Mediat spanjolle kanë siguruar një video ku shfaqet momenti i frikshëm kur automjeti tip Lamborghini, me të cilin po udhëtonin dy vëllezërit portugezë Diogo Jota (Silva) dhe André Silva, u përfshi nga flakët pas një aksidenti tragjik.

Sipas të dhënave zyrtare, aksidenti ndodhi rreth orës 00:30 të mëngjesit në autostradën A-52, pranë komunës Cernadilla në provincën Zamora, shumë pranë kufirit me Portugalinë.

Mjeti luksoz dyshohet se pësoi një defekt në gomë gjatë një manovre parakalimi, duke humbur kontrollin, u përplas në barrierat anësore dhe doli nga rruga, duke marrë flakë menjëherë.

Pamjet tregojnë trupin e makinës tërësisht të djegur dhe të përmbysur në anë të rrugës, ndërsa forcat e emergjencës dhe hetuesit janë duke inspektuar vendin e ngjarjes. Të dy vëllezërit humbën jetën në këtë tragjedi që tronditi botën e sportit.

VIDIO

Një 54-vjeçar ka rënë në prangat e policisë së Elbasanit, pasi akuzohet se ka vjedhur makinën tip Rang Rover të vëllait të tij 52-vjeçar.
policia elbasanKa qenë ky i fundit ai që denoncoi të vëllanë në polici për vjedhje. Pas kallëzimit, policia ka arrestuar 54-vjeçarin, i cili po qarkullonte në qytet me makinën që dyshohet se i vodhi vëllait.

I vodhi vëllait “Range Rover-in” , arrestohet nga policia

Njoftimi i policisë Elbasan

Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin T. H., 54 vjeç, banues në Elbasan, për veprën penale “Vjedhja”.
Sipas policisë shtetasi L. H., 52 vjeç, kishte denoncuar se gjatë natës së djeshme i kishin vjedhur automjetin tip “Range Rover”, të parkuar në lagjen “Beqir Dardha”.
Menjëherë shërbimet e Policisë kanë lokalizuar automjetin në lagjen “Luigj Gurakuqi”dhe kanë arrestuar në flagrancë shtetasin T. H., 54 vjeç, i cili rezultoi se ishte vëllai i denoncuesit L. H .

Autori i vjedhjes së automjetit u kap ndërsa ishte duke qarkulluar me “Range Roverin”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Një situatë jo e këndshme ndodhi sot, pas ceremonisë së varrimit të reperit, Mentor Palokaj.

Sipas pamjeve të siguruara nga Gazeta Demos, disa persona u përfshinë në gati përleshje fizike, pas asaj të dukshme verbale.

Bazuar po ashtu në këto raportime, aty u dëgjuan sharje dhe po ashtu ofendime.

“Çka *** po këqyrë”, ishin fjalët të cilat u dëgjuan në këtë fjalosje.

Nuk dihet se kush ishin personat të cilët u përfshinë dhe shkaku që çoi në këtë situatë jo të këndshme.

E gjitha ndodhi në sy të reperit Unikkatil, i cili ishte po ashtu i pranishëm.

Varrimi i Mentor Palokajt u bë sot në varrezat e Gurakocit në Istog.

Ai u gjet i vdekur të dielën në një banesë në lagjen Arbëria në Prishtinë. Rrethanat që çuan deri tek vdekja e tij ende nuk janë bërë të ditura.

Policia në vendngjarje kishte gjetur një armë zjarri e po ashtu substancë të dyshuar narkotike. 

Një ngjarje e rëndë ka ndodhur mëngjesin e sotëm në Itali, ku një 13-vjeçar shqiptar është gjetur i pajetë në dhomën e tij të gjumit.

Sipas mediave të huaja mësohet se ngjarja ka ndodhur në Traversetolo në provincën e Parmës, ku i mituri shqiptar është gjetur i vdekur nga motra e tij.

17-vjeçarja ka shkuar pak para orës 8 të mëngjesit të sotëm në dhomën e vëllait, të cilin e ka gjetur pa shenja jete.