë nën hetim për vdekjen e Fabiana Piccioni, 46-vjeçares që u gjet gjysmë e djegur dhe e zhveshur më 9 janar në Itali.

Sipas autoriteteve italiane, 52-vjeçari shqiptar, emri i të cilit nuk bëhet me dije, është pronari i një kompanie pastrimi dhe nuk rezulton me precedentë të mëparshëm penal.

Sipas dyshimeve paraprake, ai po hetohet për trafik droge, vdekje si pasojë e një krimi dhe tentativë për fshehje të kufomës.

46-vjeçarja italiane u zhduk nga shtëpia më 2 janar dhe u gjet e vdekur më 9 janar.

Viktima u gjet e zhveshur dhe gjysmë e djegur në një zonë në Giulianova.

Vdekja e saj erdhi si pasojë e përzierjes së kokainës me opiate që e bënë atë të sëmurej, ndërsa dyshohet se shqiptari ia ka dhënë dozën fatale.

Pasi ajo ndërroi jetë, 52-vjeçari është përpjekur të fshehë trupin e saj.

I dyshuari dhe viktima kanë qenë miq së bashku. Në lidhje me këtë ngjarje janë marrë në pyetje edhe 70 persona të tjerë.

Hezbollahu ka konfirmuar vdekjen e liderit të saj Hassan Nasrallah, pasi Izraeli tha se ai u vra në një sulm ajror të premten.

Hassan Nasrallah, udhëheqësi i lëvizjes militante shiite islamike Hezbollah në Liban, që ishte shënjestra e sulmit të ashpër ajror izraelit të së premtes në Bejrut, është një nga figurat më të njohura dhe më me ndikim në Lindjen e Mesme.

Për vite me radhë, ai nuk është parë në publik pikërisht nga frika se mund të vritet nga Izraeli. Një figurë e errët me lidhje të ngushta personale me Iranin, sheiku luajti një rol kyç në kthimin e Hezbollahut në forcën politike dhe ushtarake që është sot – dhe nderohet lart nga mbështetësit e grupit.