Kavajë- Shpëtim Osma, autori i plagosjes me armë zjarri të çiftit Sami dhe Nadire Disha në fshatin Gos të Kavajës, është vetëdorëzuar në Polici pas disa orësh kërkimi nga uniformat blu.

Ngjarja ndodhi rreth orës 10:15 të paradites së sotme, pas një konflikti për qenin e autorit, i cili sipas burimeve paraprake kishte hyrë në oborrin e fqinjëve. Debati verbal mes palëve ka agravuar deri në përdorimin e armës, ku Shpëtim Osma qëlloi me pistoletë në drejtim të fqinjëve të tij, duke plagosur çiftin Disha. Të plagosurit ndodhen jashtë rrezikut për jetën.

Pas ngjarjes, shërbimet e Policisë mbërritën menjëherë në vendngjarje, rrethuan zonën dhe nisën kërkimet për kapjen e autorit. Në ndihmë të Policisë lokale shkuan edhe forcat operacionale të Drejtorisë Vendore të Policisë Durrës.

Pas disa orësh, autori është vetëdorëzuar në ambientet e Policisë.

Grupi hetimor, nën drejtimin e Prokurorisë, vijon hetimet për zbardhjen e plotë të rrethanave dhe dokumentimin ligjor të kësaj ngjarjeje.

DURRËS- Kreu i klanit Farruku, Kreshnik Farruku është vetëdorëzuar mbrëmjen e kaluar në polici. Mësohet se Farruku, ishte shpallur në kërkim për qëllim ekstradimi në Itali, pasi kërkohej nga drejtësia italiane. Farruku u vetëdorëzua mbrëmë në policinë e Durrësit, i shoqëruar nga avokati i tij mbrojtës.

Klani Farruku

Klani Farruku, i përbërë kryesisht nga shqiptarë, njihet nga policia që prej vitit 2008 për lidhjet e tij me grabitje banesash, trafik kokaine dhe krime të ndryshme. Kreshniku, drejtuesi i saj, u arrestua në vitin 2019 në Madrid për shkak se kishte një urdhër-arresti evropian të lëshuar nga Italia që nga viti 2018, megjithëse policia spanjolle e kishte hetuar për lidhjen e tij të mundshme me një grup bashkatdhetarësh që në vitin 2007 sulmuan shtëpinë e biznesmenit José Luis. Në Malaga, operacioni është përhapur në pjesë të ndryshme të provincës, megjithëse numri i të arrestuarve në zonë nuk dihet për momentin. Garda Civile ka bërë me dije se operacioni kundër klanit Farruku në Costa del Sol synon të çmontojë një rrjet të rëndësishëm të trafikut të drogës që operon në këtë zonë. Kush është Kreshnik Farruku?

Shqiptari u kap në Spanjë dhe njihet edhe me emrat Kreshnik Budlla, Besnik Farruku e Sokol Koçi. Ai rezulton të jetë dënuar nga Gjykata e Ancona-s me 6 vjet e 8 muaj burgim për akuzën e trafikut të drogës.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Mbrëmjen e djeshme, rreth orës 20.15 në SP Shtip ka ardhur F.Z. (25) nga Shtipi dhe ka denoncuar se ka vrarë partneren e tij E.P. nga Shtipi dhe ka treguar se kufoma ndodhet në një objekt në Shtip.

Trupi i pajetë është gjetur nga efektivët e policisë. Në vendin e ngjarjes ka dalë Prokurori publik, njoftojnë nga Ministria e Punëve të Brendshme.

Policia e Tiranës ka dalë me një deklaratë zyrtare lidhur me dhunimin ndaj avokatit Sokol Mëngjesi. Drejtori i Policisë së Tiranës, Tonin Vocaj deklaroi se Mëngjesi është goditur për shkak të detyrës, pasi ai po përfaqësonte ligjërisht një familje, e cila kishte trashëguar një pronë në kryeqytet.

“Rezulton se Sokol Mëngjesi me profesion avokat, është goditur për shkak të detyrës. Avokati ka përfaqësuar ligjërisht një familje e cila kishte të trashëguar një pronë në qytetin e Tiranës. Disa nga trashëgimtarët nuk kanë pranuar të nënshkruajnë aktet ligjore.  Vazhdohet operacioni për kapjen e personave të shpallur në kërkim. Për çdo informacion, 20 mijë vihen në dispozicion. Tani është vetëdorëzuar Dorian Beqir Aliaj”, tha Tonin Vocaj.

Mesditën e kësaj të mërkure është vetëdorëzuar në Komisariatin e Policisë Sarandë ish- drejtori i legalizimeve, Mariel Murati, i akuzuar për ndërtimin pa leje.

Ai akuzohet se legalizoi hotelin 7 katësh, “Yacht” në lagjen nr.4 në Sarandë.

Prokuroria zbuloi se Murati fillimisht në vitin 2017 ka blerë nga dy persona një objekt kundrejt shumës 133 milionë e 350 mijë lekëtë vjetra.

Objekti sipas prokurorisë ishte pikërisht “pasuria e llojit truall, me sipërfaqe 470 m2 dhe sipërfaqe ndërtimi 170 m2. Kjo pronë, sipas përshkrimit të veçantë, ekziston në termat lokal si hotel me 4 kate”.

Objekti aktual “Yacht Hotel” me 7 kate është objekt totalisht i ri, i ndërtuar pas prishjes totale të objektit me 4 kate “Lokal + Hotel”.

Pamjet nga Ortofoto provojnë se në korrik 2003, objekti në fakt është me 4 kate, me mbulesë çati dhe 1 kat mbulesë soletë.

Ormir Gucian 47-vjeç, i cili goditi me sende të forta në kokë efektivin për shkak të një konflikti që kishte me të, u vetëdorëzua në polici.

Ngjarja ka ndodhur para banesës së efektivit i cili ndodhej jashtë orarit të shërbimit, ndërsa dyshja raportohet se janë fqinj dhe konflikti bëhet me dije se ka qenë për motive të dobëta.

Gjithashtu njoftoi pak më herët se gjatë konfliktit ka pasur një shkrepje të pavullnetshme të armës së efektivit por nuk ka shkaktuar dëme. Okaj ndodhet jashtë rrezikut për jetën, ndërsa po punohet për kapjen e 47-vjeçarit.

‘Në lidhje me informacionin e dhënë më parë, sipas të cilit shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, (punonjës policie), ju informojmë se pas kontrollit dhe presionit të Policisë, 47-vjeçari është vetëdorëzuar në Komisariatin e Policisë Shkodër.

AMP dhe grupi hetimor vijojnë punën për zbardhjen e rrethanave të këtij rasti’ informoi policia.

Të shtëna me armë zjarri janë shënuar mbrëmjen e djeshme në Fushë-Krujë, ku mbeti i plagosur një 57-vjeçar pas konfliktit të çastit, ndërsa pasditen e sotme autori është vetëdorëzuar në polici.

I plagosuri është 57-vjeçari Artan Goga, tregtar makinash, i cili ndodhet në spital jashtë rrezikut për jetën. Ai u godit në shpatull, nga 43-vjeçari P. Merlika.

“Ditën e sotme, është vetëdorëzuar në Komisariatin e Policisë Krujë dhe u arrestua shtetasi P. M., 43 vjeç, banues në Krujë. Ky shtetas, ditën e djeshme, për motive të dobëta, ka qëlluar me armë zjarri shtetasin A. G., i cili ndodhet në spital, jashtë rrezikut për jetën”, njofton policia.

Pas një konflikti të çastit të ndodhur mes dy vëllezërve dhe personit tjetër, situata ka agravuar deri në shkrepjen e armës.

Materialet do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

Është vetëdorëzuar sot në Komisariatin e Sarandës biznesmeni Pando Papuçi.

68-vjeçari ishte shpallur në kërkim prej 21 shkurtit 2022 për veprën penale “ndërtim i paligjshëm”, për një pallat 7 katësh në hyrje të qytetit të Sarandës.

Ai u shpall në kërkim në kuadër të operacionit “Heshtja”, që çoi në pranga edhe 3 zyrtarë të Bashkisë Sarandë.

Për të katër personat Prokuroria e Sarandës ka çuar çështjen në gjykim pak muaj më parë.

Një person ka përplasur sot në kryeqytet një të mitur 12-vjeçar në vendin e quajtur “Ura e Beshirit” dhe më pas është larguar nga vendngjarja.about:blank

Mësohet se pas 3 orësh ai është paraqitur në Policinë e Beratit aty ku edhe banonte për t’u dorëzuar.

Burime bëjnë me dije se shërbimet e policisë së Tiranës kanë shkuar në Berat për të shoqëruar drejtuesin e mjetit që përplasi fëmijën.

Nga ana tjetër 12-vjeçari i përplasur ka marrë ndihmën mjekësore dhe ndodhet jashtë rrezikut për jetën.