Gjykata e Tiranës ka caktuar masën e sigurisë “arrest në burg” për 74-vjeçarin Hekuran Gjoni.

Gjatë një konflikti të çastit 74-vjeçari ka goditur me thikë djalin e tij 37-vjeçarin Asim Gjonin. 38-vjeçari u dërgua në spital por për shkak të plagëve të marra humbi jetën.

Në dëshmi 74-vjeçari ka deklaruar se djali i tij e ngacmonet dhe e tallte vazhdimisht.l Ai akuzohet për veprën penale “Vrasjes për shkak të marrëdhënieve familjare”.

Nisin lëvizjet në pikën e kalimit kufitar të Kapshticës pas festave.

Të gjithë ata shtetas shqiptarë që festuan në Shqipëri por që jetojnë dhe punojnë në shtetin grek përgjatë këtyre ditëve do të largohen drejt shtetit fqinj.

Vetëm gjatë 24 orëve të fundit kanë dalë 6925 shtetas ndërkohë që një numër më i vogël është regjistruar në hyrje me 2978 shtetas.

Sipas autoriteteve tona po punohet me 5 sportele në dalje,3 sportele për mjetet e vogla dhe 2 për autobuzat duke shmangur në këtë mënyrë pritjet dhe radhët.

Donald Trump do të jetë presidenti i 47-të i Shteve të Bashkuara të Amerikës, pas një fitoreje të thellë përballë kandidates demokrate Kamala Harris.

Por cili do të jetë vendimi i parë që do ta marrë Trump pas betimit në janar të vitit të ardhshëm?

Zëdhënësja e Donald Trump, Karoline Levitt ka thënë për mediat amerikane se vendimi i parë që do të marrë Presidenti i ri do të jetë “dëbimi masiv i emigrantëve të paligjshëm”.

Kujtojmë që një nga premtimet kryesore që dominuan fushatën e Trump ishte lufta ndaj emigracionit të paligjshëm.

Madje këtë premtim Trump e përsëriti edhe në fjalimin e tij të parë pas rezultateve që e nxirrnin atë fitues, ku deklaroi se në SHBA nuk do të lejohen emigratë të paligjshëm, duke shtuar se Amerika është e hapur vetëm për ata që hyjnë ligjërisht.

Pas dënimit të marrë sot nga Gjykata e Apelit me 1 vit për kallëzim të rremë, deputeti i PD-së Ervin Salianji ka ardhur në një program televiziv pasi ende nuk është ekzekutuar vendimi për ta dërguar në qeli.

Salianji u shpreh se ai është dënuar mbi bazën e dëshmive të Fredi Alizotit. Ky i fundit është personi që pretendohet se ka bërë zërin e Agron Xhafajt në audio-përgjimin me Albert Veliun (Babalja).

Një 31 vjeçar shqiptar është dënuar me 8 vjet e 6 muaj burg me akuzën e trafikut të drogës.

Autoritetet gjermane arrestuan shqiptarin në 11 korrik të vitit të kaluar, bashkë me bashkoshorten e tij, që u dënua me 4 vjet e 6 muaj burg.

Kjo e fundit, punonjëse banke, kishte abuzuar me pozitën e saj të besimit si punonjëse bankare dhe kishte mashtruar klientët me më shumë se 600 mijë euro nga llogaritë dhe kasafortat.

Prokuroria e kishte akuzuar bashkëshortin e saj të dënuar për trafik komercial të lëndëve narkotike në masë të madhe.

Ajo që kishte thënë prokurori publik në aktakuzë tingëllonte si një ‘marrëveshje e gjallë’ në të cilën thuhej se ishin përfshirë një i akuzuar veçmas dhe një bashkëpunëtor i panjohur më parë.

Dhe gjithashtu gruaja tashmë e dënuar. Një nga akuzat në gjyqin e tyre ishte se dokumentet nga policia holandeze dhe gjykata e rrethit Ëuppertal ishin falsifikuar.

Mësohet se i pandehuri ka dashur të mbante për vete një pjesë të kokainës dhe ta shiste për llogari të tij.

Presidentja e Kosovës, Vjosa Osmani ka thënë se çështja e dinarit serb në Kosovë duhet të zgjidhet me urgjencë dhe se tashmë ekziston pajtueshmëri për një pjesë të propozimit amerikan për këtë çështje.

Sipas saj, ideale do të ishte nëse do të arrihej një marrëveshje për të në Bruksel, më 19 mars, në kuadër të dialogut mes Kosovës dhe Serbisë, në nivel të kryenegociatorëve.

Ajo ka thënë se është shumë pozitive “që komuniteti ndërkombëtar, në krye me Shtetet e Bashkuara pajtohen që mos të ketë qarkullim të dinarit në Kosovë”.

“Me ndihmën e tyre kemi arritur që tash e tutje ato dërgesa, ajo ndihmë financiare që vjen nga Serbia, të arrijë në euro dhe jo në dinarë, dhe kjo besoj që e zgjidh një pjesë të madhe të problemit me të cilin jemi ballafaquar në të kaluarën”.

Sa i përket pjesës së dytë të propozimit, ajo ka thënë se janë duke shqyrtuar mënyra për të garantuar që ndihma që niset prej Serbisë për komunitetin serb në Kosovë të mos keqpërdoret.

“Të mos shkojë në duart e personave që kanë abuzuar, që janë korruptuar dhe i kanë marrë paratë kinse në emër të qytetarëve, por i kanë shfrytëzuar për krim të organizuar. Për atë pjesë është duke u hartuar një plan që do t’i përfshijë autoritetet e Kosovës”.

Osmani ka thënë se ka shpresa që shumë shpejt do të arrihet pajtueshmëri edhe për pikën e dytë.

Prej 1 shkurtit, Banka Qendrore e Kosovës (BQK) ka nisur të zbatojë një rregullore të re, e cila përcakton që euroja është valuta e vetme në përdorim për kryerje të pagesave me para të gatshme.

Kështu është pamundësuar përdorimi i dinarit.

Serbia deklaron se ndan ndihmë në vlerë të miliona eurove për serbët në Kosovë dhe ua nis atyre pagat, pensionet dhe ndihmën shtesë në valutën e vet, dinarin.

Komuniteti ndërkombëtar i ka reaguar ashpër Kosovës për zbatim të rregullores, duke thënë se nevojitet një plan i qartë që nuk dëmton komunitetin serb, dhe se afati për zbatimin e saj ka qenë shumë i shkurtër.

“Është urgjente që kjo çështje të zgjidhet, sepse jo vetëm që u ndihmon qytetarëve që t’i tejkalojnë disa prej sfidave me të cilat ballafaqohen, por në të njëjtën kohë, të jemi shumë të sinqertë, Kosova ka probleme më të mëdha, ndër të tjera probleme të sigurisë”.

Tek jo e fundit, ajo e ka përmendur nevojën e sigurimit të kufirit me Serbinë, e cila, sipas saj, shqyrton vazhdimisht mënyra për ta sulmuar Kosovën./ REL

Shtyhet seanca  për Fatmir Median, për çështjen e Gërdecit.

Vijon…