Vitamina C është një ushqyes i dobishëm dhe i domosdoshëm për organizmin, veçanërisht në këtë periudhë kur nisin virozat.

Vitamina C shkurton kohëzgjatjen e sëmundjes, forcon sistemin imunitar dhe shërben si antioksidant kundër radikaleve të lira.

Prania e saj është e rëndësishme në të mirë të sistemit imunitar, kundër sëmundjeve të zemrës, problemeve me shtatzaninë, sëmundjeve të syve dhe rrudhave të parakohshme.

Ajo mbështet rritjen normale të trupit, zhvillimin e tij dhe përthithjen e hekurit. Organizmi i njeriut nuk mundet të prodhojë apo ruajë vitaminën C. Kjo e bën marrjen e kësaj vitamine nga ushqimet, një nevojshmëri të madhe.

Sa ju nevojitet?

Meshkujt: 90 miligramë në ditë

Femrat 75 miligramë në ditë, (përveç femrave shtatzënë dhe nënave që ushqejnë me gji)

Femrat shtatzënë: 85 miligramë në ditë

Nënat që ushqejnë me gji: 120 miligramë në ditë

Duhanpirësit: 35 miligramë më shumë se doza e rekomanduar më lart.

Sasia maksimale që njeriu mund të marrë nga kjo vitaminë është 2000 miligramë në ditë.

Ajo që është e rëndësishme, është se një regjim i shëndetshëm ushqimor ofron sasi të përshtatshme të vitaminës C.

Ushqimet më të pasura me vitaminë C

Për shumë njerëz, një portokall, një racion me luleshtrydhe, speca të kuq apo brokoli, ofron një dozë të mjaftueshme të vitaminës C.

Specat janë burim shumë i mirë i vitaminës C. Duhet t’i përfshini në regjimin tuaj ushqimor.

1 gotë me lëng portokalli ofron 93 mg vitaminë C.

1 gotë me lëng qitro ofron 70 mg vitaminë C.

1 kivi ofron 64 mg vitaminë C.

Gjysëm racioni me brokoli ofron 51 mg vitaminë C.

Gjysmë racioni me luleshtrydhe ofron 49 mg vitaminë C.

Më poshtë do të gjeni shenjat që jep trupi kur mungon vitamina C

Vitamina C dhe Stresi

Stresi është i pashmangshëm gjatë ditës. Ai nxitet nga një sërë faktorësh, ngjarjesh dhe mendimesh. Mungesa e vitaminës C i shumëfishon këto faktorë nxitës të stresit, jo vetëm në frekuencë por edhe në përmasë.

Njerëzit që kanë mungesa të vitaminës C shpalosin sjellje të ngjashme me depresionin, ndihen më të lodhur dhe pa energji.

Probleme me dhëmbët

Vitamina C i mban dhëmbët dhe mishrat e tyre të shëndetshëm. Mungesa e kësaj vitamine shkakton erozion dhe rënie të dhëmbëve.

Sistem të dobët imunitar

Mungesa e vitaminës C krijon një handikap në sistemin imunitar. Jo vetëm që organizmi sëmuret shpesh, por edhe shërimi dhe rikuperimi është më i vështirë. Një sistem i dobët imunitar e ka më të vështirë të mposhtë infeksionet dhe bakteret.

Plogështi

Anemia prek me qindra shqiptarë. Plogështia është një prej simptomave të saj që vjen si pasojë e niveleve të ulëta të hemoglobinës. Mungesa e vitaminës C shkakton anemi dhe probleme me prodhimin e qelizave.

Shtim në peshë

Mungesa e vitaminës C rrit masën dhjamore në organizëm. Kjo ndodh sepse trupi resht së përdoruri yndyrnat si burim energjie.

Ankthi është një sëmundje që zkonisht është e lidhur me ndjenja të tensionit, frikës, ose shqetësimit në lidhje me situatat ose ngjarjet që perceptohen si të rrezikshme ose sfiduese për njeriun. Megjithatë, ankthi mund te kthehet në një problem për shëndetin kur bëhet i shpeshtë apo i tepërt, dhe në disa raste, mund të ndikojë negativisht në jetën e përditshme dhe mirëqenien emocionale.

Disa prej metodave të trajtimit të tij janë mjekimet me suplementë të cilët qetësojnë organizmin dhe trurin. Në artikullin e sotëm ne do të trajtomë dy nga vitaminat e ndikimin më të madh në shëndetin e mendjes dhe organizmit, vitamina D dhe magnezi.

Si ndikojnë vitamina D dhe Magnezi? 

Vitamina D dhe magnezi janë dy elementë të rëndësishëm për shëndetin e përgjithshëm, por nuk janë trajtime të drejtpërdrejta për ankthin ose simptomat e tij. Megjithatë, mungesa e tyre mund të ndikojë në mirëqenien emocionale dhe fizike, dhe disa studime kanë sugjeruar një lidhje midis tyre dhe nivelit të ankthit.

Vitamina D: Vitamina D është e rëndësishme për shëndetin e kockave, funksionimin e sistemit të imunitetit dhe ndihmon në mbajtjen e nivelit të tensionit arterial nën kontroll. Disa studime kanë treguar një lidhje midis niveleve të ulëta të vitaminës D dhe simptomave të ankthit, por është ende e nevojshme për hulumtime shtesë për të konfirmuar këtë lidhje. Për të siguruar nivelin e duhur të vitaminës D, është e rëndësishme të keni një dietë ushqimore të pasur në vitaminë D ose të merrni sasinë e duhur të saj përmes suplementeve, por konsultimi me një mjek është i rëndësishëm për këdo që po mendon të marrë vitamina D shtesë.

Magnezi: Magnezi është një mineral i rëndësishëm që ka një rol në funksionimin e sistemit nervor dhe ndihmon në zvogëlimin e stresit. Mungesa e magnezit mund të shoqërohet me simptoma të tilla si ankthi dhe depresioni. Për të siguruar një nivel të duhur të magnezit në trup, mund të konsumoni ushqime të pasura në magnez, siç janë farat, arrat, dhe barishtet e gjelbra, ose të merrni suplemente të magnezit nën udhëzimin e një mjeku.

Si mund të trajtohet ankthi? 

Është e rëndësishme të theksohet se trajtimi i ankthit zakonisht kërkon një qasje të më gjerë dhe të ndryshme. Terapia e bisedës, mësimet e teknikave të relaksimit, dhe ndryshimi i stilit të jetesës janë shpesh pjesë e trajtimit të ankthit. Para se të merrni ndonjë suplement, këshillohuni me një mjek për të bërë një vlerësim të plotë të gjendjes suaj dhe për të diskutuar opsionet më të mira për trajtimin e ankthit.

Vitamina B3 është thelbësore për funksionimin e duhur të trupit. Mungesa e kësaj vitamine mund të çojë në shfaqjen e lodhjes, nervozizmit, përqendrimit të dobët, dhimbje koke, shumë simptoma dhe shqetësime të tjera. Rregulli i parë që duhet ndjekur për ta shmangur atë është të ndiqni një dietë të ekuilibruar, në të cilën ka ushqime të pasura me triptofan, një aminoacid thelbësor që nxit prodhimin e kësaj vitamine nga trupi, si peshku, mishi, qumështi, djathi, kosi etj.

Vitamina B3, e quajtur edhe niacinë, është një nga vitaminat e kompleksit B. Kjo vitaminë merr pjesë në procese dhe reaksione të ndryshme të organizmit dhe mbi të gjitha ndihmon në rritjen e energjisë fizike dhe mendore si dhe ka një veprim antioksidant, duke mbrojtur qelizat nga veprimi i radikaleve të lira.

Vitamina B3, së bashku me vitaminën B1 dhe vitaminën B2, merr pjesë në metabolizmin dhe prodhimin e energjisë duke filluar nga lëndët ushqyese si karbohidratet, proteinat dhe yndyrnat e pranishme në ushqimet e konsumuara. E quajtur edhe një vitaminë e humorit të mirë, ajo ndikon në sistemin nervor dhe prodhimin e serotoninës, hormoni që ndikon në humor dhe kundërvepron me veprimin e hormoneve të stresit, duke përfshirë kortizolin. Ajo mban të shëndetshëm si sistemin tretës ashtu edhe atë kardiovaskular.

Ndërkaq, mardhjen e vjeshtës për shkak të ndryshimeve në ditën dhe natën, është mirë të filloni të zgjoheni më herët për t’u përshtatur me ritmet e stinës së re. Nëse keni ndalur një pjesë të aktiviteteve gjatë pushimeve, është koha t’i rivendosni me kujdes për të shmangur mbingarkesën. Fillimi i vjeshtës është periudha e frutave dhe perimeve të freskëta si mollët, dardhat, rrushi dhe kungujt. Përfitoni nga këto produkte për t’i dhënë organizmit tuaj vitaminat dhe mineralet e duhura. Edhe pse temperaturat janë më të freskëta, mos e nënvlerësoni rëndësinë e pirjes së ujit gjatë ditës.