Një mot i keq ka mbajtur sot në Shqipërinë e mesme dhe atë jugore.

Një stuhi e papritur ka përfshirë vendin. Në Fier, nga vetëtima ka rënë zjarr.

Siç shikohet në pamje, zjarri është i përmasave të konsiderueshme.

Po ditën e sotme, pak më parë u raportua se në Çermë të Lushnjës, një magazinë ka marrë flakë.

Pas ditëve përvëluese, sot vendi ynë është përfshirë nga reshjet të dendura shiu që kanë ulur disi edhe temperaturat.

Shtrëngatat e shiut kanë shkaktuar edhe problematika. U deshën vetëm pak minuta shi që disa zona në kryeqytet të gllabëroheshin nga uji.

Nga videot e siguruara shihet qarte se uji ka mbuluar gjithë sipërfaqen e rrugës në disa zona të kryeqytetit.

Niveli i ujit ka vështirësuar edhe qarkullimin e automjeteve gjë kjo që ka bërë që edhe trafiku të jetë i rënduar.