FIFA drejt vendimit për ndeshjen Serbi–Shqipëri: Opsioni surprizë, në stadium vetëm fëmijë

Vendimi i FIFA-s për ndeshjen e 11 tetorit mes Serbisë dhe Shqipërisë, që do të luhet në Leskovc, pritet të zyrtarizohet brenda orëve.

Nga Beogradi në Leskovc

Pas zhvendosjes së ndeshjes nga Beogradi në qytetin e vogël me stadium të ri, çështja më e madhe ka mbetur ajo e prezencës së tifozëve.

Trazirat e fundit në përballjen Serbi–Angli, e cila përfundoi 0-5, e kanë vënë Serbinë përballë një tjetër sanksioni përveç gjobës financiare.

Opsioni që po shqyrtohet

Mediat raportojnë se, FIFA dhe UEFA po punojnë që të shmangin sanksionin ekstrem të një stadiumi bosh, për shkak të imazhit vizual që do të shfaqet në ekranet botërore.

Në këtë kuadër, një nga opsionet më të mundshme është që nëse do të lejohen tifozë, ata të jenë vetëm fëmijë, në numër të kufizuar dhe të kontrolluar.

Kjo zgjidhje shihet si mënyra për të ruajtur pamjen vizuale dhe për të ulur në minimum rrezikun e incidenteve.

Stadiumi dhe masat e sigurisë

Ndeshja do të zhvillohet në stadiumin e ri “Duboçica”, i ndërtuar në vitin 2023, me kapacitet rreth 8000 vende.

Delegacionit shqiptar i janë vënë në dispozicion vetëm 100 bileta.

Nëse do të konfirmohet pjesëmarrja e presidentit serb Aleksandër Vuçiç, masat e sigurisë do të jenë edhe më ekstreme.

Gjykata e Shkallës së Parë Gjirokastër ka dhënë sot masën e arrestit për Skënder dhe Bledar Ajdini, të akuzuar si të përfshirë në vrasjen e Faik Ajdini në fshatin Zhapokikë.

Gjykata ka vendosur arrest me burg për Skënder Ajdini dhe “detyrim paraqitjeje” për të birin Bledar Ajdini.
Kujtojmë që vrasja e 72 vjeçarit Faik Ajdini u regjistrua më 19 gusht 2024 në fshatin Zhapokik të Memaliajt në Gjirokastër.

Kur i moshuari nuk kishte shkuar në banesë familjarët kishin nisur kërkimet duke e gjetur të pajetë 24 orë më pas në një përrua.

Nga këqyrja paraprake e kufomës u kuptua se kishim të bënim me vrasje të shkaktuar me mjet prerës. Tre ditë më pas policia e Gjirokastër zbardhi krimin dhe arreston autorët, teksa dyshohet se vrasja ka ndodhur për shkak të 4 trungjeve të cilat kishin pasur në tokën e tyre çifti Ajdini, dhe për të cilët ata dyshohen se i kishte marrë viktima, Faiku. Më datë 20 gusht 2024 në orën 23:30, janë arrestuar në flagrancë shtetasit:
Skënder Ajdini, 71 vjeç për veprat penale “Vrasja me paramendim” e kryer në bashkëpunim, “Sigurimi i kushteve dhe mjeteve materiale për të kryer vrasje” dhe “Përkrahja e autorit të krimit”, parashikuar nga nenet 78/25, 80 dhe 302 të Kodit Penal;

Bledar Ajdini, 43 vjeç, për veprën penale “Përkrahja e autorit të krimit”, parashikuar nga neni 302 i Kodit Penal.

Më pas në datën 22 gusht ora 03:00 u arrestua në flagrancë Blerti Kanushi, 23 vjeç për vepren penale “Vrasja me paramendim”, kryer në bashkëpunim, parashikuar nga neni 78/25 i Kodit Penal. Gjitashtu prangat iu vunë edhe Darovi Ajdini, 64 vjeçe, për veprat penale “Veprime që pengojnë zbulimin e së vërtetës” dhe “Përkrahja e autorit të krimit”, parashikuar nga nenet 301 dhe 302 i Kodit Penal.

Një ngjarje tragjike ka ndodhur diten e sotme në Prizren, ku një grua dyshohet se i ka dhënë fund jetës së saj. Viktima u gjet pa shenja jete në banesën në rrugën “Beteja e Jeshkovës”, rreth orës 06:00 të mëngjesit.

Viktima ka bërë vetëvrasje me armë zjarri. Sipas mediave në Kosovë, viktima është 45-vjeçarja Qefsere Berisha.

“Policia nën udhëheqjen e prokurorit ka bërë ekzaminimin e vendit të ngjarjes dhe mbledhjen e provave dhe dëshmive”, thuhet në një njoftim paraprak lidhur me ngjarjen.