Gjatë 24 orëve të fundit janë regjistruar 26 vatra zjarri në vend. Nga këto vatra, 21 janë shuar plotësisht, 4 vijojnë ende aktive, ndërsa 1 vatër ndodhet në monitorim nga autoritetet përkatëse.

Vatra të izoluara dhe të shuara

Është bërë izolimi i plotë dhe shuarja e zjarreve në: Havalehas (Kuçovë), Krutje (Lushnjë), Rubjek (Shijak), Lagjja nr.10 (Korçë), Drobonik (Berat), Kotë (Selenicë), Kameras (Durrës), Martalloz (Memaliaj), Stadiumi dhe puset e naftës (Kuçovë), Fushë Milot (Kurbin), “Gjëmbi” (Selenicë), Lanabreges (Tiranë), Bogovë (Skrapar), Durisht (Tiranë), Barbullush (Vau Dejës), Bogiç-Palvar (Malësi e Madhe), Katundi i Ri (Durrës), Mjull Bathore (Tiranë), Hamallaj (Durrës), Parku Natyror Gërmenj (Kolonjë), si dhe midis fshatrave Nivicë, Salari e Dhëmblan (Tepelenë).

Vatra aktive

Aktualisht vijojnë të jenë aktive 4 vatra zjarri:

Në fshatin Pezë Helmës, bashkia Tiranë, ku janë të pranishme disa vatra të izoluara që po mbahen në monitorim nga zjarrfikësit.
Në fshatin Fage, bashkia Tiranë, ku zjarri është aktiv dhe në monitorim nga zjarrfikësit, forcat bashkiake dhe vullnetarët.
Në fshatin Miras, bashkia Devoll, ku ka prani tymi në disa zona dhe rreth 100 forca janë angazhuar për shuarjen e flakëve.
Në lagjen Boje, bashkia Krujë, ku dy vatra po përfshijnë sipërfaqe pyjore me pisha në zonë të mbrojtur.
Ndërkohë, vatra e zjarrit në fshatin Delisuf, bashkia Vlorë, është nën monitorim, ndërsa situata është e qetë dhe pa prani tymi.

Stuhia Martinho ka shkaktuar dëme të mëdha dhe rreziqe përmbytjesh në Spanjë, me Madridin që po përballet me reshje rekord dhe Galicia dhe Andaluzia po përjetojnë erëra të forta dhe ndërprerje.

Autoritetet në Madrid kanë lëshuar një paralajmërim për përmbytje të mundshme pasi stuhia Martinho u përcoll me reshje të mëdha shiu në kryeqytetin spanjoll.

Shërbimet e urgjencës kanë kërkuar “kujdes maksimal” në zonat përreth pjesëve të pakanalizuara të lumit Manzanares.

Ky mars tashmë është konfirmuar si më i lagështi i regjistruar, dhe Madridi është në rrugën e duhur për të thyer rekordet vjetore të reshjeve.

Në Galicia, stuhia shkaktoi mbi 400 incidente gjatë natës.

Kryeqyteti i Koresë së Jugut, Seul është mbuluar nga bora më e madhe e nëntorit që nga fillimi i regjistrimeve mbi një shekull më parë. Ndërkohë që është bora e parë e dimrit të këtij viti. Administrata Meteorologjike e Koresë tha se 16.5 cm dëborë ranë deri në orën 7 të mëngjesit të së mërkurës, krahasuar me rekordin e mëparshëm të Seulit prej 12.4 cm më 28 nëntor 1972. Gjithashtu theksohet se bora e këtij nëntori ishte reshja më e madhe e borës që nga fillimi i regjistrimeve në 1907.

Stuhia e borës ndaloi të paktën 220 fluturime në aeroportet në të gjithë vendin, ndërsa autoritetet urdhëruan rreth 90 tragete të qëndrojnë në port. Gjithashtu mbylli qindra shtigje ecjeje. Kushtet e akullta të rrugës ngadalësuan udhëtimin e mëngjesit në Seul, ndërsa punonjësit e urgjencës në të gjithë vendin iu përgjigjën pemëve të rrëzuara, shenjave dhe rreziqeve të tjera të sigurisë.

Presidenti, Yoon Suk Yeol urdhëroi ministritë e sigurisë dhe transportit të mobilizojnë të gjithë personelin dhe pajisjet përkatëse në dispozicion për të parandaluar aksidentet e trafikut dhe incidentet e tjera të lidhura me borën. Sipas zyrës presidenciale, Yoon u kërkoi gjithashtu zyrtarëve që të përcjellin informacionin e motit dhe trafikut tek publiku me shpejtësi për të ndihmuar në shmangien e dëmtimeve dhe shqetësimeve të lidhura me borën.

Një linjë e metrosë në Seul pati një vonesë prej nëntë minutash gjatë orës së pikut, njoftoi agjencia e lajmeve e Koresë së Jugut Yonhap. Yonhap tha se një person vdiq dhe katër të tjerë u plagosën në një aksident me pesë automjete në qytetin lindor të Hongcheon. Agjencia e motit tha se bora do të vazhdojë në pjesën më të madhe të vendit deri në mesditën e së enjtes.

Rajoni ka parë temperatura mbi mesataren dhe kushte të thata gjatë muajit të kaluar që kanë krijuar kushte ideale për zjarret.

Më shumë se 300 zjarrfikës kroatë po luftojnë prej disa ditësh me një zjarr të madh në afërsi të zonës turistike të Splitit.

Qyteti i dytë më i madh i Kroacisë prej së hënës është mbuluar nga një re tymi për shkak të zjarrit që ka përfshirë malin pranë tij dhe që ka djegur rreth 700 hektarë.

Shoqata Kroate e Zjarrfikësve tha se zjarri filloi në Žrnovnica, pas një goditjeje rrufe të dielën. Ai u shuan për t’u riaktivizuar sërish të martën me rritjen e temperaturave.

Rajoni ka parë temperatura mbi mesataren dhe kushte të thata gjatë muajit të kaluar që kanë krijuar kushte ideale për zjarret.

Këtë vit në Korenë e Jugut 28 persona kanë humbur jetën nga i nxehti ekstrem, njoftoi Agjencia Koreane e Kontrollit dhe Parandalimit të Sëmundjeve (KDCA).

KDCA njoftoi se nga 20 maji e deri më tani janë regjistruar 3.019 raste me probleme shëndetësore të lidhura me temperaturat e larta.

Sipas agjencisë, nga nxehti ekstrem këtë vit deri më tani kanë humbur jetën 28 persona.

Nga ana tjetër, në deklaratën e bërë nga Administrata Meteorologjike e Koresë së Jugut, paralajmërohet se vala e të nxehtit mund të vazhdojë deri në fillim të shtatorit.

Administrata njoftoi më 24 qershor se u thye rekordi i temperaturës duke e regjistruar muajin qershor si “qershori më i nxehtë”, i cili ishte regjistruar më parë në vitin 2018.

Në deklaratë thuhet se është dhënë alarm në 92 rajone në gjithë vendin, përfshirë kryeqytetin Seul, për shkak të të nxehtit ekstrem.

Mijëra fluturime në Francë dhe Evropë u anuluan më 25 prill, për shkak të grevës të kontrollorëve të trafikut ajror në Francë.

Greva ka shkaktuar ndalesën më të madhe në trafikun ajror në dekada.

Kompanitë e fluturimeve kanë përgjysmuar fluturimet në dy aeroportet kryesore në Paris, në Orly dhe Roissy Charles-de-Gaulle. Në Marsej, po ashtu, janë anuluar shumë fluturime.

Më të prekurat janë fluturimet me destinacione të shkurtra, por edhe fluturimet e gjata janë përballur me pengesa.

Ryanair ka raportuar se ka anuluar 300 fluturime më 25 prill, ndërkaq Easyjet dhe Transavia nga 200 secili.

Në total, rreth 2.300 fluturime në aeroportet franceze pritet të realizohen të enjten, për dallim nga 5.200 sa ishin realizuar një ditë më parë, tha autoriteti i aviacionit civil, DGAC.

Në mbarë Evropën, rreth 2.000 fluturime të tjera janë anuluar dhe rreth 1.000 të tjera kanë ndryshuar rrugën për të shmangur hapësirën ajrore franceze.

Numri i fluturimeve të anuluara ishte më i larti “në 20 vjet”, sipas Augustin de Romanet, drejtor i Grupit ADP, që menaxhon aeroportet në kryeqytetin francez.

Ai paralajmëroi se “dhjetëra mijëra dollarë” po rrezikohen nga anulimi i fluturimeve për shkak të grevës.

Shoqata e trafikut ajror, IATA, akuzoi kontrollorët francezë se po “shantazhojnë” dhe po bëjnë kërkesa të parealiuiese.

Greva në e kontrollerëve ajrorë vazhdoi, pavarësisht se një shoqatë e madhe e punëtorëve të trafikut ajror u tërhoq nga greva më 25 prill, për shkak se tha se do të vazhdonte negociatat me autoritetet shtetërore lidhur me kushtet e punës.

Megjithatë, në grevë janë edhe tri shoqata të tjera.