Gjykata e Rrethit Gjyqësor Dibër ka vendosur masën e sigurisë “arrest me burg” për dy vëllezërit Kristi dhe Aleksandër Bushgjoka, të akuzuar për rrëmbimin dhe vrasjen e 23-vjeçarit Renis Dobra, ngjarje e ndodhur më 8 korrik 2025.

Të dy u arrestuan një ditë më parë gjatë një operacioni të koduar “Operacionalja 68”, të zhvilluar në Tiranë nga Forcat Speciale RENEA dhe Forca Operacionale e Policisë së Shtetit.

Burime nga gjykata bëjnë me dije se seanca gjyqësore është shoqëruar me tensione dhe përplasje verbale mes të akuzuarve dhe trupit gjykues. Debatet nisën sapo prokuroria kërkoi masën e sigurisë më të rëndë, ndërsa vëllezërit mohuan akuzat dhe u përfshinë në përplasje me trupin gjykues.

Sipas hetimeve paraprake, vëllezërit Kristi dhe Aleksandër Bushgjoka, së bashku me vëllain tjetër të tyre, Fatjon Bushgjoka, dhe 55-vjeçarin Petrit Çakrri (të dy të arrestuar më herët), dyshohet se kanë marrë pjesë në rrëmbimin dhe më pas vrasjen brutale të 23-vjeçarit Renis Dobra. Trupi i pajetë i të riut u gjet në liqenin e Ulzës, në zonën e Shkopetit, disa ditë pas zhdukjes.

Burime nga grupi hetimor bëjnë me dije se vrasja është kryer me litar – një strangulim i planifikuar me kujdes dhe i realizuar pas disa ditësh ndjekjeje.

Policia e Sarandës ka identifikuar dhe arrestuar autorët e një sherri të dhunshëm të ndodhur një ditë më parë në qytetin bregdetar, ku mbetën të plagosur rëndë një nënë dhe djali i saj.

Ngjarja u shënua në një parkim në lagjen nr. 4, ku 6 persona u përfshinë në konflikt. Sipas hetimeve, nënë e bir, N.A. dhe E.A., u goditën me grushte, shkopinj dhe sende të forta, duke pësuar plagë të shumta. Ata u transportuan menjëherë me autoambulancë në spitalin e Sarandës dhe fatmirësisht ndodhen jashtë rrezikut për jetën.

Policia fillimisht shoqëroi 4 persona, ndërsa më pas arrestoi në flagrancë dy prej tyre – vëllezërit Romeo Laze (45 vjeç) dhe Fabion Laze (39 vjeç), të cilët akuzohen për veprën penale “plagosje e rëndë me dashje në bashkëpunim”.

Dy vëllezërit janë persona me precedentë të shumtë penalë në Sarandë.

Në vitin 2011 u akuzuan për plagosjen e dy vëllezërve Avdiu.

Në vitin 2014, Fabion Laze u arrestua për “prodhim dhe shitje të lëndëve narkotike”.

Në vitin 2015, Romeo Laze u arrestua për “dhunë në familje” dhe “dëmtime të tjera me dashje”.

Në vitin 2021, Romeo u arrestua sërish për trafik droge.

Në shkurt 2025, Prokuroria e Sarandës i sekuestroi 2 pasuri, 2 automjete dhe një biznes.

Fabion Laze, gjithashtu, ka precedentë penalë edhe jashtë vendit në fushën e narkotikëve

Detajet e reja kanë dalë në dritë për ngjarjen e 8 korrikut ku si pasojë ndërroi jetë Renis Dobrës.

Uniformat blu kanë mundur të konfirmojnë me pamje filmike, se katër personat Atjon Bushgjoka (i arrestuar) Aleksandër Bushgjoka, Kristi Bushgjoka si dhe i Petrit Çakrri kanë marrë pjesë në rrëmbimin e 23-vjecarit.

Bëhet me dije se Aleksadër Bushgjoka rezulton që ka dalë jashtë vendit duke përdorur kufirin e Kosovës një ditë pas ngjarjes. Ndërsa vëllai i tij Kristi Bushgjoka dyshohet se ndodhet në Kosovë edhe po fshihet atje. Ndërkohë Petrit Çakrri është arrestuar në hyrje të Tropojës.

Një sherr i rëndë ka ndodhur mes dy vëllezërve në Berat ku njeri prej tyre ka mbetur i plagosur në kokë.

Policia referoi materialet në Prokurori, ku nisi procedimi penal në gjendje të lirë për shtetasit A. H, dhe B. H, (vëllezër), pasi mbrëmjen e djeshme, në fshatin Starovë, Berat, janë konfliktuar dhe kanë goditur me sende të forta (dru), shtetasit O. L, dhe F. L, (vëllezër).

Si pasojë, shtetasi F. L., ka marrë dëmtime në kokë dhe ndodhet në spital, pa probleme për jetën.

Nuk janë ende në elitë, por nuk do të vonojnë. Në Serinë B të Italisë luajnë dy sulmues shqiptarë, madje dy binjakë, që kanë krijuar një histori.

Kristian dhe Stiven Shpendi janë protagonistë në skuadrat e tyre, ndonëse kohën e suksesit e kanë pasur të ndryshme.

Gjithsesi, e përditshmja kryesore sportive në Apenine, “La Gazeta delo Sport” e pa të arsyeshme t’u kushtonte një shkrim të gjatë, ndërsa në këtë fillim të janarit pritet që topi të rrotullohet përsëri.

“Rëndësia e mbiemrit Shpendi, – titullon “La Gazeta”, – Kristiano nokaut e Çezenë në krizë, shfaqje e Stivenit dhe Karrareze vrapon!”

Kristian Shpendi është shënuesi më I mirë I Serisë B me 10 gola, por u dëmtua në 14 dhjetor, dhe që nga ajo ditë, skuadra e tij vetëm humb.

Tre disfata radhazi dhe Çezena është tani jashtë zonës së plej ofit që mund të të sigurojë Serinë A.

Ndërkaq, 21-vjeçari tjetër Stiven Shpendi, po kthehet në formë.

Ai ka shënuar dy gola dhe ka shërbyer dy asistë për Karrarezen, dhe rrjetat kanë nisur në dhjetor.

Binjaku tjetër I familjes shqiptare shpreson të rikthehet në nivelet e dy sezoneve më parë kur realizoi 12 herë tek Çezena, aty ku tani luan vëllai I tij.

Falë Stivenit, Karrareze ka hyrë në zonën plej of në Serinë B, ndërsa në pranverë pritet një duel goli I dy vëllezërve.

Policia ka vendosur në pranga dy autorët e dyshuar të zjarrvënies në automjetet e shtetasit Sabaudin Hoxha, ngjarje e ndodhur në orët e para të mëngjesit të 30 Tetorit në lagjen “Kongresi i Përmetit” të Shkodrës.

Në pranga kanë rënë dy vëllezërit, Elvis dhe Klevis Serraj, të cilët mësohet se janë prositur për të djegur dy makinat.

Sipas policisë, zjarrvënia është porositur nga 37-vjeçari me iniciale Gj. P., i cili është shpallur në kërkim.

“Në kuadër të operacionit u kapën dhe u vunë në pranga shtetasit E. S., 19 vjeç dhe K. S., 20 vjeç (vëllezër), të dyshuar si autorë të djegies së dy automjeteve.

Si dhe u shpall në kërkim dhe vijon puna për kapjen e shtetasit Gj.P, 37 vjeç, banues në Shkodër, i dyshuar si porositësi i djegies së automjeteve në pronësi të shtetasit S. H.”, njoftoi policia.

Gjatë kontrollit në banesën e dy vëllezërve, përveç veshjeve dhe biçikletës të përdorura gjatë vendosjes së zjarrit, u gjetën dhe u sekuestruan në cilësinë e provës materiale një arme zjarri automatike, një sasi lëndë narkotike kanabis. dhe 18 aparate celular.

Njoftimi i policisë:

Shkodër/Finalizohet operacioni policor i koduar “Porositësi”

Morën porosi dhe dogjën dy automjete, identifikohen dhe vihen në pranga dy vëllezër, të dyshuar si autorë të zjarrvënies.

Identifikohet dhe shpallet në kërkim dhe porositësi për djegien e makinave.

Sekuestrohen veshjet dhe biçikleta e përdorur gjatë vendosjes së zjarrit, një armë zjarri automatik dhe një sasi lende narkotike kanabis.

Specialistët për Hetimin e Krimeve të Komisariatit të Policisë Shkodër, bazuar në provat e grumbulluara si rezultat i veprimeve hetimore intensive të kryera nën drejtimin Prokurorisë për zbardhjen e ngjarjes së ndodhur mëngjesin e ditës së 30.10.2024, në lagjen “Kongresi i Përmetit”, në bashkëpunim me shërbimet e Forcës së Posaçme “Shqiponja”, organizuar dhe finalizuan operacionin policor të koduar “Porositësi”

Në kuadër të operacionit u kapën dhe u vunë në pranga shtetasit E. S., 19 vjeç dhe K. S., 20 vjeç (vëllezër), të dyshuar si autorë të djegies së dy automjeteve.

Si dhe u shpall në kërkim dhe vijon puna për kapjen e shtetasit Gj.P, 37 vjeç, banues në Shkodër, i dyshuar si porositësi i djegies së automjeteve në pronësi të shtetasit S. H.

Gjatë kontrollit në banesën e dy vëllezërve, përveç veshjeve dhe biçikletës të përdorura gjatë vendosjes së zjarrit, u gjetën dhe u sekuestruan në cilësinë e provës materiale një arme zjarri automatike, një sasi lëndë narkotike kanabis. dhe 18 aparate celular.

Vijon puna për dokumentimin e plotë ligjor të kësaj ngjarjeje.

Materialet procedurale i kaluan Prokurorisë, për veprime të mëtejshme.

Dy vëllezër janë arrestuar nga policia e Tiranës kasi kanë dhunuar njëri-tjetrin. Blutë e kryeqytetit bëjnë me dije se kanë arrestuar shtetasit N. V., 62 vjeç, dhe M. V., 64 vjeç (vëllezër), të dy banues në Tiranë.

Dy vëllezërit për shkak të një konflikti pronësie kanë goditur njëri-tjetrin me grushte. Materialet i kaluan Prokurorisë.

Dy vëllezër janë sulmuar egërsisht nga një luan në Kaliforni të SHBA-së të shtunën, me pasojë vdekjen e njërit prej tyre.

Dy vëllezërit kishin shkuar në shëtitje duke kërkuar në mal në zonën e Georgetown kur u sulmuan.

18-vjeçari ka telefonuar autoritetet për të raportuar se ai dhe vëllai i tij më i madh janë sulmuar nga luani. Sapo kanë mbërritur policët kanë parë vëllain e vogël me lëndime në fytyrë.

Rreth 15 minuta më vonë, ata panë luanin në majë të trupit të pajetë të 21-vjeçarit, raportoi SkyNews.

Në pamjen e policisë, luani u largua me vrap. Që atëherë zbutësit e kanë kërkuar atë, për të parandaluar një tjetër tragjedi.

Vlen të theksohet se kanë kaluar 20 vjet nga hera e fundit që një luan vrau një person në vend. Vdekja e fundit ishte në vitin 2004 në Orange County.