Policia spanjolle ka vënë në pranga 3 shtetas shqiptarë të akuzuar për më shumë se 30 vjedhje në banesa.

Shqiptarët piketonin banesat e të pasurve në zonën e Malagës dhe kryenin grabitjet. Në momentine arrestimit atyre u janë gjendur sende të shumta me vlerë si dhe para cash.

Si operonte grupi

Shqiptarë i kishin të ndarë rolet e tyre, ku njëri ishte transportuesi ndërsa dy të tjerët ishin ata që hynin nëpër banesa dhe kryenin vjedhjen.

Për policinë spanjolle ishte shumë i vështirë hetimi, për identifikimin dhe më pas kapjen e 3 skifterëve shqiptarë.

Ata merrnin informacion kur banorët largoheshin nga shtëpitë, dhe gjatë natës nisnin “pastrimin”.

Pas aksionit shoferi i merrte sërish dhe i largonte ëprmes autosdtradës në një rrugë rurale, ku ata zbrisnin dhe merrnin një tjetër mjet për të mos lënë gjurmë. Dhe disa ditë më pas takosheshin sërish për të ndarë “plaçkën”.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Vidhnin varëse floriri në Tiranë, policia arreston dy të rinjtë. Finalizohet nga Komisariati i Policisë Nr. 1, operacioni policor i koduar “Necklace”.

I vodhën varësen e floririt një shtetaseje, identifikohen dhe arrestohen dy autorët e dyshuar.

‘Shërbimet e Komisariatit të Policisë Nr. 1, pas marrjes së njoftimit se dy persona i kishin vjedhur varësen një shtetaseje, në Rrugën e Elbasanit, menjëherë kanë organizuar dhe finalizuar operacionin policor të koduar “Necklace”, për identifikimin dhe kapjen e autorëve të dyshuar.

Si rezultat i punës dhe veprimeve të shpejta hetimore, nga specialistët për Hetimin e Krimeve në Komisariatin e Policisë Nr. 1, u identifikuan, kapën dhe ndaluan shtetasit D. M., 23 vjeç, dhe L. M., 21 vjeç, të dy banues në Tiranë.

Këta shtetas, në bashkëpunim me njëri-tjetrin, më datë 15.08.2024, në Rrugën e Elbasanit, i kanë vjedhur varësen një shtetaseje dhe më pas janë larguar.

Në cilësinë e provës materiale u sekuestruan varësja e vjedhur, një aparat celular dhe veshjet që këta shtetas kanë përdorur gjatë kryerjes së vjedhjes.

Materialet i kaluan Prokurorisë, për veprime të mëtejshme procedurale’, njofton policia.

Në një konferencë për mediat ku renditi një sërë rastesh të krimeve kibernetike, të cilat lidhen kryesisht me shantazhimin e vajzave të mitura me publikimin e imazheve apo videove intime në profile të krijuara në rrjete sociale, kreu i policisë së Tiranës, Tonin Vocaj u ndal edhe te dy raste të vjedhjes nga ATM me karta të klonuara.

Rasti i parë lidhet me operacionin e koduar “Goldish Axe”, gjatë të cilit u dokumentua ligjërisht veprimtaria kriminale e 3 shtetasve rumunë, të cilët kanë arritur të vjedhin para nga ATM-të në Tiranë.

“Me anë të prodhimit të kartave të kreditit të klonuara, kartave të kreditit të vjedhura dhe duke dëmtuar bankomatë të ndryshëm, për të ndërhyrë më pas në sistemet e tyre kompjuterike, kanë vjedhur shuma të ndryshme monetare, në institucione të ndryshme financiare që operojnë në qytetin e Tiranës.”

Gjatë hetimeve të këtij operacioni policor, janë zbardhur dhe dokumentuar me prova ligjore 4 vjedhje të kësaj natyre dhe 2 të tjera të mbetura në tentativë.

Vocaj sqaroi se policia shqiptare po bashkëpunon me Interpolin për të realizuar kapjen e këtyre shtetasve.

Rasti i dytë është thuajse i ngjashëm, pasi në kuadër të operacionit “Virtual shade”, është ndaluar 25-vjeçari Lorent Granica, me shtetësi franceze, i cili gjatë qëndrimit në Tiranë, nëpërmjet kartave virtuale bankare të vjedhura në shtete të ndryshme të Europës, ka kryer pagesa të ndryshme në institucione financiare që operojnë në vendin tonë.

Autoritet spanjolle kanë kapur dhe kanë vënë në pranga tre shtetas shqiptare, të cilët akuzohen se kanë vjedhur automjete me vlerë 40 mijë euro në shtetin italian.

Pas gjetjes së automjetit, u konstatua se autorët kishin ndryshuar targat origjinale për të tjerët nga një automjet nga Luksemburgu.

Hetimi nisi më 29 prill, kur në postën kryesore të Gardës Civile në Altea u mor një telefonatë nga Italia. Një grua ka raportuar se kishte denoncuar vjedhjen e automjetit të saj, me vlerë rreth 40 mijë euro, në vendin e saj. Sipas ankuesit, Sistemi i Pozicionimit Global të automjetit (GPS) tregoi vendndodhjen e tij në një rrugë në Altea.

Menjëherë në zonë janë zhvendosur disa njësi të Gardës Civile së bashku me një patrullë të Policisë Vendore Altea.

Pas kontrollit, ata gjetën një automjet që përputhej me karakteristikat e denincimit, të parkuar para një shtëpie, por makina ishte me targa të Luksemburgut.

Në afërsi të shtëpisë, agjentët identifikuan tre persona të cilët fillimisht pretendonin se ishin pronarë të mjetit dhe që jetonin në shtëpi prej një jave.

Pas kontrollit të numrit të shasisë, agjentët konfirmuan se ishte automjeti i vjedhur në Itali, i cili kishte një markë evropiane në Sistemin e Informacionit Shengen të krijuar nga Italia dhe të cilit i ishin vendosur targa false për të parandaluar zbulimin.

Të tre personat, dy burra dhe një grua nga mosha 28 deri në 38 vjeç me kombësi shqiptare, u arrestuan për vjedhjen e mjetit dhe për falsifikim dokumentesh.

Të arrestuarit së bashku me automjetin e sekuestruar janë vënë në dispozicion të Gjykatës Hetimore Nr. 1 Benidorm, e cila ka dekretuar lirimin e të gjithëve me caktimin e masës së sigurimit.

Në  kuadër të operacionit “Repeat”, policia e Kavajës ka zbardhur rastet e përsëritura të vjedhjes së automjete, ku si rezultat janë arrestuar babë e bir, Juljan dhe Mersin Shkalla.

Kavajë/Finalizohet operacioni policor i koduar “Repeat”, për zbardhjen e rasteve të përsëritura të vjedhjes së automjeteve.

Veprimet profesionale hetimore të kryera në bazë të inteligjencës policore, identifikojnë dhe çojnë në pranga 2 shtetas (babë e bir) që kryenin këtë veprimtari kriminale.

63-vjeçari dhe djali i tij dyshohen se kanë vjedhur 5 automjete dhe targat e 2 automjeteve të tjera, në Kavajë dhe në Shijak.

Gjenden në servisin e këtyre shtetasve, në fshatin Priskë, pjesët e njërit nga automjetet e vjedhura në Kavajë dhe të një automjeti tjetër të denoncuar të vjedhur, në Rinas.

Bllokohet servisi i këtyre shtetasve, në të cilin ata dyshohet se fshihnin automjetet e vjedhura dhe i çmontonin, me qëllim shitjen.

Specialistët e Seksionit për Hetimin e Krimeve të Komisariatit të Policisë Kavajë, në bashkëpunim me specialistët e Seksionit për Hetimin e Krimeve kundër Pronës dhe Pasurisë të DVP Durrës dhe specialistët e Seksionit për Hetimin e Krimeve të Komisariatit të Policisë Krujë, bazuar në informacionet e siguruara nga inteligjenca policore, për 2 shtetas që vidhnin automjete dhe i çmontonin në serivisin e tyre, për t’i shitur, kanë organizuar dhe finalizuar operacionin policor të koduar “Repeat”.

Si rezultat i veprimeve hetimore të kryera në kuadër të këtij operacioni, janë identifikuar, kapur dhe vënë në pranga shtetasit:

M. Sh., 63 vjeç dhe J. Sh., 33 vjeç (babë e bir), të dy banues në Tiranë.

Nga veprimet hetimore të kryera, bazuar dhe në denoncimet e qytetarëve, për vjedhjen e automjeteve të tyre, dyshohet se këta dy shtetas, në bashkëpunim me njëri-tjetrin:

– më datë 22.02.2024, në Kavajë, kanë vjedhur një automjet tip “Range Rover” dhe një automjet tip “Mercedez Benz”. (Automjeti tip “Mercedez Benz” është gjetur te Liqeni i Thatë, më datë 25.02.2024);

– më datë 17.02.2024, në një pikë për shitjen e automjeteve, në Shijak, kanë vjedhur një automjet tip “Audi A5”, një automjet “Volkswagen” dhe targat e 2 automjeteve të tjera;

– më datë 17.08.2023, në Kavajë, kanë vjedhur një automjet tip “Range Rover”.

Gjatë kontrollit në servisin e këtyre shtetasve, në fshatin Priskë, shërbimet e Policisë kanë gjetur pjesët e automjetit tip “Range Rover” të vjedhur 22.02.2024, në Kavajë, dhe pjesë të një automjeti tjetër të denoncuar të vjedhur, në Rinas.

Vijojnë veprimet hetimore për dokumentimin e rasteve të tjera të vjedhjeve që mund të jenë kryer nga këta shtetas.

Materialet procedurale i kaluan Prokurorisë, për veprime të mëtejshme.

Katërmbëdhjetë punonjës të një aeroporti në ishullin Tenerife janë arrestuar me dyshimin se kanë vjedhur sende me vlerë 2 milion euro nga bagazhet e pasagjerëve, siç njoftoi sot policia spanjolle.about:blank

Ndër sendet e vjedhura të marra nga pasagjerët e kombësive të ndryshme në aeroportin e vendosur në pjesën jugore të ishullit Kanarie ishin 29 ora luksoze, 22 telefona inteligjentë të teknologjisë së fundit dhe 120 bizhuteri, thuhet në njoftimin për shtyp.