Një aksident i rëndë ka ndodhur paraditen e sotme në aksin rrugor “Shkodër-Velipojë”, ku raportohet se tre persona kanë mbetur të plagosur.

Policia bën me dije se shtetasi J. H., 20 vjeç, duke drejtuar automjetin, ka humbur kontrollin dhe si pasojë automjeti ka dalë nga rruga.

Nga aksidenti janë dëmtuar 3 pasagjerët në automjet, të cilët janë në kujdesin e mjekëve.

Ndërkohë, shoferi 20-vjeçar është arrestuar dhe policia ka nisur punën për zbardhjen e plotë të rrethanave të ngjarjes.

Një ngjarje e rëndë ka ndodhur mesditën e kësaj të mërkure në aksin rrugor Velipojë-Shkodër, ku mësohet se një automjet ka marrë flakë në ecje.

Policia e Shkodrës njofton se një makinë ka marrë flakë në ecje në aksin rrugor Velipojë-Shkodër.
Efektivët shprehen se automjeti dyshohet se ka marrë flakë, për shkak të një shkëndije elektrike.
“Velipojë/Rreth orës 14:40, në aksin rrugor “Velipojë-Shkodër”, dyshohet se për shkak të një shkëndije elektrike, ka marrë flakë në ecje, automjeti me drejtuese shtetasen A. T. Si pasojë ka vetëm dëme materiale.

Grupi hetimor, në drejtimin e Prokurorisë, po vijon punën për dokumentimin me prova ligjore të shkakut të zjarrit”, njofton policia.

Kanë humbur jetën jetën dy të plagosurit që u qëlluan me armë zjarri mbrëmjen e sotme në Velipojë.

Edhe pse Ardis Ishmi dhe Ersid Hoxha, u transportuan me urgjencë në spital, ata nuk kanë mundur t’i mbijetojnë plagëve.

Ngjarja ka ndodhur në afersi të stacionit të autobusëve të Velipojës.

Ndërkohë, policia është në vendngjarje dhe po heton për zbardhjen e plotë të rrethanave

Të shtëna me armë zjarri raportohet të ketë ndodhur mbrëmjen e sotme në Velipojë.

Ngjarja ka ndodhur pranë stacionit të autobusëve.

Raportohetse dy persona kanë mbetur të plagosur.

Policia ka mbërritur në vendngjarje dhe është duke hetuar incidentin, në të cilin mësohet se mbeti i plagosur shtetasi A. C.

Arsyet e plagosjes mbeten të paqarta, ndërsa autoritetet po punojnë për të zbardhur rrethanat që çuan në këtë ngjarje të rëndë.

Një tjetër pushues ka ndërruar jetë mesditën e sotme në bregdetin shqiptar.

Pas Durrësit, ku ndërroi jetë një 73-vjeçar, në Velipojë një 75-vjeçar nga Kosova ka humbur jetën. Sipas informacioneve të policisë, i moshuari ka qenë duke u larë dhe pësoi arrest kardiak.

“Rreth orës 13:00, shtetasi kosovar, 75 vjeç, duke u larë në det, dyshohet se ka pësuar arrest kardiak dhe si pasojë ka humbur jetën. Grupi hetimor vijon punën për sqarimin e plotë të rrethanave të rastit.”, thuhet në njoftimin e policisë.

Rreth orës 18:40, shtetasja D. M., 69 vjeçe, banuese në Velipojë, së bashku me familjen e saj ka qënë duke u larë në det në Velipojë.

Në momentin që është futur në det dyshohet se 69-vjeçarja ka pësuar arrest kardiak dhe për pasojë ka humbur jetën.

Grupi hetimor po punon për sqarimin e rrethanave.

IKMT ka nisur një aksion këtë të hënë për prishjen e disa objekteve pranë vijës bregdetare në Velipojë, ku mësohet se nuk ka pasur kundërshti nga ana e pronarëve.

Bëhet fjalë për disa objekte kryesisht në zonën e rërës që nuk kanë kontratë me bashkinë për të shfrytëzuar këtë hapësirë. Edhe në pjesën tjetër, në vijën e parë në afërsi të rërës, pritet të ketë një projekt për zgjerimin e rrugës.

Disa janë mure rrethuese, tenda apo objekte të tjera të përkohshme. Deri tani nuk ka pasur reagim të pronarëve. Pjesa më e madhe kanë filluar t’i çmontojnë.

Paraditen e së dielës një 77 vjeçar, i cili po lëvizte me biçikletë është përplasur nga një automjet dhe për pasojë ka humbur jetën.

Drejtuesi i automjetit, një 39-vjeçar është arrestuar nga shërbimet e Policisë.

Grupi hetimor po punon për sqarimin e plotë të rrethanave të aksidentit.

Një aksident me vdekje është regjistruar paraditen e kësaj të diele në zonën e Velipojës.

Policia e Shkodrës njofton se viktimë ka mbetur një i moshuar, i cili ishte duke lëvizur me biçiklete, në momentin kur është përplasur nga një automjet.

“Rreth orës 10:15, në Velipojë, dyshohet se automjeti me drejtues shtetasin M. B. ka aksidentuar shtetasin K. U., rreth 77 vjeç, (i cili po lëvizte me biçikletë), i cili për pasojë ka humbur jetën. Drejtuesi i automjetit, shtetasi M. B., është shoqëruar në Komisariat, nga shërbimet e Policisë, për veprime të mëtejshme.”

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.