Në një subjekt minerar, në vendin e quajtur “Maja e Drenit”, fshati Cerujë, Klos, ka ndërruar jetë shtetasi H. D., 61 vjeç, banues në Klos.

Nga kryerja e veprimeve të para hetimore ka rezultuar se më datë 03.10.2025, rreth orës 11:30, shtetasi në fjalë ka qenë duke punuar në galerinë nr. 5 të një subjekti minerar, ku është konstatuar nga punëtorët e tjerë pa ndjenja dhe më pas ka humbur jetën.

Nga këqyrja paraprake e trupit nuk janë konstatuar shenja apo dëmtime trupore që mund të lidhen me aksident gjatë punës, dhe paraprakisht dyshohet për arrest kardiak.

Trupi i 61-vjeçarit është dërguar në Institutin e Mjekësisë Ligjore, Tiranë, për kryerjen e ekspertizës mjeko-ligjore.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër, për vlerësim të mëtejshëm.

Një 34-vjeçar ka denoncuar se është kërcënuar me armë zjarri ka 4 persona që nuk i njeh. Uniformat blu në Lezhë kanë nisur hetimet me një rast të kallëzuar ditën e sotme. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

“Në Komisariatin e Policisë Kurbin, ka kallëzuar shtetasi E. U., 34 vjeç. Në afërsi të shinave të trenit, në qytetin e Laçit, është kanosur me armë zjarri nga 4 shtetas që nuk i njeh, të cilët lëviznin me një automjet. Vijojnë hetimet lidhur me kallëzimin”, informoi sot policia e Lezhës.

Në aksin rrugor Berat-Dimal, në fshatin Otllak, shtetasi G. Sh., 34 vjeç, banues në Kuçovë duke drejtuar automjetin tip BMW, ka humbur kontrollin mbi drejtimin e automjetit dhe për pasojë automjeti ka dalë nga rruga.

Nga dalja nga rruga e automjetit, ka humbur jetën pasagjeri, shtetasi L. Ll., 33 vjeç, banues në Kuçovë.

Drejtuesi i automjetit është shoqëruar në Komisariat për veprime të mëtejshme

Grupi hetimor po punon për zbardhjen e shkaqeve dhe rrethanave të aksidentit.

Policia e Riminit arrestoi në flagrancë një 30-vjeçar shqiptar për trafik kokaine.

Karabinierët që po kontrollonin zonën e Colonnella, kanë vënë re një makinë të vogël duke bërë lëvizje të dyshimta pranë një pallati, duke pikasur edhe shitjen e lëndëve narkotike.

Shoferi i ka dorëzuar një pako një personi që ka hipur në bord dhe në këmbim ka marrë një kartëmonedhë 50 euro.
ë dy u ndaluan menjëherë. Blerësi, një 50-vjeçar nga Rimini, kishte me vete një mbështjellës kokaine të blerë së fundmi. 30-vjeçari shqiptar, banues në provincën e Veronës, por me banim të përkohshëm në San Marino, kishte fshehur tetë doza të së njëjtës substancë në pjesët e tij intime.

Oficerët sekuestruan edhe 700 euro para të gatshme dhe një peshore precize. Nga hetimet rezultoi se i arrestuari dërgonte drogë në shtëpi me porosi të marra përmes WhatsApp. Nga kontrolli i banesës së tij në San Marino u zbulua material paketimi dhe 3000 euro të tjera cash, informon media e vendit fqinj.

Shqiptari është vënë në dispozicion të organeve të drejtësisë dhe do të gjykohet menjëherë.

Një 41 vjeçar është proceduar penalisht pasi nuk deklaroi 13 420 Euro në pikën kufitare të Morinës.

Shtetasi nga Kosova përballet me veprën penale “Mosdeklarimi në kufi i të hollave dhe i sendeve me vlerë”.

Paratë u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë Kukës për veprime të mëtejshme.

Një 34-vjeçar nga Lazarati është arrestuar në flagrancë për drejtim automjeti në gjendje të dehur, si dhe për përplasjen me një efektiv policie në aksin rrugor “Gjirokastër-Kakavijë”.

Sipas raportit të Policisë Rrugore, ngjarja ndodhi mbrëmjen e djeshme kur automjeti që drejtohej nga shtetasi R.M, i cili ishte në gjendje të dehur, ka përplasur automjetin që drejtonte shtetasi M.K., një punonjës policie jashtë shërbimit.

Si pasojë e aksidentit, ka pasur vetëm dëme materiale. Policia Rrugore ka marrë masa administrative ndaj shtetasit MK. Materialet procedurale janë dorëzuar në Prokurorinë e Shkallës Parë të Gjirokastrës për hetime të mëtejshme dhe përcaktimin e përgjegjësisë.

Njoftimi i Policisë:

Sektori i Policisë Rrugore arrestoi në flagrancë shtetasin RM, 34 vjeç, banues në Lazarat, pasi mbrëmjen e djeshme, në aksiin rrugor “Gjirokastër-Kakavijë”, automjetet që drejtohen në gjendje të dehur janë përplasur me automjetet që drejtojnë shtetasit MK, (punonjës policie , jashtë shërbimit), 64 vjeç, banues në Gjirokastër.

Si pasojë e aksidentit ka vetëm dëme materiale. Me shtetasi MK, janë kryer përgjegjësi administrative nga Policia Rrugore.

Materialet procedurale i kaluan Prokurorisë së parë të Shkallës Parë të Juridiksionit të Gjirokastrës së Përgjithshme, për përgjegjësinë e mëtejshme.

Një 22-vjeçar është vënë në pranga ditën e sotme në Durrës. Mësohet se arrestimi i tij ka ardhur pasi i riu ka kryer 4 vjedhje nga data 15 nëntor deri më 2 dhjetor.

Sipas policisë i riu me inicialet A. D. dyshohet se është autor i vjedhjeve. Vjedhjet janë regjistruar në lagjen nr. 13 në Durrës. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Njoftimi i plotë:

Durrës/ Zbardhen 4 raste të vjedhjes në lokale, vihet në pranga autori i dyshuar. Si rezultat i veprimeve hetimore të kryera pas kallëzimeve të pronarëve të disa lokaleve, për vjedhje në subjektet e tyre, shërbimet e Stacionit të Policisë Plazh kanë vënë në pranga shtetasin A. D., 22 vjeç, banues në Durrës.

Nga veprimet hetimore dyshohet se ky shtetas, në datat 15.11.2024, 30.11.2024 dhe 02.12.2024, ka kryer vjedhje në 4 lokale në lagjen nr. 13, Durrës. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Një 51-vjeçar me origjinë shqiptare u arrestua nga policia italiane në Milano pas një operacioni ku u zbulua një sasi e konsiderueshme droge dhe një shumë e madhe parash.
Skifterat e Skuadrës Fluturuese të Milanos kanë nisur një operacion monitorimi në zonën e Via Vittor Pisanit. Gjatë detyrës patrulluese, efektivët vëzhguan 51-vjeçarin shqiptar duke i dhënë substanca një 44-vjeçari me origjinë nga SHBA. Ky moment ka bërë që efektivët të ndërhyjnë, duke kryer një kontroll të menjëhershëm.

Në momentin e arrestimit, policia gjeti një sasi të konsiderueshme lënde narkotike të fshehur brenda të brendshmeve të burrit. Sipas policisë, u gjetën 24 doza kokainë, së bashku me 6 doza me kokainë rozë. Gjatë kontrollit rezultoi se shqiptari mbante në portofolin e tij edhe një shumë prej 7350 eurosh cash dhe 315 euro të tjera i kishte fshehur në xhepin e pantallonave.

Prania e drogës dhe parave shkaktoi alarmin për trafik të dyshuar droge.
Pas arrestimit, efektivët vendosën të kryejnë kontroll në shtëpinë e 51-vjeçarit, që ndodhet në zonën Barona të Milanos. Hulumtimi çoi në zbulime interesante: 10 mijë euro cash u gjetën brenda një lavatriçe, një shumë e konsiderueshme që mund të nxjerrë në pah shkallën e aktivitetit të paligjshëm të burrit.

Gjithashtu, gjatë kontrollit u gjetën edhe njëzet mbështjellës të tjerë me kokainë rozë. Autoritetet po punojnë tani për të rindërtuar rrjetin e shpërndarjes së drogës dhe për të kuptuar nëse ka ndonjë bashkëpunëtor të përfshirë në trafik.

Policia ka arrestuar një 26-vjeçar nga Kosova, pasi ka bërë 20 kallëzime të rreme

Sipas policisë së Kosovës 26-vjeçari B.G, që nga janari deri më 23 maj 2024, ka ka bërë 20 kallëzime të rreme.

B.G. (26), marrjes në pyetje me vendim të prokurorit të shtetit, është dërguar në mbajtje për lajmërim apo kallëzim të rrejshëm.

DEVOLL- Një 38-vjeçar është arrestuar ditën e sotme në Devoll për dhunë në familje.

Mësohet se në pranga ka rënë i riu me iniciale N,S, i cili ka dhunuar fizikisht dhe psikologjikisht gruan e tij.

Po ashtu ai ka ushtruar dhunë psikologjike dhe ndaj vajzës së tij të mitur.

Njoftimi i Policisë:

Specialistët për Hetimin e Krimeve të Komisariatit të Policisë Devoll arrestuan në flagrancë shtetasin N. S., 38 vjeç, banues në fshatin Baban, Devoll, pasi dyshohet se ka ushtruar dhunë fizike dhe psikologjike, ndaj bashkëshortes së tij, e cila u pajis me urdhër mbrojtjeje, si dhe ka ushtruar dhunë psikologjike ndaj vajzës së tij të mitur. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.